Luka 13:1-12

¹Nei huiana ne, tatao headi metai ia se heriba, si ene, “Pilato, Galilaia tataodi osinadi i heboririesegaidi, edi aitalasam.”

²Iesu arinadi i heuio, i ene, “Omi emi nuatu, au ene Galilaia tataodi gamagaridi aridi eai teina Galilaia tataodi isibom mo se baaea, paana amamna ta se hearodi?

³Ea heribamiu ta, ea ’ne, nige’e: na ena nuamiu nige au buidi, omi gamagarimiu sora hinage abo au mate nei doha.

⁴Meta tatao saudoudoi‐haligigi‐haiona hinage, Siloama bonana ie guri potadi eai, isi se mate wa: omi au ene Ierusalema tataodi gamagaridi aridi eai isibom mo bena se baaea?

⁵Ea heribamiu ta, ea ’ne, nige’e: na ena nuamiu nige au buidi omi gamagarimiu sora abo au mate nei doha.”

⁶Teina parabole hinage abo i heribadi i ene, “Tau esau ena vine oeana alona eai kuhou esau i umai; i laoma aiaina i eooi, nige i lobai.

⁷Vine oeana tauitawataina ia i heriba, i ene, ‘Borimai haiona ea laoma kuhou aiaina ea eooi, nige ea lobai: u oiheguri; oea saha i hewaa?’

⁸Ia arinana i heuio i ribalau ia arinai, i ene, ‘Guiau e, sora i otawa, teina borimai ta sora tano ea hebigabiga hetaiiri, eo ea samui:

⁹ena aiaina aboi tore, i lolo: ena nige’e, abotai abo u oiheguri.’”

¹⁰Sabate esau sunago esau alona eai i lauheataedi.

¹¹Na, sine esau i dabadabaruru, borimai saudoudoi‐haligigi‐haiona i asiebo, ia dagelana ie eou, toro i heasaasaei.

¹²Iesu sine wa ie ita i eogai, i ribalau ia arinai, i ene, “Sine e, em asiebo abo i tatapesa.”