Luka 13:1-12

¹Ane gova vreme avile nesave manuša thaj vačarde e Isusese kaj o Pilat o rimsko upravniko bičhalda te mudaren nesave Galilejcuren. Thaj mudarde len dok prinosisade kurbanen ano jerusalemsko Hram.

²Thaj o Isus vačarda lenđe: “Tumen li den gođi kaj gola Galilejcura so sesa mudarde si po grešna tare avera Galilejcura?

³Na! Phenav tumenđe, i tumen gija ka mudardon ako ni irin tumen e Devlese.

⁴Il okola dešohto so peli pe lende i kula i Siloamsko thaj mudarda len, tumen li den gođi kaj von sesa po grešna tare avera Jerusalimcura?

⁵Na! Phenav tumenđe, i tumen gija ka mudardon ako ni irin tumen e Devlese.”

⁶Thaj o Isus vačarda lenđe kaja paramič: “Jekhe manuše sasa smokva sadime an po vinograd. Thaj avilo te dičhol dal anda bijandipe, al ni arakhlja pe late khanči.

⁷Tegani vačarda e manušese savo čerda buči ko vinograd: “Ak trito berš sar avav thaj rodav bijandipe pi kaja smokva, thaj ni arakhav. Čhin la! Sose te šučarol i phuv?

⁸A o manuš so čerol bući ko vinograd vačarda lese: “Barutneja! Ačhav la vađi kava berš te honav paše late thaj te čhudav gunoj paše late.

⁹Šaj ka bijanol aver berš. Ako na, ka čhine la.”

¹⁰Thaj kana o Isus sikavola ani jekh sinagoga ko savato,

¹¹thaj dik, sasa gothe jekh đuvli savi sasa banđardi ko dumo thaj sasa nasvali taro bilačho duxo dešohto berš, thaj naštine te ačhol šukar.

¹²Thaj kana dikhlja la, dija la vika o Isus thaj phenda lače: “Đuvlije! Oslobodimi san tar ćo nasvalipe!”