Lukaj 13:1-12

¹NI anjau o akai mia, me potoan on i duen men Kaliläa kai, me Pilatuj doleki nt’ arail ar mairon.

²A kotin japen majani on irail: Komail kiki on, me men Kaliläa pukat me dipan akan mon men Kaliläa tei kan, pweki ar kalokolok o?

³Nai, me indai on komail: Jo! A ma komail jota pan kalula, komail karoj pan mela dueta.

⁴De irail ekwalemen ko, me im en ruk en Jiloa pupedi on poa, kame ir ala, komail kiki on, me irail me jued jan aramaj akan, me kaukaujon Ierujalem?

⁵Nai me indai on komail: Jo! A ma komail jota pan kalula, komail karoj pan mela dueta.

⁶A kotin karajeraj on irail majani: Aramaj amen mia, me a tuka pik apot padedi nan a mat en wain, ap kodon rapaki wa, a jota me a diarada.

⁷A ap indai on jaumat en wain: Kilan, par jilu i kodon rapaki wan pik pot et, a jota, me i diarada; paledi, da me a pinaki mal waja o!

⁸A a japen indan i: Main, pui jan pil par wet, pwe i en weirada ni tapi, o ki on pwel mau.

⁹A ma a pan wa, ari me mau, a ma jo, komui ap pan paledi jan.

¹⁰A kotin padapadak nan jinakoke eu ni ran en japat.

¹¹A kilan, li amen mia, me nen en jomau ti poa par naulwalu, a koj pena o jota man kak uda.

¹²Iejuj lao kotin majani i, ap molipei won i majani on i: Li, koe en maioda jan om jomau!