Uluka 13:1-12

¹Uganiya, ara anu wa buki me Bilatus wa are galilawa samapatti maye ma weme nan nu hadaya uweme.

²Yeso mabirka we, Ibassa a Galilawa wagino wateki ukasu me in madini, sa wa ziti anime?

³A, a in bo shi, inda ya nya a acce ashime, lali wii kasi weme.

⁴Nyani gusi anu siluwam ukirau ina nu witi-tari gino u husmiya wa rizi a we uhuu we, ibassa wateki ukasu wanu Urushalima vat unu cara abanga?

⁵Inpo shi izome ani mani, vat de sa daki manya nicce vat uwe wadi wii,

⁶Yeso mabuki agino me, ure unu ma biri upom urung inabi umeme unyara a hana dakimā kem ba.

⁷Madusa magu inde sa ma hira urung me, tiiue ta zige me in ezizze ahing upom ugeme agi ingazi in iremum mun ba. Ca akorko uni, A wuzi aneni a ceki uni ukursu ahira me hem anime?

⁸Deusa mahira urung me magu, nya uni uganiya cingun in butuko in wuu uni utenki.

⁹Inki wa yoo ani wee nu kuro, a memerum ini nome.

¹⁰Ure uwui Yeso mazinu bezi utize, Bono me Asabar ani azi.

¹¹Ure uce mawu tiwe ukirau intini witi-tari mazin unu koni uzenze, ma ciki tungoron, da ma rusi utonno ba.

¹²Yeso ma iri me, ma ti ti me magun me, ukoni ugame ma humawe uni,