Luku 13:1-12

¹Jisasi'ma anante mani'negeno, Galili vahe'ma Paeroti zamahe frino korazmi erino Anumzamofonte kre sramna vu'zane eri havia huzamige'za, kre sramna vu'naza nanekea mago'a vahe'mo'za eme asmizageno,

²Jisasi'a anage huno eme zmasami'ne, tamagra tamagesa antahizana, ana Galili vahe'mo'za mago'a Galili vahe'mokizmi zmagetere'za tusi'a kumi hu'nazankino anazamo hige'za, ama knazana enerize hutma nehazo?

³Nagra neramasamue, a'o. Hianagi tamagrama tamagu'a rukrehe osanutma, mikamotma anahu hutma frigahaze.

⁴Hifi tamagra antahizana 18ni'a vahe'ma Siloamu kumate zaza nomo kriteno zmahe fri'nea vahe'mokizmi kumi'zmimo'a, maka Jerusale mani'naza vahetmimofo kefozana zmagetere'za hu'naza vahe fri'naze huta nehazo?

⁵Nagra i'o hu'na neramasamue. Hianagi tamagu'a rukrahe osnutma e'inahu kna hutma tamagranena mika frigahaze.

⁶Anage nehuno, Jisasi'a ama fronka ke zmasami'ne, mago ne'mofona waini hoza'afina, fiki zafa kri'neankino, nena raga'ama rente'nenigu ome keana, raga'a reonte'ne.

⁷Hoza nefa'a, ana hoza'ama kegva kri'nea neku huno kamago, tagufa kafu zgefima etevute hu'na koana, ama zafamo'a raga'a reonteanki antagitro! Nahanigeno mopamofo tima'a eri vgaregahie?

⁸Higeno hozare kegva nehia ne'mo'a, hoza nefana anage huno asami'ne, atregeno ama kafufina me'nena, agafafina mopa kafina mago'a azeri masavema hu'zana antanena,

⁹rgama anaga'a kafufima renteniana, knare hugahie. Hanki raga'ama reontesigenka eme antagi atresane huno asami'ne.

¹⁰Mni fruhu (Sabati) knazupa Jisasi'a osi mono nompi umrerino rempi hunezmigeno,

¹¹mago ara 18ni'a kafu zgefi havi avamumo amagena azeri fagagigeno, pripri huno vano nehuno, oti fatgo huno vano nosia a'

¹²Jisasi'a negeno ke higeno egeno, ama amoka, krimofo kinafintira katufegantoe.