1 Jisasi'a amanage huno amagema nentaza disaipol naga'a zmasami'ne, reheno kezana egahie. Hianagi iza'o reramatga nehimofonkura nasunku huntoe!
2 Witi refuzafu nepaza havere nofi anakiza, anankempi rentete'za, hagerimpi atrenageno uramisiana knare zantfa hugahie. Neone nagapinti magomofo azeri trakama huzankura,
3 tamagra kva hiho! Neramafuma kumima hanigeta, haviza nehane huta hinkeno, agu'ama rukrehema hanigeta, kumi'a atrentegahaze.
4 Ana ne'mo'ma mago knamofo agu'afi 7ni' zupa kumi huramanteno, ana kefozama'agu agu'a rukrahe huno 7ni'a zupa eno nasunku hue hanigeta, kumi'a atrentegahaze.
5 Aposol naga'amo'za, Ramofona anage hu'za asmi'naze, tamentintia eri ra huo hu'za hazageno,
6 Ramo'a anage huno zmasamine, tamagrima tamementintimo mastet zafa rgagna hu'nenigeta, mulberi zafagura amne tasagi hunka hagerimpi ome regrio hanageno'a, ketamia amage'anteno amne anara hugahie.
7 Ina'imoka amuno tamifina kazokzo eri'za vahe ka'amo hoza tinka eri'zano, sipisipi kegva nehaniregati enkeno'a, ame hunka emaninka ne'zana no hugahio?
8 Hu'neanagi kva'amo'a amanahu kea kazokzo eri'za ne'agura osugahio, kukenaka'a eri hutenka nezama nesuazana retro hunenantege'na, tine nezanena netesugenka, henka tine nezane kagra negahane hugahio?
9 Hanki agra kazokzo eri'za ne'agura musenkea huontegahio? Na'ankure huo hunoma hunte'neazana hu'ne.
10 Ana hu'negu kagranena, maka'zama Anumzamo huo huno hugante'neazama hanunka anage huo, tagra knare osunona kazokzo eriza vahemota, Anumzamo eriho huno hurante'nea eri'za e'nerune huta hugahaze.
11 Jisasi'a Jerusale vunaku nevuno, Sameria kuma'ene Galili kumamofo amunompi agatereno vu'ne.
12 Nevuno mago kumapi ufregeno, 10ni'a fugo namune vahe'moza ogamnu otiza mani'ne'za ome tutagiha hunte'naze.
13 Amanage hu'za kezati'naze, Jisasiga kva ne'moke, kasuntgi ranto! hu'za nehzageno,
14 Jisasi'a nezmageno amanage huno zamasmi'ne, Tamagra vuta prisi vahete tamavufga ome zamaveri hiho, hige'za nevzageno fugo namuzmimo'a amne higeza agru hu'naze.
15 Hagi mago'zmimo'a keana avufgamo so'e higeno, rukrahe huno ranke huno Anumzamofo agi erisaga nehuno,
16 Jisasi agafi avugosaregati epri huno, susu huno musenke huntene. Ana nera Sameria nere.
17 Anante Jisasi'a anage hu'ne, 10ni'a vahe'mokizmi fugo namumo'a so'e hige'za agru hu'naze. Hianagi 9ni'a vahe zga iga mni'naze?
