Luku 21

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Jisasi ranmono nompi mani'neno kesga huno nezmagege'za, feno vahe'mo'za zgoma ante taferopi ofa zgoa ante'naze.

²Hagi amunte omne kento a'mo tare osi zgo ana taferopi netregeno ke'ne.

³Jisasi'a anage huno hu'ne, Tamage hu'na neramasamue, ama amunte omne kento amo'a makamokizmia zamagtereno ante'ne.

⁴Na'ankure zamagra rama'a antenafinti, taferopina mago'a eme ante'naze. Hianagi ama amo'a omnetfa hunefinti, agri'ma aza hanigeno manisiama'a miko ante vgarene.

⁵Mago'a amagema nentaza disaipol nagamo'za ra mono no knare have eri'za no negiza, vahe'mo'za museza eri'za ementazaza, eriza avasese hunte'naza zantaminku naneke nehzageno, Jisasi'a amanage hu'ne.

⁶Amazama me'negeta negazazana, magokna esigeno'a mago havemo'e huno, mago havemofo agofetura atresageno omnegosianki, ana maka tagna vazitregahie.

⁷Hige'za, ana kegu anage hu'za antahige'za, rempi hurami ne'moka, nanknafi anazana fore hugahie? Ana knama atupama hinkeno'a nankna avame'za fore hinketa ketesunkeno anazana fore hugahie?

⁸Jisasi'a anage hu'ne, tamagra kva huneta atrenkeno mago'a vahe'mo'za havi kantera tamavreza oviho. Na'ankure rama'a vahe'mo'za Nagri nagifina eza anage hugahaze, nagra ana neki, hago knamo'a koftahie hanigeta, tamagra zamage anteta ovutfa hiho.

⁹Tamagra ha'ma hanaza agenkene, hazenkeza fore'ma haniazamofo agenkema antahisuta korera osiho, na'ankure ese'zana anazana fore hugahianagi, ame huno vgarekna omegahie.

¹⁰Jisasi mago'ane huno, mago rankumate vahe'mo'za, mago rankumate vahera hara huntesigeno, mago kinimofo naga'mo, mago kinimofo naga hara hunentesigeno,

¹¹tusi'a imi enerisigeno, mago'a kaziga tusi'a kri fore nehinkeno, mago'a kaziga tusi'a zamaga netenkeno, monarera ruzahu ruzahu avameza fore huno vahera zmazeri zmagogofegahie.

¹²Hu'neanagi anazana fore osu'nena, esera tamagrira tmazeri'za kanonkeve neramami'za, tamavre'za osi mono nompine, kina nompi ome neramante'za, kini vahete'ene kamani vahetera, Nagri nagireku hu'za tamavre'za vugahaze.

¹³Zamagrama e'inama hanaza zamo'a, mago kankamu tamamisigeta, Nagri nagi nagenkea huama zamagritera hugahaze.

¹⁴Ana hu'negu antahiantahi hakare hutma, inaknahu ke huta tagra'a tagu vazigahune hutma osiho.

¹⁵Na'ankure Nagra nanekema hanaza kene antahintahine tamisugeta, kea hanageno, kema huramantesaza vahe'mo'za, ana kema hanazana eri otregahaze.

¹⁶Hianagi tamagritami tamarera tamafazane, tamafuhezane, tamagri'a nagamo'zane, ronetamimozane, komoru hu'za mago'amota tamahe frigahaze.

¹⁷Hagi maka'mo'za, tamagrira antahi haviza huramantegahaze. Na'ankure Nagri nagima tamagripi me'neazanteku anara hugahazanagi,

¹⁸magore huno tamasenifi tamazokamo'a fanane osugahie.

¹⁹Tamagrama ana knazampima oti hanavetita vanutma tamasimura erigahaze.

²⁰Hianagi tamagrama negesageno sondia vahe'mo'za Jerusale kumama eme regagisagetma, Jerusale kuma azeri haviza hu'zamo'a egofta hie hutma antahiho.

²¹Anama hanigeno'a Judiama mni'naza vahe'mo'za freza agonarega vnageno, rankumamofo amunompi mni'nesamo'za atre'za vinkeno, megiama mani'nesamo'za rankumapina uofreho.

²²Na'ankure ama'i ana kna, Anumzamo kefozazmire nona'a huzmante knagino, maka avontafepi krentenea kea eama hugahie.

²³Zmu'enema hu'nesaza anene, ana knafi mofavrema ami nemiza nagamofonkura nasunku huzmantoe. Na'ankure Anumzamofo tusi'a rimpahe knazamo, ama mopafine vahete'enena egahie.

²⁴Hagi bainati kazinu eme zmahe nefriza, zmavre'za maka kokantega kina ome hunezmantesageno, Jerusale kumara megi'a vahe'mo'za zmagiareti regugupa negrisageno, megi'a vahe'mofo knamo'a vgaregahie.

²⁵Jisasi'a anage hu'ne, avame'zana zgerema ikante'ma ofunte fore nehina, mopafina vahe'mokizmia antahintahizmimo'a savri nehina, hanavezmi nomnenkeno, hagerimo kranto kranto huno tusi'a agasasa nerina nentahiza tusi'a kore hugahaze. (Joel 2:31)

²⁶Mopafima fore'ma hanizamofo nege'za vahe'mo'za zamu evuevu hanige'za traka hu'za masegahaze. Na'ankure monafima me'nea hanave zantamimo'a toretore hinke'za anara hugahaze.

²⁷Ana nehina Vahe'mofo Mofavremo'a hampompi himamu'ane, tusi'a msa'afi ne-ena kegahaze. (Dan 7:13)

²⁸Hianagi ana maka'za erigafa huno fore nehinketa, oti hanavetita tamasenia antesga hutma keho. Na'ankure tamagri'ma tamavresia knamo'a egofta nehie.

²⁹Anante Jisasi'a anage huno mago fronka kea zamasmi'ne, fiki zafare'ene maka ruga'a zafataminte keta antahita hiho.

³⁰Zafamo'ma kasefa asinama regeta, zagegna fore hunaku higeno'e hutma nehaze.

³¹E'inahu avame'zama negesutma, Anumzamofo kumara kofta hie hutma tamagesa antahiho.

³²Nagra tamage hu'na neramasmue, ama knafi mani'naza veamo'za ofri mani'nesnageno, ana maka'zana fore hugahie.

³³Monane mopane fanane hugahianagi, Nagri kemo'a fanane osu mevava hugahie.

³⁴Jisasi'a mago'ane anage hu'ne, tamagra kva hiho. Ru negi ti neta negineneta, makazana kva huso'e nosuta, tmavufamofo zanku antahintahi hakare hanagi, e'inahuma hanageno'a krifumo zgagafa azeriankna hu'nenigeno, ana knamo'a ame huno onkesageno tmagritera efore hugahie.

³⁵Na'ankure maka ama mopafi mni'naza vahete ana knamo'a efore hugahie.

³⁶Hanki tamagra maka knafina kva hutma maninetma, nunamuna huvava nehutma, hankavetita mni'neta ana maka knazama efore'ma haniana agateneretma, Vahe'mofo Mofavrema esigura avega anteho.

³⁷Mago mago knafina ra mono nompi veara rempi hunezmino, kinagasegeno'a Olivie huza nehaza agonare mrerino umanine.

³⁸Hagi maka vahe'mo'za nanterampi otiza rempima huzamisige'za antahisagu ra mono nompi vu'naze.