Hiobe 26

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Bilidadi e iŋuc mume Hiobezi dâŋ okacne kecʒiŋuc bâtikiecnewec:

²“Eha i, no ŋic tâpiri â sasanaŋ tâmiric jukopacte go sowine baficnucmurâ ʒoɋac sâko ekomec.

³Jei, ŋic maŋɋârâŋ tâmiric â mutuc matacne no sowine baficnuhuc mamana sâko tahacnukomec.

⁴Erâ go muc: More mârozi maŋgao juhuc baafecguha dâŋ keci mukomec, â dâŋ sasawa mukomec i mozi mana‐fâreomu?

⁵Hâmoc haezi ɋiɋiteckeekac, â ŋecjucfâc‐ticne jaŋe hâwic‐jopaha ɋarac ɋarac qaeŋgopieŋ.

⁶Hâmoc hae hâcne i Anuture maio tâtâc fokac, wiac izi me izi sâcne moc mi sâockeocmu.

⁷Anutuzi faic mâreŋte qânikiŋ qaratiewec fokac, â mâreŋ ine sawao hewec ŋekac.

⁸Anutu eki hâcne mume hoe opâzi karorac maŋnao ŋeekac, ehuc soŋaŋkeha karoracko fusucmarâ sifu mi fâuckeekac.

⁹Erâ ekizia wâc mume mosazi karorac maŋnao soŋkeekac.

¹⁰Eki hâwec qaŋeŋne râehame dapâc â tatamac âke râwiŋ‐jofawec.

¹¹Erâ ekizia wâc mume ɋuŋ parandaŋ heme tiki jaŋe qiriŋ qaeŋgopieŋ.

¹²E tâpiri‐ticnezi hâwec bâniniŋkeme benoŋ bawec, â maŋɋârâŋ focnekacte Rahaba oâ sâko imackewec.

¹³Ere micrombâŋzi karorac ficne sueme rahame qânikiŋ fuawec, â mesanaŋ‐ticnezi oâ sâko keci wisehame qâhâmowec.

¹⁴Manakic, wiac mukopac keci i tâpiri‐ticnere jauraŋne sawa, nâŋe dâŋsaŋuc‐ticne sawa manaeŋgopeneŋ. Tâpiri ɋuŋɋasaŋ‐ticnere fuŋne ine mozi sâcne mana taraocmu?”