Hiobe 17

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹“No juju dameŋ‐nane biac qosackekac, erâ maŋnane wâc omaekac, ehame ʒâŋeruŋzi sawa woŋec‐nane fokac.

²Ŋic jaŋe rârec bârârec mu ruruc enareeŋgopieŋ, ehuc mu âke sisic enarepie honec‐jopaekopac.

³“O Anutu, no siocmâc jukopacte dâŋnanere kiwiric nowac roc, moczi moc dâŋnane sâcne mi dopeckeocmu.

⁴Go gahac maŋ mamanasu‐jeŋicte motâc hemeŋ, irec gokizia aka hejaretec jaŋe sowine huc ʒâic fuacnekac, iŋuc munarehuc bubiaŋ mi mananʒepieŋ.

⁵Muqâqiŋ dâŋnâŋec moc ʒiŋuc fokac: Ŋic moczi âgofâc‐ticne moneŋte erâ doc bacjopaocmuo ine naru motecfâcne jaŋe ʒârâ hâriŋ faio feniŋmu.

⁶“Eme ŋic jaŋe muqâqiŋ dâŋ irec manasuhuc mu ruruc enareeŋgopieŋ, ehuc ʒâŋe mai‐naneo tâfecnueŋgopieŋ.

⁷No ʒâic busâqoc faio juhuc ʒâŋe hâpoc tinac ekopac, â me kike‐nane wâc sisiŋ ekac.

⁸Irec tiŋne jueŋgopieŋ jaŋe honecnupie hâhâwicne eekopac, â ŋic bahac fâsâc jaŋe nore ŋic hehesicne muhuc mana sâqore‐nareeŋgopieŋ.

⁹Ŋic tiŋne jaŋe hata‐jeŋic paŋʒâic jaha bâjâpeeŋgopieŋ, erâ bahacmâc jueŋgopieŋ jaŋe sanaŋ qaŋqaŋkeeŋgopieŋ.

¹⁰Ajoc, ŋoŋe ʒeŋgoma harierâ dâŋŋeŋic mocwâc muzo murâ muniŋ, ehame no sifu ŋondeŋ‐ŋeŋicko ŋic maŋɋârâŋhec moc mi bâfuapemu.

¹¹Juju dameŋ‐nane biac wise tâmirewec, mamana biri‐nane i fâri tâmiric ewec â woworic‐nane wâc omaewec.

¹²Âgofâc‐nane jaŋe ʒiŋuc nazaŋgopieŋ: ‘Dapâczi herisieme tatamac ekac, irec go tatamaczi maicguzo ekac,’ no ine sifu dapâcko jaha ŋekopac.

¹³No hâmoc haere sawa mamanac jukopac, no ira hâcne hurâ dapâczi foŋnuha fopemu.

¹⁴Ehuc ʒâŋeruŋ ʒiŋuc âzâcnepemu: ‘Go hâcne mamac‐nane,’ â umbeŋzi nâcnuniŋmu jaŋe ʒiŋuc jazapemu: ‘Ŋoŋe hâcne neŋgoc seŋfâc‐nane.’

¹⁵Ehame woworic‐nane wena moc fua‐nareocmu? Me mozi moc honerâ nowatuocmu?

¹⁶No hâmoc haeo huhape jujure woworic‐nanezi mocwâc mi bâjâpecnuocmu.”