1 Lada 6 - Bibeli Luayãtaalá

¹Levii nɛgↄ̃ɛↄ tↄ́n kɛ: Geesↄ̃, Kɛata ń Mɛlalio.

²Geesↄ̃ nɛgↄ̃ɛↄn Libeni ń Simɛio ũ.

³Kɛata nɛgↄ̃ɛↄ tↄ́n kɛ: Amlaũ, Isaa, Hɛblↄ̃ ń Uziɛlio.

⁴Mɛlali nɛgↄ̃ɛↄn Mali ń Musio ũ. Levii buiↄn kɛ an dezi káauↄwa:

⁵Geesↄ̃ Libeni ì, Libeni Yaata ì, Yaata Zima ì,

⁶Zima Yoa ì, Yoa Ido ì, Ido Zela ì, Zela Yealai ì.

⁷Kɛata Aminadabu ì, Aminadabu Kole ì, Kole Asii ì,

⁸Asii Ɛlikana ì, Ɛlikana Abiasafa ì, Abiasafa Asii ì,

⁹Asii Taatu ì, Taatu Uliɛli ì, Uliɛli Uzia ì, Uzia Saulu ì.

¹⁰Ɛlikana nɛgↄ̃ɛↄ tↄ́n kɛ: Amasai ń Aimↄo.

¹¹Aimↄ Ɛlikana ì, Ɛlikana Zofai ì, Zofai Naata ì,

¹²Naata Ɛliabu ì, Ɛliabu Yeloaũ ì, Yeloaũ Ɛlikana ì, Ɛlikana Samuɛli ì.

¹³Samuɛli nɛgↄ̃ɛ sɛ̃́ian Yoɛli ũ, a plaade Abia.

¹⁴Mɛlali Mali ì, Mali Libeni ì, Libeni Simɛi ì, Simɛi Uza ì,

¹⁵Uza Simɛa ì, Simɛa Agia ì, Agia Asaia ì.

¹⁶Gbɛ̃́ pↄ́ Davidi ń dílɛ Dii kpɛ́ lɛ̀sin gbɛ̃zↄ̃ↄↄ ũ kpagolo sua we gbɛaↄn kɛ:

¹⁷Aaìↄ lɛsizĩ kɛ zwã̀akpɛ pↄ́ wì mɛ Kpaaũkpɛ kpɛɛlɛ e Salomↄↄ gɛ̀ kpɛdↄ̀ò Diiɛ Yelusalɛũ. Aa zĩkɛ̀ a zɛ́wa lá wa dìlɛnɛ́wa.

¹⁸Gbɛ̃́ pↄ́ aa zĩpi kɛ̀ↄ ń ń nɛgↄ̃ɛↄ tↄ́n kɛ: Lɛ̀sin dↄaana Emani, Kɛata bui deziↄ tↄ́n kɛ maeↄ ń ń nɛ́ↄ daalɛa Isailiwa: Isaili, Levii, Kɛata, Isaa, Kole, Abiasafa, Asii, Taatu, Zefania, Azalia, Yoɛli, Ɛlikana, Amasai, Maatu, Ɛlikana, Zufi, Toa, Ɛliɛli, Yeloaũ, Ɛlikana, Samuɛli ń Yoɛli pↄ́ Emanipi ìo.

²⁴Emani gbɛ̃do Asafa mɛ́ ì lɛsi aà ↄplaai. Aà deziↄ tↄ́n kɛ maeↄ ń ń nɛ́ↄ: Levii, Geesↄ̃, Yaata, Simɛi, Zima, Etani, Adaia, Zela, Ɛteni, Malakia, Baaseia, Mikaila, Simɛa ń Bɛlɛkia pↄ́ Asafapi ìo.

²⁹An gbɛ̃́ Mɛlali buiↄ dↄaana Etani mɛ́ ìↄ kú ń ↄzɛɛi. Aà deziↄ tↄ́n kɛ: Levii, Mɛlali, Musi, Mali, Sɛmɛɛ, Bani, Amɛzi, Ilikia, Amazia, Asabia, Maluku, Abadi ń Kisi pↄ́ Etanipi ìo.

³³An Levii deeↄ mɛ́ zwã̀akpɛ pↄ́ dɛ Lua kpɛ́ ũ zĩ kĩniↄ kɛ̀ píi.

³⁴Aalona ń a buiↄ mɛ́ ì pↄ́ↄ kpasa sa'okĩiwa ń tulaletikatɛakĩio. Aamɛ aaìↄ luakukĩi zĩ kɛ, aaì Isailiↄ duuna kɛ̃́má lá Lua zↄ̀blena Mↄizi dìlɛnɛ́wa.

³⁵Aalona buiↄ tↄ́n kɛ: Ɛleazaa Finɛasi ì, Finɛasi Abisua ì,

³⁶Abisua Buki ì, Buki Uzi ì, Uzi Zelaia ì,

³⁷Zelaia Mɛlaio ì, Mɛlaio Amalia ì, Amalia Aitubu ì,

³⁸Aitubu Zadoki ì, Zadoki Aimaaza ì.

³⁹Wɛ̃́lɛ pↄ́ wa kpàmá ń zↄ̃lɛkĩi ũↄn kɛ: Kɛata tↄũna Aalona buiↄ ↄ̃ wà gbɛlànɛ́ káau.

⁴⁰Ɔ̃ aa Hɛblↄ̃ pↄ́ kú Yuda bùsuu blè ń a dã́dãkɛkĩi pↄ́ liaaiↄ.

⁴¹Ãma wà wɛ̃́lɛpi buaↄ ń a bualoũↄ kpà Yefũnɛ nɛ́ Kalɛbuwaɛ.

⁴²Aalona buiↄ mɛ́ Hɛblↄ̃ pↄ́ dɛ misiwɛ̃lɛ ũ blè ń Libenao ń Yatiio ń Ɛsɛmↄao

⁴³ń Ilɛnio ń Dɛbiio

⁴⁴ń Asão ń Bɛsɛmɛsio, ampii ń a dã́dãkɛkĩioɛ.

⁴⁵Aa Bɛ̃yãmɛɛ buiↄ wɛ̃́lɛↄ blè lↄ, Gɛba ń Alemɛo ń Anatoo, ampii ń a dã́dãkɛkĩioɛ. Wɛ̃́lɛ mɛ̀n kuɛ'aaↄ̃piↄá Aalona buiↄ pↄ́ɛ.

⁴⁶Kɛata bui kĩniↄ mɛ́ Manase bui pↄ́ kú bɛ'aɛ oiↄ wɛ̃́lɛↄ blè mɛ̀n kwi gbɛlaa guu.

⁴⁷Geesↄ̃ buiↄ mɛ́ Isakaa buiↄ ń Asɛɛ buiↄ ń Nɛfatali buiↄ ń Manase bui pↄ́ kú Basana bùsuuↄ wɛ̃́lɛↄ blè daɛdaɛ mɛ̀n kuɛ'aaↄ̃.

⁴⁸Mɛlali buiↄ mɛ́ Lubɛni buiↄ ń Gada buiↄ ń Zabulↄni buiↄ wɛ̃́lɛↄ blè daɛdaɛ mɛ̀n kwi gbɛlaa guu.

⁴⁹Ɔ̃ Isaili buipiↄ wɛ̃́lɛpiↄ ń ń dã́dãkɛkĩiↄ kpà Levii buiↄwa.

⁵⁰Yudaↄ ń Simɛↄ buiↄ ń Bɛ̃yãmɛɛ buiↄ wɛ̃́lɛ pↄ́ wà ń tↄ́ sìpiↄ kpàmá lↄ.

⁵¹Kɛata buieↄ mɛ́ Ɛflaiũ buiↄ wɛ̃́lɛↄ blè lↄ.

⁵²Wà Ɛflaiũ bùsu sĩ̀sĩde misiwɛ̃lɛ pↄ́ wì mɛ Sikɛũ kpàmá ń Gɛzɛɛo

⁵³ń Yↄkemaũo ń Bɛtolonio

⁵⁴ń Ayalonio ń Galimↄo, ampii ń a dã́dãkɛkĩioɛ.

⁵⁵Manase bui pↄ́ kú bɛ'aɛ oiↄ mɛ́ Anɛɛ ń Bileaũo ń ń dã́dãkɛkĩio kpà Kɛata bui kĩniↄwa.

⁵⁶Wɛ̃́lɛ pↄ́ Geesↄ̃ buiↄ èn kɛ: Manase bui pↄ́ kú gukpɛ oi wɛ̃́lɛↄ Golana pↄ́ kú Basana bùsuu ń Asaloo ń ń dã́dãkɛkĩio.

⁵⁷Isakaa bui wɛ̃́lɛↄ Kɛdɛsi, Dabela,

⁵⁸Lamↄtu ń Anɛũo ń ń dã́dãkɛkĩiↄ.

⁵⁹Asɛɛ bui wɛ̃́lɛↄ Masala, Abedↄ̃,

⁶⁰Hukoko ń Leobɛo ń ń dã́dãkɛkĩiↄ.

⁶¹Nɛfatali bui wɛ̃́lɛↄ Kɛdɛsi pↄ́ kú Galile, Hamↄ, Kiliataiũ ń ń dã́dãkɛkĩiↄ.

⁶²Levii nɛ́ Mɛlali buiↄ mɛ́ gↄ̃̀. Ɔ̃ aa Zabulↄni bui wɛ̃́lɛɛ beeↄ è: Yↄkenaũ, Kaata, Limↄnↄ ń Tabooo, ampii ń a dã́dãkɛkĩiↄ.

⁶³Aa Lubɛni bui pↄ́ kú Yuudɛ̃ baa bↄaa ń Yelikooↄ wɛ̃́lɛɛ beeↄ è lↄ: Bɛzɛɛ pↄ́ kú guwaiwaiu, Yaza,

⁶⁴Kedemↄ ń Mɛfaao, ampii ń a dã́dãkɛkĩiↄ.

⁶⁵Aa Gada bui wɛ̃́lɛɛ beeↄ è lↄ: Lamↄtu pↄ́ kú Galada bùsuu, Maanaiũ,

⁶⁶Ɛsɛbↄ̃ ń Yazɛɛo, ampii ń a dã́dãkɛkĩiↄ.

1 Lada 61234567891011121314151617181920212223242526272829

1 Lada 6
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29