1 Lada 26 - Bibeli Luayãtaalá

1 Lada 26

Click on verse(s) to share them!

¹Bĩ́ibↄlɛdↄ̃anaↄ gãliↄn kɛ: Sɛ̃́ia Kole buiↄ. Kole nɛ́ Mɛsɛlɛmia, Abiasafa tↄũna.

²Mɛsɛlɛmia nɛgↄ̃ɛↄ tↄ́n kɛ: A sɛ̃́ia Zakali, a plaade Yediaɛ, a àaↄ̃de Zebadia, a síiↄ̃de Yaniɛli,

³a sↄode Elaũ, a soolode Yohanani, a soplade Ɛlioenai.

⁴Ɔbɛdɛdↄũ nɛgↄ̃ɛↄ tↄ́n kɛ: A sɛ̃́ia Semaia, a plaade Yozaba, a àaↄ̃de Yoa, a síiↄ̃de Sakaa, a sↄode Nɛtanɛli,

⁵a soolode Amiɛli, a soplade Isakaa, a swaaↄ̃de Puletai. Asa Lua mɛ́ ɛ̀fãaikɛ̀ Ɔbɛdɛdↄũpiɛ.

⁶Aà nɛ́ Semaia nɛgↄ̃ɛↄ ì lↄ, aa kpalablè ń dezi buiↄ guu, asa bɛɛɛdeↄnɛ.

⁷Semaia nɛ́piↄn kɛ: Ɔtɛni, Lefaɛli, Ɔbɛdi ń Ɛlizabao. Aà dãunaↄ Ɛlihu ń Semakiaoá bɛɛɛdeↄnɛ lↄ.

⁸Gbɛ̃́piↄá Ɔbɛdɛdↄũ buiↄnɛ ḿpii. Ampiↄ ń ń nɛgↄ̃ɛↄ ń ń dãunaↄá bɛɛɛdeↄnɛ, an gbãa kà zĩpi kɛa. Aa gbɛ̃ↄn bàaↄ̃ ń plaoɛ.

⁹Mɛsɛlɛmia nɛgↄ̃ɛↄ ń a dãunaↄá bɛɛɛdeↄnɛ lↄ. Aa gbɛ̃ↄn bao plasaiɛ.

¹⁰Mɛlali bui Osa nɛgↄ̃ɛↄ tↄ́n kɛ: A sɛ̃́ia Simɛli, ãma nɛ́ sɛ̃́ia no, aà mae mɛ́ aà dìlɛ yoa ũ.

¹¹A plaade Ilikia, a àaↄ̃de Tabalia, a síiↄ̃de Zakali. Osa nɛgↄ̃ɛↄ ń a dãunaↄ gbɛ̃ↄn kuɛ'aaↄ̃ɛ.

¹²Wà zĩdà bui dↄaanapiↄnɛ, baade ń a bĩ́ibↄlɛdↄ̃an gãliↄ, lá wa dà ń daɛ pↄ́ lɛ́ zĩkɛ Dii uaↄnɛwa.

¹³Wà likpànɛ́ ń buiwaɛ, nɛ́fɛ̃nɛn gbɛ̃zↄ̃ↄ ń bↄlɛ pↄ́ an baade aↄ dↄ̃́ao.

¹⁴Mɛsɛlɛmia gukpɛ oi bↄlɛ blè, ↄ̃ aà nɛ́ Zakali pↄ́ dɛ lɛdamade ↄ̃nↄna ũ gugbãntoo oi bↄlɛ blè.

¹⁵Ɔbɛdɛdↄũ gɛↄmidↄkĩi oi bↄlɛ blè, mɛ́ aà nɛgↄ̃ɛↄ mɛ́ dↄ̃ↄ dↄ̃́aa blè.

¹⁶Osa bɛ'aɛ oi bↄlɛ blè ń zɛda pↄ́ kú musu bↄlɛ pↄ́ wì mɛ Salɛkɛ Bↄlɛo. Bĩ́ibↄlɛdↄ̃anaↄ ìↄ kↄ̃ lɛũkpakɛɛ.

¹⁷Levii buipiↄ ìↄ ku gukpɛ oi lá gu lɛ́ dↄ gbɛ̃ↄn soolosoolo, gugbãntoo oi gbɛ̃ↄn síiↄ̃siiↄ̃, gɛↄmidↄkĩi oi gbɛ̃ↄn síiↄ̃siiↄ̃, dↄ̃ↄ saɛ gbɛ̃ↄn plapla.

¹⁸Bɛ'aɛ oi gbɛ̃ↄn síiↄ̃siiↄ̃ ìↄ ku zɛdau, ua oi sↄ̃ gbɛ̃ↄn plapla.

¹⁹Kole buiↄ ń Mɛlali bui bĩ́ibↄlɛdↄ̃ana gãliↄn we.

²⁰An gbɛ̃́ Levii buiↄ mɛ́ Lua kpɛ́ làasiↄ ń pↄ́ pↄ́ wì Lua gba làasiↄ dↄ̃̀anaↄ ũ.

²¹Geesↄ̃ bui Ladã bui uabeleↄn kɛ: Yeiɛli

²²ń a nɛ́ Zetaũo ń Zetaũpi dãuna Yoɛlio. Ampiↄ mɛ́ aaìↄ wɛ́tɛ Dii kpɛ́ làasiↄi.

²³Amlaũ bui gbɛ̃eↄ ń Isaa bui gbɛ̃eↄ ń Hɛblↄ̃ bui gbɛ̃eↄ ń Uziɛli bui gbɛ̃eↄ ku we lↄ. Ampiↄn kɛ:

²⁴Mↄizi nɛ́ Geesoũ bui Sebuɛli mɛ́ làasi gbɛ̃zↄ̃ↄ ũ.

²⁵Aà deziↄ do Ɛleazaa mɛ́ Lɛabia ì, Lɛabia Yesaia ì, Yesaia Yolaũ ì, Yolaũ Zikeli ì, Zikeli Selomi ì.

²⁶Selomipi ń a daɛↄ mɛ́ pↄ́ pↄ́ wa Lua gbà làasiↄ gbɛ̃zↄ̃ↄↄ ũ. Kí Davidi ń uabele pↄ́ dɛ zĩgↄ̃ dↄaanaↄ ũↄ mɛ́ gbapiↄ dà.

²⁷Aa pↄ́ pↄ́ aa nàaa zĩ guuↄ kpà Luawa wà aà kpɛ́ kɛkɛò.

²⁸Selomi ń a daɛↄ mɛ́ aaìↄ wɛ́tɛ pↄ́ pↄ́ gu'ena Samuɛli ń Kisi nɛ́ Sauluo ń Nɛɛ nɛ́ Abinɛɛo ń Zeluia nɛ́ Yoabuo kpàↄi ń pↄ́ pↄ́ gbɛ̃́ kĩniↄ kpàↄ píi.

²⁹Wà bàasi zĩ dà Isaa bui Kenaniaɛ ń a nɛgↄ̃ɛↄ. Aamɛ Isailiↄ lakɛ̃naↄ ń ń yãgↄ̃gↄ̃naↄ ũ.

³⁰Hɛblↄ̃ bui Asabia ń a daɛↄ gbɛ̃ↄn ↄ̀aa swaaↄ̃ ń basↄooɛ (1.700). Bɛɛɛdeↄnɛ ḿpii. Aaìↄ wɛ́tɛ Isaili bùsu pↄ́ kú Yuudɛ̃ baa bɛ'aɛzi Dii yã́ musu ń zĩ pↄ́ kí dànɛ́ yã́ musuo píi.

³¹Yelia mɛ́ Hɛblↄ̃ buiↄ kía ũ. Davidi kpalablea wɛ̃̀ blade guu ↄ̃ à wɛtɛ̀tɛ Hɛblↄ̃ buipi tↄ́ pↄ́ wa kà láuↄzi, ↄ̃ wà gɛ̀ bↄ̀ an bɛɛɛdeↄwa an bɛ wɛ̃́lɛu Yazɛɛ, Galada bùsuu.

³²Yelia daɛ uabeleↄ gbɛ̃ↄn ↄ̀aa kuɛ'aaↄ̃ ń basↄooɛ (2.700). Bɛɛɛdeↄnɛ ḿpii, ↄ̃ kí Davidi ń dílɛ aaↄ wɛ́tɛ Lubɛni buiↄzi ń Gada buiↄ ń Manase bui pↄ́ kú gukpɛ oi weↄ Lua yã́ ń azĩa yã́o kɛkɛa yã́i.

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!

1 Lada 261234567891011121314151617181920212223242526272829

1 Lada 26
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29