1Iwe, ikkei ir nöün Lefi kewe mwän: Kersom, Kohat me Merari.
2Nge nöün Kohat kewe mwän: Amram, Isar, Hepron me Usiel.
3Iwe, nöün Amram kewe mwän: Aaron me Moses, pwal Miriam fefiner we. Nge nöün Aaron kewe mwän: Natap, Apihu, Eleasar me Itamar.
4Iwe, Eleasar semen Pinehas, Pinehas semen Apisua,
5Apisua semen Puki, Puki semen Usi,
6Usi semen Seraia, Seraia semen Meraiot,
7Meraiot semen Amaria, Amaria semen Ahitup,
8Ahitup semen Satok, Satok semen Ahimas,
9Ahimas semen Asaria, Asaria semen Johanan,
10nge Johanan semen Asaria, i ätewe mi föri ewe angangen souasor lon ewe imwenfel Salomon a aüetä me lon Jerusalem.
11Iwe, Asaria semen Amaria, Amaria semen Ahitup,
12Ahitup semen Satok, Satok semen Salum,
13Salum semen Hilkia, Hilkia semen Asaria,
14Asaria semen Seraia, nge Seraia semen Jehosatak.
15Iwe, Jehosatak a oola, lupwen ewe Samol mi Lapalap a tinala ekewe chon Juta me chon Jerusalem seni fanüer, pwe repwe oola ren ewe king Nepukatnesar.
16Iwe, ikkei ir nöün Lefi kewe mwän: Kersom, Kohat me Merari.
17Nge nöün Kersom kewe mwän: Lipni me Simei.
18Nöün Kohat kewe mwän: Amram, Isar, Hepron me Usiel.
19Nge nöün Merari kewe mwän: Mali me Musi. Iwe, ikkei än chon ewe ainangen Lefi kewe cho lon tettelin semelaper kewe.
20Iwe, ekewe mwirimwirin Kersom: Lipni, nöün Lipni Jahat, nöün Jahat Sima,
21nöün Sima Joa, nöün Joa Ito, nöün Ito Sera, nge nöün Sera Je-aterai.
22Iwe, ekewe mwirimwirin Kohat: Aminatap, nöün Aminatap Kora, nöün Kora Asir,
23nöün Asir Elkana, nöün Elkana Epiasaf, nöün Epiasaf Asir,
24nöün Asir Tahat, nöün Tahat Uriel, nöün Uriel Usia, nge nöün Usia Saul.
25Iwe, nöün Elkana kewe mwän: Amasai me Ahimot.
26Nge ekewe mwirimwirin Ahimot: Elkana, nöün Elkana Sofai, nöün Sofai Nahat,
27nöün Nahat Eliap, nöün Eliap Jeroham, nöün Jeroham Elkana, nge nöün Elkana Samuel.
28Iwe, nöün Samuel kewe mwän: Joel ewe mwänichi me Apia ewe aruomanün.
29Iwe, ekewe mwirimwirin Merari: Mali, nöün Mali Lipni, nöün Lipni Simei, nöün Simei Usa,
30nöün Usa Simea, nöün Simea Hakia, nge nöün Hakia Asaia.
31Ikkei ir ekewe mwän Tafit a awiseer pwe repwe chon köl me lon imwen ewe Samol mi Lapalap mürin än ewe pworofel a nom ikenan.
32Iwe, ar angang, ra wisen köl me mwen ewe imw mangaku ia aramas ra churi Kot ie, tori Salomon a wes le aüetä imwen ewe Samol mi Lapalap me lon Jerusalem. Iwe, ra föri wiser lon tettelin ar angang.
33Ikkei ir ekewe mwän me nöür kewe mi föri ewe angang: Seni än Kohat we cho Heman ewe souemwenin mwichen köl, i nöün Joel, nge Joel nöün Samuel,
34Samuel nöün Elkana, Elkana nöün Jeroham, Jeroham nöün Eliel, Eliel nöün Toa,
35Toa nöün Suf, Suf nöün Elkana, Elkana nöün Mahat, Mahat nöün Amasai,
36Amasai nöün Elkana, Elkana nöün Joel, Joel nöün Asaria, Asaria nöün Sefania,
37Sefania nöün Tahat, Tahat nöün Asir, Asir nöün Apiasaf, Apiasaf nöün Kora,
38Kora nöün Isar, Isar nöün Kohat, Kohat nöün Lefi, nge Lefi nöün Jakop.
39Iwe, Asaf eman märärin Heman a ütä lepelifichin fiti an mwichen köl. Iwe, Asaf nöün Perekia, nge Perekia nöün Simea,
40Simea nöün Mikael, Mikael nöün Paseia, Paseia nöün Malkia,
41Malkia nöün Etni, Etni nöün Sera, Sera nöün Ataia,
42Ataia nöün Etan, Etan nöün Sima, Sima nöün Simei,
43Simei nöün Jahat, Jahat nöün Kersom, nge Kersom nöün Lefi.
44Iwe, Etan eman märärir seni än Merari we cho a ütä pelimöngün fiti an mwichen köl. Etan nöün Kisi, Kisi nöün Apti, Apti nöün Maluk,
45Maluk nöün Hasapia, Hasapia nöün Amasia, Amasia nöün Hilkia,
46Hilkia nöün Amsi, Amsi nöün Pani, Pani nöün Semer,
47Semer nöün Mali, Mali nöün Musi, Musi nöün Merari, nge Merari nöün Lefi.
48Iwe, chiener kewe ekewe mwän seni ewe ainangen Lefi, ra kefilitä pwe repwe wisen föri pwal ekewe ekoch angangen imwenfel.
49Iwe, Aaron me mwirimwirin kana ra föri ewe angangen asor won ewe rongen asoren kek, pwal won ewe rongen asoren ötüöt, ra pwal föri angangen ewe leni mi unusen pin meinisin, pun ra föri asoren amusamusen tipis fän iten chon Israel, usun mine Moses nöün Kot we chon angang a allük.
50Iwe, ikkei ir ekewe mwirimwirin Aaron: Eleasar, nöün Eleasar Pinehas, nöün Pinehas Apisua,
51nöün Apisua Puki, nöün Puki Usi, nöün Usi Seraia,
52nöün Seraia Meraiot, nöün Meraiot Amaria, nöün Amaria Ahitup,
53nöün Ahitup Satok, nge nöün Satok Ahimas.
54Ikkei ekewe leni me kiännir ia chon ewe ainangen Lefi ra nom ie. Iwe, iei wisen än Kohat we cho, ekewe mwirimwirin Aaron, pun ir ra akomwen angei inetir fän üttüt.
55Ra ngeniir ewe telinimw Hepron lon ewe fanü Juta, pwal ekewe fanü pwelin ünükün fän iten nöür man.
56Nge ekewe tanipi ünükün ewe telinimw me wisoposopun kewe ra ngeni Kalep nöün Jefune we mwän.
57Ra ngeni ekewe mwirimwirin Aaron ekkei telinimw: Hepron ewe telinimwen op, Lipna, Jatir me Estemoa,
58Hilen me Tepir,
59Asan me Pet-semes, pwal ekewe fanü pwelin ünükür fän iten nöür man.
60Ra pwal ngeniir ekewe telinimw Kepa, Alemet me Anatot, pwal ekewe fanü pwelin ünükür fän iten nöür man seni ewe ainangen Peniamin. Iwe, ekewe telinimw meinisin fän iten ar kewe famili ükükün engol me ülüngat.
61Nge ekewe lusun seni än Kohat we cho ra angei wiser fän üttüt ükükün engol telinimw seni ewe esopun ainangen Manasa.
62Iwe, ra ngeni än Kersom we cho ükükün engol me ülüngat telinimw aükük ngeni ükükün ar kewe famili. Ra angei ekei telinimw seni ekewe ainangen Isakar, Aser, Naftali me Manasa me lon Pasan.
63Ra pwal ngeni än Merari we cho ükükün engol me ruu telinimw aükük ngeni ükükün ar kewe famili. Ra angei ekei telinimw seni ekewe ainangen Rupen, Kat me Sepulon.
64Iei usun ekewe aramasen Israel ra ngeni chon ewe ainangen Lefi ekewe telinimw, pwal ekewe fanü pwelin ünükür fän iten nöür man.
65Ekei telinimw a fen föü iter seni ekewe ainangen Juta, Simeon me Peniamin ra ngeniir ren üttüt.
66Iwe, ekoch familien än Kohat we cho ra angei ar kewe telinimw seni ewe ainangen Efraim.
67Iwe, ra ngeniir Sekem, ewe telinimwen op lon chukuchukutän ewe fanü Efraim, pwal Keser,
68Jokmeam, Pet-horon,
69Aialon, Kat-rimon, pwal ekewe fanü pwelin ünükür fän iten nöür man.
70Ra pwal ngeni ekewe lusun familien än Kohat we cho ekewe telinimw Aner me Pileam, pwal ekewe fanü pwelin ünükür fän iten nöür man seni ewe esopun ainangen Manasa.
71Iwe, ra ngeni ekewe familien än Kersom we cho ekei telinimw seni ewe esopun ainangen Manasa: Kolan lon Pasan me Astarot, pwal ekewe fanü pwelin ünükür fän iten nöür man.
72Ra ngeniir Ketes me Taperat seni ewe ainangen Isakar,
73pwal Ramot me Anem me ekewe fanü pwelin ünükür fän iten nöür man.
74Iwe, ra ngeniir Masal me Apton seni ewe ainangen Aser,
75pwal Hukok me Rehop me ekewe fanü pwelin ünükür fän iten nöür man.
76Ra pwal ngeniir Ketes lon Kalili seni ewe ainangen Naftali, pwal Hamon me Kiriataim me ekewe fanü pwelin ünükür fän iten nöür man.
77Iwe, ra ngeni ekewe lusun familien än Merari we cho ekei telinimw seni ewe ainangen Sepulon: Rimono me Tapor, pwal ekewe fanü pwelin ünükür fän iten nöür man.
78Ra pwal ngeniir ekei telinimw seni ewe ainangen Rupen ötiuen ewe chanpupu Jortan pekilan Jeriko: Peser mi nom lon fanüapö me Jasa,
79Ketemot me Mefat, pwal ekewe fanü pwelin ünükür fän iten nöür man.
80Iwe, ra pwal ngeniir Ramot lon Kiliat me Mahanaim seni ewe ainangen Kat.
81pwal Hespon me Jaser me ekewe fanü pwelin ünükür fän iten nöür man.
