1Leví quinpixqui iconehua cati inintoca eliyaya: Gersón, Coat huan Merari.
2Coat teipa quinpixqui iconehua cati inintoca eliyaya: Amram, Izhar, Hebrón huan Uziel.
3Amram teipa quinpixqui iconehua cati inintoca eliyaya: Aarón, Moisés huan María. Huan Aarón teipa quinpixqui iconehua cati inintoca eliyaya: Nadab, Abiú, Eleazar huan Itamar.
4Eleazar quipixqui icone cati itoca Finees. Huan Finees quipixqui icone cati itoca Abisúa.
5Huan Abisúa quipixqui icone cati itoca Buqui. Huan Buqui quipixqui icone cati itoca Uzi.
6Huan Uzi quipixqui icone cati itoca Zeraías. Huan Zeraías quipixqui icone cati itoca Meraiot.
7Huan Meraiot quipixqui icone cati itoca Amarías. Huan Amarías quipixqui icone cati itoca Ahitob.
8Huan Ahitob quipixqui icone cati itoca Sadoc. Huan Sadoc quipixqui icone cati itoca Ahimaas.
9Ahimaas quipixqui icone cati itoca Azarías. Huan Azarías quipixqui icone cati itoca Johanán.
10Huan Johanán quipixqui icone cati itoca Azarías. Huan Azarías elqui se totajtzi ipan nopa hueyi tiopamit cati Salomón quichijqui ipan altepet Jerusalén.
11Azarías quipixqui icone cati itoca Amarías. Huan Amarías quipixqui icone cati itoca Ahitob.
12Huan Ahitob quipixqui icone cati itoca Sadoc. Huan Sadoc quipixqui icone cati itoca Salum.
13Huan Salum quipixqui icone cati itoca Hilcías. Huan Hilcías quipixqui icone cati itoca Azarías.
14Huan Azarías quipixqui icone cati itoca Seraías. Huan Seraías quipixqui icone cati itoca Josadoc.
15Huan Nabucodonosor quihuicac Josadoc quema Toteco quitequihui ya para quinquixtis israelitame ten tali Judá huan altepet Jerusalén para quinhuicase tetequipanotij.
16Leví quinpixqui iconehua cati inintoca eliyaya: Gersón, Coat huan Merari.
17Gersón teipa quinpixqui iconehua cati inintoca eliyaya Libni huan Simei.
18Coat teipa quinpixqui iconehua cati inintoca eliyaya: Amram, Izhar, Hebrón huan Uziel.
19Merari teipa quinpixqui iconehua cati inintoca eliyaya Mahli huan Musi. Ya ni elque iteipa ixhuihua Leví cati huejcajquiya itztoya.
20Huan nica eltoc inintoca iteipa ixhuihua Gersón cati mochijque familias. Inijuanti inintoca eliyaya: Libni cati elqui itata Jahat, cati elqui itata Zima,
21cati elqui itata Joa, cati elqui itata Iddo, cati elqui itata Zera, cati elqui itata Jeatrai.
22Huan iteipa ixhuihua Coat cati mochijque familias inintoca eliyaya: Aminadab cati teipa elqui itata Coré, cati teipa elqui itata Asir,
23cati teipa elqui itata Elcana, cati teipa elqui itata Ebiasaf, cati teipa elqui itata Asir,
24cati teipa elqui itata Tahat, cati teipa elqui itata Uriel, cati teipa elqui itata Uzías cati teipa elqui itata Saúl.
25Elcana quinpixqui iconehua cati inintoca eliyaya Amasai huan Ahimot,
26Elcana, Zofai, Nahat,
27Eliab, Jeroham huan Elcana.
28Huan Samuel quinpixqui iconehua cati inintoca Vasni cati achtohui ejquet huan Abías cati teipa tacatqui.
29Merari quinpixqui iconehua cati inintoca eliyaya: Mahli, Libni, Simei, Uza,
30Simea, Haguía huan Asaías.
31Nica eltoc inintoca nopa huicani cati Tanahuatijquet David quintapejpeni para huicase huan para tayacanase para quihueyichihuase Toteco.
32Inijuanti tequipanojque ipan nopa yoyon tiopamit quema ya quitalijtoyaj nopa caxa nopona hasta quema Salomón quichijchijqui nopa tiopamit ipan altepet Jerusalén. Teipa nopa huicani pejque tequipanohuaj nopona.
33Ni tacame huan ininconehua huicaque huan nochi eliyayaj iteipa ixhuihua Coat ten huejcajquiya: Hemán tayacanqui huan nojquiya huicaque Joel cati elqui icone Samuel.
34Samuel elqui icone Elcana cati elqui icone Jeroham. Huan Jeroham elqui icone Eliel, cati elqui icone Toa.
35Toa elqui icone Zuf, cati elqui icone seyoc tacat cati itoca Elcana. Huan ni Elcana elqui icone Mahat, cati elqui icone Amasai.
36Amasai elqui icone seyoc tacat cati itoca Elcana cati elqui icone Joel. Huan Joel elqui icone Azarías, cati elqui icone Sofonías.
37Sofonías elqui icone Tahat, cati elqui icone Asir. Huan Asir elqui icone Ebiasaf, cati elqui icone Coré.
38Coré elqui icone Izhar, cati elqui icone Coat. Huan Coat elqui icone Leví, cati elqui icone Israel.
39Huan Hemán quipixqui itapalehuijca cati itoca Asaf cati itztoya ipan inejmat. Huan Asaf elqui icone Berequías, cati icone Simea,
40cati icone Micael, cati icone Baasías, cati icone Malquías,
41cati icone Etni, cati icone Zera, cati icone Adaía,
42cati icone Etán, cati icone Zima, cati icone Simei,
43cati icone Jahat, cati icone Gersón cati icone Leví.
44Huan ten iteipa ixhuihua Merari, itapalehuijca Hemán cati moquetzayaya ipan iarraves elqui Etán cati elqui icone Quisi, cati icone Abdi, cati icone Maluc,
45cati icone Hasabías, cati icone Amasías, cati icone Hilcías,
46cati icone Amsi, cati icone Bani, cati icone Semer,
47cati icone Mahli, cati icone Musi, cati icone Merari cati elqui icone Leví.
48Huan sequinoc iteixmatcahua cati nojquiya eliyayaj levitame o iixhuihua Leví, quiselijque sequinoc tamanti tequit para ma quichihuaca ipan itiopa Toteco.
49Pero cati hualajque ipan Aarón huan iteipa ixhuihua elque totajtzitzi. Inintequi eliyaya para quitencahuase tacajcahualisti tatatili, quitatise copali huan para quichihuase sequinoc tamanti tequit ipan nopa cuarto cati Más Tatzejtzeloltic. Nojquiya quipixque inintequi para quiixtzacuase tetajtacolhua sesen xihuit quej quiijtohuayaya nopa tanahuatilme cati Toteco quimacac itequipanojca, Moisés.
50Aarón quipixqui icone cati itoca Eleazar, cati quipixqui icone Finees, cati quipixqui icone Abisúa,
51cati quipixqui icone Buqui, cati quipixqui icone Uzi, cati quipixqui icone Zeraías,
52cati quipixqui icone Meraiot, cati quipixqui icone Amarías, cati quipixqui icone Ahitob,
53cati quipixqui icone Sadoc, cati quipixqui icone Ahimaas.
54Ya ni inintoca nopa altepeme huan talme cati quiselijque iixhuihua Aarón quej cati quintocaro ica rifa. Aarón cati quisqui ten se ihuejcapan tata cati itoca Coat quinpixqui iteipan conehua cati quiselijque ni talme:
55Hebrón ipan tali Judá huan nochi nopa potreros cati quiyahualojtoyaj.
56Caleb, icone Jefone quiseli nopa mili huan cuatitamit nechca Hebrón.
57Huajca iixhuihua Aarón quiselijque ni altepeme ica nochi nopa potreros cati quinyahualojtoyaj. Quiselijque: Hebrón, se altepet para ipan momanahuise, Libna, Jatir, Estemoa,
58Hilén, Debir,
59Asán huan Bet Semes ica nochi nopa potreros cati quiyahualojtoyaj sesen ten ni altepeme.
60Nojquiya ipan inintal Benjamín quiselijque: Geba, Alemet huan Anatot ihuaya nopa potreros cati quinyahualojtoyaj. Huajca para nochi, iixhuihua Aarón quiselijque 13 altepeme ica ininpotreros.
61Nojquiya nopa sequinoc iteipa ixhuihua Coat cati amo iixhuihua Aarón ica rifa quiselijque 10 altepeme ten inintal nopa tajco ifamilia Manasés.
62Huan iteipa ixhuihua Gersón, cati icone Leví huejcajquiya, quiselijque 13 altepeme ten nopa huejhueyi familias Isacar, Aser, Neftalí huan nopa tajco ifamilia Manasés cati itztoyaj ipan tali Basán.
63Huan iteipa ixhuihua Merari, icone Leví huejcajquiya, quiselijque ica rifa 12 altepeme ipan inintal nopa huejhueyi familias Rubén, Gad huan Zabulón.
64Huan israelitame quinmacaque nopa levitame nochi ni altepeme ica ininpotreros.
65Quena, ica rifa israelitame cati ininteipa ixhuihua Judá, Simeón huan Benjamín quinmacaque levitame ni altepeme cati nimitzilhuijtoc huejcapa ten inintalhua.
66Sequij iixhuihua Coat quiselijque altepeme ten inintal nopa hueyi familia Efraín ica nochi nopa potreros cati quinyahualojtoyaj.
67Huan nopa hueyi familia Efraín nojquiya quinmacaque nopa altepet Siquem cati elqui se altepet ten tamanahuili cati mopantía ipan nopa cuatitamit ipan tali Efraín. Nojquiya quinmacaque altepeme: Gezer,
68Jocmeam, Bet Horón,
69Ajalón, Gat Rimón ihuaya nochi potreros cati quiyahualojtoyaj sesen altepet.
70Huan ten inintal, nopa tajco familia ten Manasés quinmacaque iteipa ixhuihua Coat nopa altepeme Aner huan Bileam ica nochi ininpotreros.
71Huan ten inintal, nopa tajco familia ten Manasés nojquiya quinmacaque iteipa ixhuihua Gersón nopa altepet Golán ipan tali Basán ica ipotreros huan nopa altepet Astarot.
72Huan ten inintal, nopa hueyi familia Isacar quinmacaque iteipa ixhuihua Gersón nopa altepeme cati inintoca: Cedes, Daberat,
73Ramot huan Anem ica nochi nopa potreros cati quinyahualojtoyaj.
74Huan ten inintal, nopa hueyi familia Aser quinmacaque iteipa ixhuihua Gersón nopa altepeme cati inintoca: Abdón, Masal,
75Hucoc huan Rehob ica nochi nopa potreros cati quinyahualojtoyaj.
76Huan nopa hueyi familia Neftalí quinmacac iteipa ixhuihua Gersón altepet Cedes cati mopantía ipan tali Galilea, huan altepet Hamón huan altepet Quiriataim. Nojquiya quinmacaque nochi nopa potreros cati quinyahualojtoyaj.
77Huan ten inintal, nopa hueyi familia Zabulón, quinmacaque cati mocajqui ten iteipa ixhuihua Merari nopa altepeme Rimón huan Tabor ica ininpotreros.
78Huan ten inintal, nopa hueyi familia Rubén quinmacaque iteipa ixhuihua Merari ni altepeme cati mopantíaj ipan nopa seyoc nali ten nopa hueyat Jordán, iixmelac altepet Jericó. Huan ni altepet cati itoca Beser ipan huactoc tali huan nojquiya quinmacaque Jaza,
79Cademot huan Mefaat ihuaya nochi nopa potreros cati quinyahualojtoyaj.
80Huan ten inintal, nopa hueyi familia Gad quinmactilijque iteipa ixhuihua Merari nopa altepet Ramot ipan tali Galaad. Nojquiya quinmactilijque Mahanaim,
81Hesbón huan Jazer ica nochi nopa potreros cati quinyahualojtoyaj.
