1Iyan heini menge anak ni Levi he menge maama: Si Gershon, Kohat, wey si Merari.
2Is menge anak ni Kohat ne iyan si Amram, Izhar, Hebron, wey si Uziel.
3Is menge anak ni Amram iyan si Aaron, Moises, wey si Miriam. Is menge anak ni Aaron ne iyan si Nadab, Abihu, Eleazar, wey si Itamar.
4Si Eleazar ne amey ni Finehas, si Finehas ne amey ni Abishua,
5ne si Abishua ne amey ni Buki. Si Buki ne amey ni Uzi,
6ne si Uzi ne amey ni Zerahia. Ne si Zerahia ne amey ni Merayot.
7Si Merayot ne amey ni Amaria, si Amaria ne amey ni Ahitub,
8ne si Ahitub ne amey ni Zadok. Si Zadok ne amey ni Ahimaaz.
9Si Ahimaaz ne amey ni Azaria, ne si Azaria ne amey ni Johanan.
10Si Johanan ne amey ni Azaria he iyan lavew he memumuhat diyà te valey te Nengazen he midtukud ni Solomon diyà te Jerusalem.
11Si Azaria ne amey ni Amaria. Ne si Amaria ne amey ni Ahitub,
12ne si Ahitub amey ni Zadok. Si Zadok ne amey ni Shalum,
13si Shalum, ne amey ni Hilkia, ne si Hilkia ne amey ni Azaria.
14Si Azaria, ne amey ni Seraya, ne si Seraya, ne amey ni Jehozadak.
15Heini si Jehozadak ne zuma sikandin te menge vihag hein impalad te Nengazen is keet-etawan te Juda wey Jerusalem diyà te ki Nebucadnezar.
16Is menge anak ni Levi he menge maama iyan ensi Gershon, Kohat, wey si Merari.
17Ne is menge anak ni Gershon ne iyan si Libni wey si Shimei.
18Ne is menge anak ni Kohat ne iyan si Amram, Izhar, Hebron, wey Uziel.
19Ne is menge anak ni Merari he menge maama ne si Mali wey si Mushi. Iyan heini menge pemilya te menge Levihanen he imbasi is kedlistaha zuen diyà te kada sengeepuan:
20Diyà te menge kevuwazan ni Gershon: si Libni, Jahat, Zima,
21Joa, Iddo, Zera, wey si Jeaterai.
22Is menge kevuwazan ni Kohat: si Aminadab, Kora, Asir,
23Elkana, Ebiasaf, Asir,
24Tahat, Uriel, Uzia, wey si Shaul.
25Is menge kevuwazan ni Elkana: si Amasai, Ahimot,
26Elkana, Zofai, Nahat,
27Eliab, Jehoram, Elkana, wey si Samuel.
28Is menge anak ni Samuel ne iyan si Joel, is penganey, ne is ikezuwa ne si Abia.
29Is menge kevuwazan ni Merari: si Mali, Libni, Shimei, Uza,
30Shimea, Haggia, wey si Asaya.
31Duen menge etew he insarig kandan ni David is kegkanta wey kedtukar ziyà te valey te Nengazen hein ingkepelastar en dutun sikan is Kavan te Kebpekid-uyun.
32Nenilbi sikandan pinaaǥi te kegkanta zan dutun te Tulda he Ed-ezapan (egngezanan daan he Tulda he Edtelevukaayan), taman te ingkepehitindeg ni Solomon is baley te Nengazen diyà te Jerusalem. Mibeelan dan is menge vaal he ebpeveelan kandan he sungkad te menge sulunuzen he ibpetuman kandan.
33Iyan heini sikandan ebpenilbi zuma is menge anak dan: Is kevuwazan ni Kohat, ne si Heman he musikiru. Si Heman ne anak ni Joel. Si Joel ne anak ni Samuel. Si Samuel ne anak ni Elkana.
34Si Elkana ne anak ni Jehoram. Si Jehoram ne anak ni Eliel. Si Eliel ne anak ni Toa.
35Si Toa ne anak ni Zuf. Si Zuf ne anak ni Elkana. Si Elkana ne anak ni Mahat. Si Mahat ne anak ni Amasia.
36Si Amasia ne anak ni Elkana. Si Elkana ne anak ni Joel. Si Joel ne anak ni Azaria. Si Azaria ne anak ni Zefanias.
37Si Zefanias ne anak ni Tahat. Si Tahat ne anak ni Asir. Si Asir ne anak ni Ebiasaf. Si Ebiasaf ne anak ni Kora.
38Si Kora ne anak ni Izhar. Si Izhar ne anak ni Kohat. Si Kohat ne anak ni Levi. Si Levi ne anak ni Israel.
39Is kevuwazan ni Gershon he si Asaf, ne iyan nehuna he mid-uǥup ki Heman. Si Asaf ne anak ni Berekia. Si Berekia ne anak ni Shimea.
40Ne si Shimea ne anak ni Micael. Si Micael ne anak ni Baasea. Si Baasea ne anak ni Malkia.
41Si Malkia ne anak ni Etni. Si Etni ne anak ni Zera. Si Zera ne anak ni Adaya.
42Si Adaya ne anak ni Etan. Si Etan ne anak ni Zimna. Si Zimna ne anak ni Shimei.
43Si Shimei ne anak ni Jahat. Si Jahat ne anak ni Gershon. Si Gershon ne anak ni Levi.
44Is kevuwazan ni Merari he si Etan, he ikezuwa he mid-uǥup ki Heman. Si Etan ne anak ni Kishi. Si Kishi ne anak ni Abdi. Si Abdi ne anak ni Maluc.
45Si Maluc ne anak ni Hashabia. Si Hashabia ne anak ni Amazia. Si Amazia ne anak ni Hilkia.
46Ne si Hilkia ne anak ni Amzi. Si Amzi ne anak ni Bani. Si Bani ne anak ni Shemer.
47Si Shemer ne anak ni Mali. Si Mali ne anak ni Mushi. Si Mushi ne anak ni Merari. Ne si Merari ne anak ni Levi.
48Is menge iring dan he menge Levihanen, ne mibeǥayan te zuma he menge vuluhaten dutun te Tulda he Edtelevukaayan, he valey te Megbevayà.
49Piru iyan dà si Aaron wey is menge kevuwazan din midhimu he menge memumuhat. Iyan sikandan ebpemuhat diyà te pemuhatà te edtutungen wey ziyà te pemuhatà he edtutungan te veyewà. Ne iyan daan sikandan ebaal te zuma he menge vuluhaten he egkelavet sikan is Utew Segradu he Lugar. Ebpemuhat dan su wey mevelukasi is menge Israilihanen puun te menge salè dan. Ebeelan dan heini sumalà te langun he insuǥù ni Moises he suluǥuen te Megbevayà.
50Iyan heini menge kevuwazan ni Aaron: si Eleazar, Finehas, Abishua,
51Buki, Uzi, Zerahia,
52Merayot, Amaria, Ahitub,
53Zadok, wey Ahimaaz.
54Is menge kevuwazan ni Aaron he ebpuun te pemilya ni Kohat, iyan sikandan nehuna he neveǥayan te tanà pinaaǥi te ripa. Iyan heini menge lugar he imbeǥey kandan:
55Apil en kayi he menge lugar is Hebron diyà te Juda wey is menge penebtavà he nekelingut kayi.
56Piru is menge vevesukà wey is lugar he nekelingut te Hebron, ne imbeǥey ki Caleb he anak ni Jefune.
57Imbeǥey ziyà te menge kevuwazan ni Aaron is sunud dutun he menge lugar apil en is menge penebtavà kayi: Hebron, (is eputà he inged), Libna, Jatir, Eshtemoa, Hilen, Debir, Ashan, Juta, wey Bet Shemesh.
60Imbeǥey zaan kandan puun te tanà he ǥaked te tribu ni Benjamin is menge inged he Gibeon, Geba, Alemet, wey Anatot, apil en is menge penebtavà kayi. Ne 13 langun is inged he imbeǥey kayi he menge kevuwazan ni Kohat.
61Ne is nesamà he menge kevuwazan ni Kohat ne mibeǥayan te sepulù he inged he ebpuun te menge tanà te ketengà he tribu ni Manase pinaaǥi te ripa.
62Is menge kevuwazan ni Gershon, sumalà te kada pemilya, ne mibeǥayan te 13 he inged he menge inged te menge tribu ni Isacar, ni Asher, ni Naftali, wey te ketengà he tribu ni Manase diyà te Bashan.
63Is menge kevuwazan ni Merari, sumalà te kada pemilya, mibeǥayan te 12 he inged he menge inged te menge tribu ni Reuben, ni Gad, wey ni Zebulun.
64Imbeǥey te menge Israilihanen heini he menge inged wey is menge penebtavà kayi diyà te menge kevuwazan ni Levi.
65Imbeǥey kandan pinaaǥi te ripa heini is nekaǥi kayi he menge inged he menge inged te tribu ni Juda, Simeon, wey Benjamin.
66Is duma he menge kevuwazan ni Kohat, ne mibeǥayan daan te menge inged te tribu ni Efraim.
67Imbeǥey kandan is Sekem (kes eputà he inged diyà te vuvungan te Efraim), is Gezer,
68is Jokmeam, is Bet Horon
69is Ayalon, wey is Gat Rimon, apil en is menge penebtavà kayi.
70Ne is duma pa he menge kevuwazan ni Kohat, ne mibeǥayan sikandan te zuma zan he menge Israilihanen te menge inged diyà te tanà te ketengà he tribu ni Manase. Is imbeǥey kandan ne iyan is Aner wey is Beleam apil is menge penebtavà kayi.
71Is menge kevuwazan ni Gershon, ne mibeǥayan te menge inged diyà te tanà te ketengà he tribu ni Manase he iyan is: Golan diyà te Bashan wey is Ashtarot, apil en is menge penebtavà kayi.
72Is menge tanà te tribu ni Isacar he imbeǥey kandan iyan is: Kedesh, Daberat,
73Ramot, wey Anem, apil kayi is menge penebtavà kayi.
74Is menge inged te tribu ni Asher he imbeǥey kandan iyan is: Mashal, Abdon,
75Hukok, wey Rehob, apil is menge penebtavà kayi.
76Is menge inged te tribu ni Naftali he imbeǥey kandan iyan is: Kedesh diyà te Galilea, Hamon, wey Kiriataim, apil is menge penebtavà kayi.
77Is nesamà he menge kevuwazan ni Merari mibeǥayan kayi he menge tanà: Is menge inged te tribu ni Zebulun he imbeǥey kandan iyan is: Jokneam, Karta, Rimono wey Tabor, apil is menge penebtavà kayi.
78Is menge inged te tribu ni Reuben he ziyà layun te Wahig he Jordan he zapit te edsilaan te Jerico he imbeǥey kandan, iyan is: Bezer he ziyà te disirtu, Jaza,
79Kedemot, wey Mefaat, apil is menge penebtavà kayi.
80Ne is menge inged te tribu ni Gad he imbeǥey kandan iyan is: Ramot diyà te Gilead, Mahanaim,
81Heshbon, wey Jazer, apil is menge penebtavà kayi.
