1 Lada 23 - Bibeli Luayãtaalá

1 Lada 23

Click on verse(s) to share them!

¹Kɛ́ Davidi zikũ̀ táotao, ↄ̃ à Salomↄↄ kpà Isailiↄ kía ũ.

²Davidi Isaili kíaↄ kã̀aa ń sa'onaↄ ń Levii buiↄ píi.

³Wà Levii bui gↄ̃ɛ pↄ́ kà wɛ̃̀ baakwi ge aa dɛaↄ nào, aa gbɛ̃ↄn ↄ̀aasↄsↄo lɛɛ bla plasaiɛ (38.000).

⁴Ɔ̃ Davidi gbɛ̃ↄn ↄ̀aasↄsↄo lɛɛ baasↄo mɛ̀ndosaiↄ (24.000) dìlɛ aaↄ wɛ́tɛ Dii ua yã́ↄi, à gbɛ̃ↄn ↄ̀aasↄsↄo lɛɛ sooloↄ (6.000) dìlɛ lakɛ̃naↄ ń yãgↄ̃gↄ̃naↄ ũ.

⁵Ɔ̃ à gbɛ̃ↄn ↄ̀aasↄsↄo lɛɛ síiↄ̃ↄ (4.000) dìlɛ bĩ́ibↄlɛdↄ̃anaↄ ũ, mɛ́ à gbɛ̃ↄn ↄ̀aasↄsↄo lɛɛ síiↄ̃ↄ (4.000) dìlɛ Dii táasilɛnaↄ ũ, aaliↄ aà táasilɛ ń pↄ́'ↄbↄna pↄ́ Davidi kpàↄ.

⁶Davidi ń kpaalɛ̀ ń buiↄwa gã ń gão, Geesↄ̃ buiↄ, Kɛata buiↄ ń Mɛlali buiↄ.

⁷Geesↄ̃ nɛgↄ̃ɛↄn Ladã ń Simɛio ũ.

⁸Ladã nɛgↄ̃ɛↄ àaↄ̃ɛ: A sɛ̃́ia Yeiɛli, a gbɛa Zetaũ ń Yoɛlio.

⁹Simɛi nɛgↄ̃ɛↄ àaↄ̃ɛ: Selomↄ, Haziɛli ń Halanao. Ladã bui uabele káauↄn we.

¹⁰Simɛi nɛgↄ̃ɛↄ síiↄ̃ɛ: Yaata, Ziza, Yeusi ń Bɛliao.

¹¹A sɛ̃́ia Yaata, a plaade Ziza. Yeusi ń Bɛliao buiↄ dasio, ↄ̃ wà ń dílɛ bui doũ zĩ doũ guu.

¹²Kɛata nɛgↄ̃ɛↄ síiↄ̃ɛ: Amlaũ, Isaa, Hɛblↄ̃ ń Uziɛlio.

¹³Amlaũ nɛgↄ̃ɛↄn Aalona ń Mↄizio ũ. Wà Aalona ń a buiↄ dìlɛ ń zɛ́i, aaↄ laaidↄ Lua pↄ́ↄwa, aaↄ Luapi gbagba, aaↄ tulaletikatɛaɛ̀, aaↄ zĩkɛ aà kúkĩi, aaↄ samaa'o gbɛ̃́ↄnɛ ń aà tↄ́o gↄↄpii.

¹⁴Wà Lua gbɛ̃́ Mↄizi buiↄ dìlɛ lán Levii bui kĩniↄwa.

¹⁵Mↄizi nɛgↄ̃ɛↄn Geesoũ ń Ɛliɛzɛɛo ũ.

¹⁶Geesoũ nɛgↄ̃ɛ sɛ̃́ian Sebuɛli ũ.

¹⁷Ɛliɛzɛɛ nɛgↄ̃ɛ sɛ̃́ian Lɛabia ũ. I nɛgↄ̃ɛe i lↄo, ãma Lɛabiapi nɛgↄ̃ɛↄ ì dasi maamaaɛ.

¹⁸Isaa nɛgↄ̃ɛ sɛ̃́ian Selomi ũ.

¹⁹Hɛblↄ̃ nɛgↄ̃ɛↄ tↄ́n kɛ: A sɛ̃́ia Yelia, a plaade Amalia, a àaↄ̃de Yaaziɛ, a síiↄ̃de Yekamaũ.

²⁰Uziɛli nɛgↄ̃ɛↄ tↄ́n kɛ: A sɛ̃́ia Mika, a plaade Isia.

²¹Mɛlali nɛgↄ̃ɛↄn Mali ń Musio ũ. Mali nɛgↄ̃ɛↄn Ɛleazaa ń Kisio ũ.

²²Ɛleazaa gà nɛgↄ̃ɛsaiɛ, nɛnↄɛↄ a ì tɛ̃ɛtɛ̃ɛ. An desɛ̃ Kisi nɛgↄ̃ɛↄ mɛ́ ń sɛsɛ.

²³Musi nɛgↄ̃ɛↄ àaↄ̃ɛ: Mali ń Edɛɛo ń Yelemↄo.

²⁴Levii buiↄn we sɛa an dezi pↄ́ dɛ uabele káau ũↄwa. Lua ua zĩkɛna pↄ́ kà wɛ̃̀ bao ge aa dɛaↄ, wà ń baade tↄ́ dàlau an buipiↄwaɛ.

²⁵Davidi mɛ̀: Lá Dii Isailiↄ Lua a gbɛ̃́ↄ gbà ĩ́ampakĩi mɛ́ à sù Yelusalɛũ àↄ ku we gↄↄpiiɛ,

²⁶Levii buiↄ zwã̀akpɛ ń a zĩkɛbↄↄ sɛ táa'oò lↄo.

²⁷Yã́ pↄ́ Davidi ò gbɛzã yã́i ↄ̃ wì Levii bui pↄ́ kà wɛ̃̀ bao ge aa dɛaↄ naoi.

²⁸Levii buipiↄ líↄ dↄ Aalona buiↄlɛ ń Dii ua zĩo. Aaliↄ wɛ́tɛ Lua uai ń a kpɛ́ↄ ń gbãbↄa Lua pↄ́ↄnɛↄ ń zĩ pↄ́ wì kɛ weo

²⁹ń pɛ̃ɛ pↄ́ wì kpa Luawao ń pↄ́wɛnti gbao ń kàawanao ń a totoao ń a zaao ń a zↄ̃ↄ lɛ́o.

³⁰Aaliↄ Dii sáaukpa ń aà táasilɛao kↄↄ ń oosio

³¹ń gↄↄ pↄ́ wàlɛ sa pↄ́ wì a pↄ́ kátɛu à tɛ́kũ o Diiwa kã́mabogↄↄzĩↄ ń mↄ gↄↄ sɛ̃́ia zĩ́ↄ ń dikpɛ pↄ́ wa dìlɛↄ. Aaliↄ zĩkɛ Diiɛ gↄↄpii màa, mɛ́ an dasi lí ká lá wa dìlɛnɛ́wa.

³²Ampiↄ mɛ́ aali laaidↄ kpaaũkpɛ ń a pↄkeleↄ zĩwa, mɛ́ an gbɛ̃́ Aalona buiↄ lí laaidↄ Dii kpɛ́ zĩwa.

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!

1 Lada 231234567891011121314151617181920212223242526272829

1 Lada 23
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29