Sie Chronicle 6

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

¹Oasr wen tolu natul Levi: elos pa Gershon, Kohath, ac Merari.

²Oasr wen akosr natul Kohath: elos pa Amram, Izhar, Hebron, ac Uzziel.

³Oasr wen luo natul Amram: elos pa Aaron ac Moses, ac acn se wialtal pa Miriam. Oasr wen akosr natul Aaron: elos pa Nadab, Abihu, Eleazar, ac Ithamar.

⁴Pa inge inen wen natul Eleazar, su takla fwil nu ke fwil: Phinehas, Abishua,

⁵Bukki, Uzzi,

⁶Zerahiah, Meraioth,

⁷Amariah, Ahitub,

⁸Zadok, Ahimaaz,

⁹Azariah, Johanan,

¹⁰Azariah (mwet se inge pa kulansap in Tempul se Tokosra Solomon el musaela in acn Jerusalem),

¹¹Amariah, Ahitub,

¹²Zadok, Shallum,

¹³Hilkiah, Azariah,

¹⁴Seraiah, Jehozadak.

¹⁵Tokosra Nebuchadnezzar el supwalla pac Jehozadak yurin mwet Judah ac mwet Jerusalem su LEUM GOD El luselosla nu ke sruoh.

¹⁶Oasr wen tolu natul Levi: elos pa Gershon, Kohath, ac Merari.

¹⁷Kais sie selos oasr pac wen natulos. Gershon pa papa tumal Libni ac Shimei.

¹⁸Kohath pa papa tumal Amram, Izhar, Hebron, ac Uzziel.

¹⁹Merari pa papa tumal Mahli ac Mushi.

²⁰Pa inge inen mwet in fwil natul Gershon, su takla fwil nu ke fwil: Libni, Jahath, Zimmah,

²¹Joah, Iddo, Zerah, Jeatherai.

²²Pa inge inen mwet in fwil natul Kohath, su takla fwil nu ke fwil: Amminadab, Korah, Assir,

²³Elkanah, Ebiasaph, Assir,

²⁴Tahath, Uriel, Uzziah, Shaul.

²⁵Oasr wen luo natul Elkanah: elos pa Amasai ac Ahimoth.

²⁶Pa inge inen mwet in fwil natul Ahimoth, su takla fwil nu ke fwil: Elkanah, Zophai, Nahath,

²⁷Eliab, Jeroham, Elkanah.

²⁸Oasr wen luo natul Samuel: Joel pa matu, ac Abijah pa fusr uh.

²⁹Pa inge inen mwet in fwil natul Merari, su takla fwil nu ke fwil: Mahli, Libni, Shimei, Uzzah,

³⁰Shimea, Haggiah, Asaiah.

³¹Pa inge inen mwet su Tokosra David el oakiya tuh elos in taran on ke nien alu lalos in acn Jerusalem tukun pacl se utukyak Tuptup In Wuleang nu we.

³²Oasr pacl lalos kais sie in on ke Lohm Nuknuk Mutal sin LEUM GOD in pulan pacl se meet liki Tokosra Solomon el musaela Tempul ah.

³³Takla lun sou ma itukyang kunokon se inge nu selos pa inge: Ke sou lulap lal Kohath: Heman wen natul Joel, pa mwet kol un mwet on se meet. Takin sou lal an pa inge: Heman, wen natul Joel, wen natul Samuel,

³⁴wen natul Elkanah, wen natul Jeroham, wen natul Eliel, wen natul Toah,

³⁵wen natul Zuph, wen natul Elkanah, wen natul Mahath, wen natul Amasai,

³⁶wen natul Elkanah, wen natul Joel, wen natul Azariah, wen natul Zephaniah,

³⁷wen natul Tahath, wen natul Assir, wen natul Ebiasaph, wen natul Korah,

³⁸wen natul Izhar, wen natul Kohath, wen natul Levi, wen natul Jacob.

³⁹Asaph pa mwet kol un mwet on se akluo uh. Takin sou lal an pa inge: Asaph, wen natul Berechiah, wen natul Shimea,

⁴⁰wen natul Michael, wen natul Baaseiah, wen natul Malchijah,

⁴¹wen natul Ethni, wen natul Zerah, wen natul Adaiah,

⁴²wen natul Ethan, wen natul Zimmah, wen natul Shimei,

⁴³wen natul Jahath, wen natul Gershon, wen natul Levi.

⁴⁴Ethan, su ma ke sruf lal Merari, pa mwet kol un mwet on se aktolu uh. Takin sou lal uh pa inge: Ethan, wen natul Kishi, wen natul Abdi, wen natul Malluch,

⁴⁵wen natul Hashabiah, wen natul Amaziah, wen natul Hilkiah,

⁴⁶wen natul Amzi, wen natul Bani, wen natul Shemer,

⁴⁷wen natul Mahli, wen natul Mushi, wen natul Merari, wen natul Levi.

⁴⁸Mwet Levi saya elos kuneyuki nu ke orekma nukewa saya ke nien alu uh.

⁴⁹Aaron ac fwil natul pa orekma ke mwe kisa keng, ac kisakin mwe kisa firir fin mwe loang uh. Elos pa karingin ma nukewa ke pacl in alu in Acn Mutal Na Mutal in Tempul uh, ac in orek kisa nu sin God tuh Elan nunak munas ke ma koluk lun mwet Israel. Elos oru ma inge fal nu ke oakwuk lal Moses, mwet kulansap lun God.

⁵⁰Pa inge inen mwet in fwil natul Aaron: Eleazar, wen natul Phinehas, wen natul Abishua,

⁵¹wen natul Bukki, wen natul Uzzi, wen natul Zerahiah,

⁵²wen natul Meraioth, wen natul Amariah, wen natul Ahitub,

⁵³wen natul Zadok, wen natul Ahimaaz.

⁵⁴Pa inge acn se itukyang nu sin mwet in fwil natul Aaron ke sruf lal Kohath. Elos pa eis ipin acn lalos emeet ke acn ma itukyang lun mwet Levi.

⁵⁵Sie ipin acn inge pa Hebron in facl Judah, oayapa acn tupasrpasr nien mongo lun kosro ma raunela.

⁵⁶Tusruktu ima ac siti srisrik su ma lun Hebron tuh itukyang lal Caleb, wen natul Jephunneh.

⁵⁷Siti in molela takla inge tuh itukyang nu sin fwil natul Aaron: Hebron, Libnah wi acn tupasrpasr ma raunela, Jattir, Eshtemoa wi acn tupasrpasr ma raunela,

⁵⁸Hilen wi acn tupasrpasr ma raunela, Debir wi acn tupasrpasr ma raunela,

⁵⁹Ashan wi acn tupasrpasr ma raunela, ac Beth Shemesh wi acn tupasrpasr ma raunela.

⁶⁰Pa inge inen siti srisrik in acn lun Benjamin, wi acn tupasrpasr nien mongo lun kosro ma raunela, su itukyang pac nu sin fwil natul Aaron: Geba, Alemeth, ac Anathoth. Pisen siti srisrik itukyang tuh elos in muta we pa singoul tolu nufon.

⁶¹Oasr siti srisrik singoul in acn lun Tafun Manasseh Roto itukyang nu sin sou nukewa lula lal Kohath, ac kais sie sou elos eis acn selos ke susfa.

⁶²Itukyang siti srisrik singoul nu sin kais sie sou ke sou lulap lal Gershon, in acn lal Issachar, Asher, Naphtali, ac Tafun Manasseh Kutulap in acn Bashan.

⁶³In lumah se pacna inge, oasr siti srisrik singoul luo in acn lal Reuben, Gad, ac Zebulun itukyang nu sin kais sie sou in sou lulap lal Merari.

⁶⁴Ouinge mwet Israel elos sang acn sin mwet Levi tuh elos in muta we, wi acn tupasrpasr nien mongo lun kosro ma raunela acn ingan.

⁶⁵(Siti srisrik in acn lal Judah, Simeon, ac Benjamin ma fwack tari lucng itukyang pac ke susfa.)

⁶⁶Inen siti srisrik in acn lal Ephraim ma itukyang nu sin kutu sou in sou lulap lal Kohath wi acn tupasrpasr nien mongo lun kosro pa inge:

⁶⁷Shechem, su siti in molela in acn fineol uh in Ephraim, oayapa Gezer,

⁶⁸Jokmeam, Beth Horon,

⁶⁹Aijalon, ac Gath Rimmon.

⁷⁰In acn lun Tafun Manasseh Roto, itukyang nu selos siti srisrik luo inge, Aner ac Bileam, wi acn tupasrpasr nien mongo lun kosro ma raunela acn ingan.

⁷¹Itukyang nu sin sou in sou lulap lal Gershon siti srisrik inge wi acn tupasrpasr ma raunela: Ke acn lun Tafun Manasseh Kutulap: Golan in Bashan, ac Ashtaroth.

⁷²Liki acn lun Issachar: Kedesh, Daberath,

⁷³Ramoth, ac Anem.

⁷⁴Liki acn lun Asher: Mashal, Abdon,

⁷⁵Hukok, ac Rehob.

⁷⁶Liki acn lun Naphtali: Kedesh in Galilee, Hammon, ac Kiriathaim.

⁷⁷Ac nu sin sou lula in sou lulap lal Merari, pa inge siti srisrik ac acn tupasrpasr nien mongo lun kosro ma itukyang nu selos: Liki acn lal Zebulun: Rimmono ac Tabor.

⁷⁸Liki acn lal Reuben, kutulap in Infacl Jordan sasla acn Jericho: Bezer, su oan acn fulat ma tupasrpasr fac, oayapa Jahzah,

⁷⁹Kedemoth, ac Mephaath.

⁸⁰Liki acn lal Gad: Ramoth in Gilead, Mahanaim,

⁸¹Heshbon, ac Jazer.