Ɩsɑyii 24

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

¹Ɩ́ nyǝnɩ, Tɑcɑɑ kɑ́ wɑkǝlɩ tɛtʋ. Ɩ kɑ́ pǝsɩ-tǝɣɩ wʋlɑɣɑ nyǝntʋ. Ɩ kɑ́ pǝsɩ-tǝɣɩ kpɛntǝlɑsɩ nɑ ɩ́ wɑkǝlɩ tǝ yǝlɑɑ.

²Wɑhɑlɑ kʋlʋm kɑ́ mɑɣɑnnɑ kɔtʋlʋ nɑ yǝlɑɑ. Nɑ cɑɑ nɑ ɩ yom, nɑ toto nɑ ɩ yom. Nɑ pɛɛtǝlʋ nɑ wei ɩ yɑkɩ tɔ. Nɑ kǝntǝlʋ nɑ wei pɑ kǝntǝɣɩ tɔ. Nɑ kǝmlɛ tʋ nɑ wei pɑ fɛlǝɣɩ tɔ.

³Pɩɩ kpiisi tɛtʋ kɛ́ tǝkpɑtɑɑ, nɑ pǝ́ kuu tǝ wontu tǝnɑ tǝkpǝlǝkpǝlɩ. Mpi Tɑcɑɑ sɩɩwɑ tɔɣɔlɛ.

⁴Tɛtʋ wɛ lǝyɑɣɑ tɑɑ, nɑ tǝ́ pǝsɩ ncɑɑlɛ. Antulinyɑ nɑ́ hotɑɑ, nɑ ɩ́ pǝsɩ ncɑɑlɛ. Ɩsɔtɔnʋɣʋ nɑ tɛtʋ pǝ wɑkǝlɑɑ.

⁵Yǝlɑɑ mpɑ pɑ wɛ tɛtʋ tɑɑ tɔ pɑ wɑkǝlɑ-tɩ. Mpi tɔ, pɑ yɔkɑ kiiŋ, pɑ wɑkǝlɑ kʋsǝsɩɩtʋ. Pɑ yɔkɑ tɑm tɔɔ nɔɣɔ pɛɛlʋɣʋ.

⁶Pǝ tɔɔ kɛ́ Ɩsɔ tǝŋsɑ tɛtʋ kɛ mpusi nɑ pǝ́ tɔɣɔ-tɩ. Tǝ yǝlɑɑ ɩsɑɣɑtʋ mǝlǝɣɩ pɑ nyɔɔŋ tɑɑ. Pǝ kpiisɑ-wɛ nɑ pǝ́ kɑɑsɩ-wɛɣɛ pǝ́cɔ́ tike.

⁷Sʋlʋm kʋpɑm kɑ́ cɑɣɑ lǝyɑɣɑ. Lɛsɛŋ tʋɣʋ kɑ́ lontili. Lɑŋhʋlʋmlɛ nyǝ́mɑ tǝnɑ sʋʋ nǝɣǝsɛɛ tɑɑ.

⁸Akilimɑnɑɑ wulɑ kʋpɑnɑ sumɑ. Acimɑ tɑɑ woŋɑ nɑ kpɑlǝsʋɣʋ sɑɑlɑɑ. Cǝmǝŋ wulɑ lɑŋhʋlʋmlɛ nyǝnɑ sǝpɑ.

⁹Pɑɑ tɑsǝɣɩ sʋlʋnyɔɔlɛ nɑ yontu. Pǝyele sʋlʋm toŋ nyǝm nɑ́ kpɑ nyɑŋ kɛ pǝ nyɔɔlɑɑ.

¹⁰Ɩcɑtɛ kpɛtɛ nyǝntɛ ńtɛ́ tǝ yɔkɑɑ. Tɛɛsɩ tǝnɑ tǝkɑɑ nɔɣɔlʋ ɩɩ sʋʋkɩ.

¹¹Pɑ mɑkɩ kɑpusi kɛ hɑpɛɛ tɔɔ. Mpi tɔ, sʋlʋm fɛɩ. Lɑŋhʋlʋmlɛ fɛɩ tǝkpɑtɑkpɑtɑ. Aŋmɑɑlɑ fɛɩ tɛtʋ tǝnɑ tɑɑ.

¹²Wɑkǝlʋɣʋ tike wɛnnɑ ɩcɑtɛ tɑɑ. Ɩcɑtɛ nɔnɔɣɔ kɑmpʋ pɛlɑ yem yem. Pǝ yelɑ-kɛɣɛ ncɑɑlɛ.

¹³Pǝ kɑɑ kɑɑsɩ yǝlɑɑ kɛ sɔsɔm kɛ tɛtʋ tɑɑ. Ɩsɩɩ pɑ kooluɣu olifinɑɑ pee nɑ pukɑɣɑ yɑɑ pɑ sɛtʋɣʋʋ lɛsɛŋnɑɑ tukuŋ nɑ pǝ́ kɑɑsɩ ɑcɑlǝsɑ tɔ.

¹⁴Yǝlɑɑ kɑkɑɑsɑɣɑ kɑ́ kuli pɑ nɔɔsɩ. Pɑɑ wiliti nɑ pɑ́ sɑ Tɑcɑɑ sɔsɔɔntʋ. Pɑɑ yoo yontu nɑ lɑŋhʋlʋmlɛ kɛ ilim tǝtʋlɛ.

¹⁵Pɑɑ sɑ Tɑcɑɑ teeli kɛ ilim tǝlɩɩlɛ. Tɑcɑɑ Ɩsɛɣɛlɩ Ɩsɔ hǝtɛ kɑ́ yɑɑ hɑlǝnɑ pǝ tɑlɑ lʋm tɑɑ tɛtʋ nɑ teŋku nɔɣɔ hɔɣɔlǝŋ tɑɑ.

¹⁶Tǝ nɩɩkɩ pǝ yooki yontu kɛ hɑtoo ɑntulinyɑ tǝnɑɣɑ tɔɔ sɩ: Tɑmpɑnɑ tǝŋlʋ Ɩsɔ kɛlɛ teeli tʋ. Ɩlɛnɑ mɑɑ tɔŋ sɩ: Mɑ tɑlɑ mɑ tǝnɑɣɑ, mɑ tɑlɑ mɑ tǝnɑɣɑ. Mɑ lepɑɣɑ. Wɑɑlɩ lɩɩlɑɑ lɩɩkɩ wɑɑlɩ, wɑɑlɩ lɩɩlɑɑ lɩɩkɩ wɑɑlɩ.

¹⁷Sɔɣɔntʋ sɔsɔɔntʋ nɑ pʋ́ʋ́ɣʋ́ nɑ puluɣu pǝ tɑŋɑ ɑtɛ yǝlɑɑ mɛ.

¹⁸Ye wei ɩ́ nɩɩwɑ sɔɣɔntʋ sɔsɔɔntʋ kɑkiisɑɣɑ nɑ ɩ́ seeki ɩlɛ ɩ hoti pʋ́ʋ́ɣʋ́ tɑɑ. Ye wei ɩ pǝsɑɑ nɑ ɩ́ lʋ nɑ ɩ lɩɩ, ɩlɛ puluɣu nɑ́ɑ́ puu-ɩ. Tɛʋ ɑnɑɑm tʋlɑɑ. Antulinyɑ selɑ ɩ kite tɛɛ.

¹⁹Tɛtʋ cǝlǝɣɩ, tǝ yɑ pɔɣɔlɛɛ. Tɛtʋ leŋliɣi.

²⁰Tɛtʋ tɑŋtǝɣɩ, ɩsɩɩ sʋlʋnyɔɔlʋ. Tǝ seliɣi ɩsɩɩ cokǝle. Tǝ ɩsɑɣɑtʋ pɛtɑ-tɩ, tǝ kɑɑ tɑsɑ kʋlʋɣʋ.

²¹Kʋyɑkʋ ŋkʋɣʋ Tɑcɑɑ kɑ́ kʋlɩ ɩsɔtɑɑ toŋtunɑɑ tɔɔ. Ɩ kɑ́ kʋlɩ ɑtɛ ɑwulɑɑ sɔsɑɑ tɔɔ, nɑ ɩ́ nɑɑsɩ-wɛ.

²²Pɑɑ kpeɣeli-wɛɣɛ tǝntǝmlɛ kɛ pʋ́ʋ́ɣʋ́ nɑkʋlɩ tɑɑ. Pɑɑ tǝkɩ pɑ tɔɔ kɛ́ sɑlǝkɑ nɔɣɔlʋ tɑɑ. Kʋyɛɛŋ pɑɣɑlɛ sikiɣi, ɩlɛnɑ pɑ́ nɑɑsɩ-wɛ.

²³Pɩɩ liɣiti ɩsɔtʋ. Fɛɛlɛ kɑ pɩɩ ilim. Mpi tɔ, Pǝ tǝnɑ pǝ tʋ Tɑcɑɑ kɑ́ tɔɣɔ kɑwulɑɣɑ kɛ Siyɔŋ pʋɣʋ tɔɔ nɑ Yosɑlɛm. Ɩ teeli kɑ́ nɑɑkɩ ɩ yǝlɑɑ nyʋɣʋ nyǝ́mɑ ɩsɛntɑɑ.