Ɩsɑyii 29

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

¹Hɑɩ, Alǝyɛɛlɩ, Alǝyɛɛlɩ. Ɩcɑtɛ nyɑ́ nyɑ́ tɔm wɛ wɑɩyo kɛ́. Nyɑ́ tɑɑ kɛ́ Tɑfiiti sikɑɑ. N tɔkɑ teu kɛ pɑɑ pǝnɑɣɑ ŋkɑ kɑ ɑcimɑ.

²Mɑɑ pɑsɑ Alǝyɛɛlɩ ɩcɑtɛ. Wulɑ nɑ mɔlɑ kɑ́ wɛɛ nyɑ́ tɑɑ. Ɩcɑtɛ kɑ pǝsɩ ɩsɩɩ Alǝyɛɛlɩ*fɑ* ɩcɑtɛ. wɔkɩ kɔtɑɣɑ nyǝm tɔ. Pǝ́cɔ́ pǝ kɛ́ Yosɑlɛm hǝtɛ lɛntɛ.

³Mɑɑ siki nɑ mɑ́ cɔɔnɑ-ŋ nɑ mɑ́ tɑ. Mɑɑ yele nɑ yoolɑɑ kpekɑ tʋ-ŋ hɛkʋ. Mɑɑ lo hɑpɛɛ tɑkɑ nɑ mɑ́ cɔɔnɑ-ŋ.

⁴Pɩɩ tisi-ŋ kɛ́ tǝfɛ, nɑ nyɑ́ nɔɣɔ nɩɩkǝnɑ tɛtʋ tɛɛ. Tɛtʋ tɛɛ kɛ́ nyɑ́ kʋyɔɣɔtʋtʋ kɑ́ lɩɩkǝnɑ tǝkɛmm. Nyɑ́ nɔɣɔ kɑ lɩɩkǝnɑ tɛtʋ tɛɛ kɛ́ ɩsɩɩ ɑsǝnɑɑlɩɩ. Ɩlɛnɑ nyɑ́ kʋyɔɣɔtʋtʋ nɑɑ lɩɩkǝnɑ mʋsʋɣʋ tɑɑ kɛ́ ɩwɛlǝtɑʋ.

⁵Nyɑ́ kolontunɑɑ pɑɣɑʋ kɑ́ wɛɛ kɛ́ ɩsɩɩ mʋsʋɣʋ. Pɑ kʋpiŋ ŋkʋ kʋ nǝɣǝsǝnɑ kɛ́ ɩsɩɩ lɔɔtʋ nti heelim kpɑkǝɣɩ tɔ. Ɩlɛ tɔm kʋlʋm tɔɔ kɛ́ pɩɩ lɑ mpʋ, pǝ kɑɑ leeli.

⁶Pǝ tǝnɑ pǝ tʋ Tɑcɑɑ kɑ́ kɔɔ nyɑ́ wɑɑsʋɣʋ nɑ tɛʋ holɑ, nɑ tɛtʋ seluɣu, nɑ pǝ kɔkɔtɛ sɔsɔɔlɛ, nɑ kɑcuculɑɣɑ, nɑ heelim sɔsɔɔm, nɑ kɔkɔ kʋmʋmʋkɑ.

⁷Ɩsɩɩ yʋlʋ toosuɣu nɑ pǝ sɑɑlɩ yem tɔ, yɑɑ ɩ nɑɑkʋɣʋ pʋlʋɣʋ tom tɑɑ nɑ pǝ sɑɑlɩ tɔ. Ḿpʋ́ɣʋ́ pɩɩ lɑ piitimnɑɑ tuutuumɑ tǝnɑ mpɑ pɑ yookɑɣɑnɑ Alǝyɛɛlɩ ɩcɑtɛ tɔ. Pɑ yookɑɣɑnɑ-tɛɣɛ nɑ pɑ́ yɔkǝɣɩ tǝ koloosi toŋ nyǝnsɩ nɑ pɑ́ sikiɣi nɑ pɑ́ cɔɔkǝnɑ-tɛɣɛ,

⁸teitei ɩsɩɩ nyɔɣɔsɩ pɩɩkʋɣʋ yʋlʋ nɑ ɩ́ toosi sɩ ɩ tɔŋɑ tɔɣɔʋ tɔ. Ɩ feŋ ɩlɛnɑ ɩ́ mɑɣɑnɑ ɩ lotu tɑɑ koosɑɑ. Yɑɑ ɩsɩɩ lʋkɔtʋ pɩɩwɑ yʋlʋ nɑ ɩ́ toosi sɩ ɩ tɔŋɑ nyɔɔʋ. Ɩ feŋ ɩlɛnɑ ɩ́ mɑɣɑnɑ ɩ luɣu tɛɛ wʋlɑɑ nɑ ɩ tomɑ tɛmɑ. Ḿpʋ́ɣʋ́ pɩɩ lɑ piitimnɑɑ tǝnɑ tuutuumɑ wei ɩ kɑ́ kɔɔ Siyɔŋ ɩcɑtɛ kɛ yoonɑʋ tɔ.

⁹Ḿpʋ́ɣʋ́ Tɑcɑɑ tɑsɑɑ sɩ: Pǝ́ lɑ-mɛɣɛ piti nɑ sɔɣɔntʋ pɩɩ-mɛ. Ɩ́ wiisi mǝ ɩsɛ nɑ ɩ́ pǝsɩ yʋlʋmɑɑ. Ɩ́ cɛŋlǝɣɩ, ɩlɛ pǝ tɑɣɑ sʋlʋm kʋɣʋnɑ-mɛ. Ɩ́ tɑŋtǝɣɩ ɩlɛ pǝ tɑɣɑ sʋlʋm toŋ nyǝm lɑkǝnɑ-mɛ.

¹⁰Pǝ tɑɣɑ pʋlʋ, Tɑcɑɑ tʋ-mɛɣɛ tom lǝmɑɣɑsǝlɛ kɛ́. Ɩ yʋlʋsɑ mǝ ɩsɛ. Ɩsɔ kʋyɔɣɔtʋtʋ tɛlǝsǝlɑɑ kɛ pɑ wɛnɑ cǝnɛ. Ɩ tɑkɑ mǝ ɩsɛntɔɔ. Nɑlɑɑ tɔm kɛ pɑ wɛnɑ cǝnɛ.

¹¹Tɔm kukulutu tǝnɑ pǝsɑ-mɛɣɛ ɩsɩɩ pɑ ŋmɑɑkʋɣʋ tɑkǝlɑɣɑ nɑ pɑ́ kpili nɑ pɑ́ tɑɑlɩ tɔ. Pɑ cɛlǝɣɩ nyǝntʋ sɩ: Kɑlɑ. Ɩlɛnɑ ɩ́ cɔ sɩ: Mɑɑ pǝsǝɣɩ, pɑ tɑɑlɑ kɑ tɔɔ.

¹²Yɑɑ pɑ́ cɛlɑ wei ɩ tɑ nyɩ tɔ sɩ: Kɑlɑ, nɑ ɩ́ cɔ sɩ: Mɑ tɑ nyɩ kɑlʋɣʋ.

¹³Ḿpʋ́ɣʋ́ Tɑcɑɑ yɔɣɔtɑɑ sɩ: Wɑɑtʋ wei yǝlɑɑ pɑnɛ pɑ yɔɣɔtǝɣǝnɑ-m tɔ pɑ nɔɔsɩ nɑ pɑ ntompee kɛ pɑ sɑŋnɑ-m. Amɑ pɑ lotu wɛ-m nɑ pooluŋ. Nyɑmnɑʋ mpi pɑ nyɑŋnɑ-m tɔ, pǝ kɛ́ yǝlɑɑ kʋsɛɣɛsǝtʋ kɛ́.

¹⁴Pǝ tɔɔ kɛ́ mɑɑ lɑ-wɛ tɔtɔɣɔ piti tǝmɑ, nɑ kɔkɔlɔ nyǝmnɑɑ nɑ pǝ́ lɑ-wɛɣɛ hɑ. Lǝmɑɣɑsɛɛ nyǝ́mɑ lǝmɑɣɑsɛɛ kɑ wɑkǝlɩ. Lɑɣɑtʋnɑɑ lɑɣɑtʋ kɑ́ sɑɑlɩ.

¹⁵Yǝlɑɑ mpɑ pɑ ŋmɛlǝɣɩ Tɑcɑɑ, nɑ pɑ́ ŋmɛsǝɣɩ pɑ kʋlɑpǝlɛ tɔ, pɑ tɔm wɛ wɑɩyo kɛ́. Sǝkpɛtʋɣʋ tɛɛ kɛ́ pɑ lɑkɩ pɑ tǝmɑ nɑ pɑ́ tɔŋ sɩ: Awe nɑɑkɩ-tʋ? Nɔɣɔlʋ tɑ nyɩ tɑ́ tɔɔ.

¹⁶Amɑ mǝ liɣituɣu tɔɔwɑ yoo. Cʋɣʋ nɑ kʋ ŋmɑlʋ pɑɑ kɛɛsǝɣɩ pʋlʋ. Kʋŋmɑŋmɑm kɑ yɔɣɔtɩ ŋmɑlʋ sɩ: Pǝ tɑɣɑ nyɑ́ ŋmɑnɑ-m? Hɛɛʋ kɑ yɔɣɔtɩ ŋmɑlʋ sɩ: N tɑ nyɩ pʋlʋ?

¹⁷Ɩ́ tɑ nyɩ tɑɑ? Pǝ kɑɑsɑ pǝcɔ mɑɣɑmɑɣɑ kɛ́. Lipɑŋ hɔtʋɣʋ kɑ́ pǝsɩ tɩɩŋ tɑɑlɛ. Tɩɩŋ tɑɑlɛ kɑ́ pǝsɩ hɔtʋɣʋ.

¹⁸Kʋyɑkʋ ŋkʋɣʋ ntɑmɑɑ mɑɣɑmɑɣɑ kɑ́ nɩɩ tɑkǝlɑɣɑ tɑɑ tɔm. Yʋlʋmɑɑ ɩsɛ kɑ́ kuli nɑ pɑ́ lɩɩ sǝkpɛtʋɣʋ sɔsɔɔʋ tɑɑ.

¹⁹Tɑcɑɑ pɛɛlɛɛ tɔɔ tǝpɑsǝlɑɑ lɑŋɑ kɑ́ hʋlǝmǝɣǝnɑ nɑ pǝ́ sɔɔsǝɣɩ. Ɩlɛnɑ kʋnyɔntʋnɑɑ nɑ́ɑ́ yɔɔlǝɣǝnɑ Ɩsɛɣɛlɩ nyǝ́mɑ Ɩsɔ nɑŋŋ tʋ.

²⁰Nmɑkǝllɑɑ kɑɑ tɑsɑ wɛɛʋ, woŋlɑɑ kɑ́ tɛ. Ɩlɛnɑ pɑ́ kpiisi mpɑ pɑ tɑŋɑɑ sɩ pɑ lɑkɩ ɩsɑɣɑtʋ tɔ.

²¹Mpɑ pɑ kʋɣɩ lɛlɑɑ tɔm kɛ hʋʋlɛ tɑɑ tɔ. Pɑ nyǝkɩ hʋʋlɑɑ kɛ kɑtɔsɩ kɛ tǝhʋʋlɛ. Pɑ tɔɣɔnǝɣɩ siɣisilɑɑ nɑ kɑwɑɑnɑɣɑ tɔm nti tǝ fɛɩnɑ kite tɔ. Pɛlɛ tɔtɔ pɑɑ sɑɑlɩ yem.

²²Pǝ tɔɔ kɛ́ Tɑcɑɑ wei ɩ yɑpɑ Apǝlɑhɑm tɔ ɩ yɔɣɔtǝɣɩ Yɑkɔpʋ nɑ ɩ lʋlʋɣʋ nyǝ́mɑ sɩ: Yɑkɔpʋ kɑɑ tɑsɑ fɛɛlɛ tɔɣɔʋ. Pǝyele ɩ kɑɑ kɑ nyʋɣʋ.

²³Wɑɑtʋ wei pɑɑ nɑ́ pǝ tǝnɑ mpi mɑ lɑpɑ pɑ hɛkʋ tɔ. Pɑɑ nyɩ sɩ mɑ kɛ́ Ɩsɔ nɑ pɑ́ sɛɛ-m. Pɑɑ nyǝnɩ mɑ hǝtɛ kɛ́ sɔsɔɔlɛ. Pɑɑ nyɑnɑ-m sɩ mɑ kɛ́ Yɑkɔpʋ Ɩsɔ nɑŋŋ tʋ. Mɑɣɑlɛ Ɩsɛɣɛlɩ Ɩsɔ.

²⁴Mpɑ feesuɣu tolisɑɑ tɔ pɑɑ pɛɛkɩ lǝmɑɣɑsɛɛ. Mpɑ pɑ lɑŋɑ tɑ hɛɛ tɔ pɩɩ sɛɣɛsɩ-wɛ.