Ɩsɑyii 13

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

¹Pɑpiloni tɔm nti Tɑcɑɑ hʋlɑ Amɔtɩ pǝyɑlʋ Ɩsɑyii kɛ toosee tɑkɑ tɑɑ tɔɣɔlɔ.

²Ḿpʋ́ɣʋ́ Tɑcɑɑ yɔɣɔtɑɑ sɩ: Ɩ́ kpɑɑsɩ tuutɑ kɛ pʋɣʋ ŋku kʋ tɔɔ fɛɩ pʋlʋ tɔ kʋ tɔɔ. Ɩ́ tɔ́ yoolɑɑ kɛ úúú. Ɩ́ hɑtɩ-wɛɣɛ niŋ sɩ pɑ́ sʋʋnɑ ŋmɑkǝllɑɑ nɔnɔɣɔ.

³Mɑ mɑɣɑmɑɣɑ mɑ kɔmtǝɣǝnɑ yǝlɑɑ mpɑ pǝ tʋ mɑ niŋ tɑɑ tɔ. Mɑ yɑɑwɑ mɑ yoolɑɑ tɑɑ yoolɑɑ mpɑ pɑ yɔɔlǝɣǝnɑ mɑ sɔsɔɔntʋ nɑ pɑ́ hʋlǝɣɩ mɑ pɑ́ɑ́nɑ́ tɔ.

⁴Yǝlɑɑ kɔkɔtɛ nɩɩkɩ pɔɔŋ tɑɑ, ɩsɩɩ sɑmɑɑ tuutuumɑ. Piitimnɑɑ kɑwulɑsɩ kotɑɑ nɑ pɑ kɔkɔtɛ nɩɩkɩ. Pǝ tǝnɑ pǝ tʋ Tɑcɑɑ mɑ́ mɑ kɑlǝɣɩ mɑ yoolɑɑ mpɑ mɑɑ yoonɑ tɔ.

⁵Tɑcɑɑ nɑ mpɑ ɩ hʋlǝɣǝnɑ ɩ pɑ́ɑ́nɑ́ tɔ ɑntulinyɑ tǝnɑsɩ kɛ pɑ lɩɩnɑ hɑtoo pooluŋ tɑɑ, nɑ pɑ́ kɔɔ sɩ pɑ kpiisiɣi tɛtʋ tǝnɑ.

⁶Mǝ lɑŋɑ ɩ́ wɑkǝlɩ nɑ ɩ́ wii. Mpi tɔ, Tɑcɑɑ kʋyɑkʋ kpɛɣɛtɑɑ kɛ́. Kʋ kɔŋ kɛ́ ɩsɩɩ Ɩsɔ Tomɑ tǝnɑ tʋ wɑkǝlʋɣʋ.

⁷Pǝ tɔɔ kɛ́ yǝlɑɑ ɑpɑlʋtʋ hoowɑ nɑ pɑ́ pǝsɩ ɑcɑmɑɑ.

⁸Sɔɣɔntʋ sɔsɔɔntʋ pɩɩ-wɛ, nɑ pɑ́ mǝlǝntǝɣɩ pɑ tɩ, ɩsɩɩ lʋlʋɣʋ wʋsɑsɩ tɑkʋɣʋ ɑlʋ tɔ. Nɑ pɑ́ nyǝnǝɣɩ tǝmɑ nɑ sɔɣɔntʋ.

⁹Tɑcɑɑ hʋʋlɛ kʋyɑkʋ kɔŋnɑ ntɛ́. Kʋ wule kɛ ɩ kɑ́ hʋlɩ ɩ pɑ́ɑ́nɑ́ sɔsɔɔnɑ, ɩ kɑɑ wɛɛnɑ pǝtɔɔtǝlɛ. Kʋyɑkʋ ŋkʋɣʋ ɩ kɑ kpiisi ɑsɑɣɑɑ, nɑ ɩ́ pǝsɩ tɛtʋ kɛ wʋlɑɣɑ nyǝntʋ.

¹⁰Ɩsɔtʋlʋŋɑsɩ nɑ sɩ loosi tǝnɑ kɑɑ tɑsɑ lɩɩʋ. Ilim ɩ́ lɩɩ kpɑkpɑɑ pǝlɛ pǝ sɩ. Pǝyele ɩsɔtʋ nɑ́ kɑɑ hʋlʋmɩ.

¹¹Mɑɑ hɔ ɑntulinyɑ ŋkpɑŋʋɣʋ kɛ ɩ kɑwɑlɑɣɑ tɔɔ, nɑ mɑ́ hɔ ɑsɑɣɑɑ ŋkpɑŋŋ kɛ pɛlɛ pɑ kʋpǝntǝŋ tɔɔ. Mɑɑ tisi mpɑ pɑ hɔŋ pɑ tɩ tɔ, nɑ mɑ́ yɔkɩ ŋmɑkǝllɑɑ kɑlɑmpɑɑnɩ.

¹²Mɑɑ yele nɑ yǝlɑɑ lɑŋ tɛtʋ tɑɑ nɑ pǝ́ kǝlɩ ɩsɩɩ wʋlɑ kʋpɑŋ. Pɑɑ lɑŋ tɛtʋ tɑɑ nɑ pǝ́ kǝlɩ ɩsɩɩ Ofii tɛtʋ wʋlɑ.

¹³Pǝ tɔɔ kɛ́ Pǝ tǝnɑ pǝ tʋ Tɑcɑɑ pɑ́ɑ́nɑ́ sɔsɔɔnɑ kʋyɑkʋ wule ɩ kɑ ciɣiti ɩsɔtɔnʋɣʋ, nɑ tɛtʋ nɑ́ɑ́ sele tǝ kite tɔɔ.

¹⁴Ɩsɩɩ sɔɣɔntʋ kpɑɑkʋɣʋ nɑm nɑ ɩ́ seeki tɔ, ḿpʋ́ɣʋ́ pɑɑ wei ɩ kɑ́ se nɑ ɩ́ mǝlǝɣǝnɑ ɩ tɛtʋ tɑɑ. Ɩsɩɩ heeŋ lɑŋʋɣʋ tiikilu nɑ ɩ yɑ tɔ, ḿpʋ́ɣʋ́ Pɑpiloni nyǝ́mɑ ɩ́ kɑ́ yɑ yem yem nɑ ɩ́ mǝlǝɣǝnɑ mǝ yǝlɑɑ kiŋ.

¹⁵Ye pɑ hikɑ mǝ tɑɑ wei pɑ cʋtǝtɩ-ɩ nyǝmɑ́, nɑ pɑ́ kpɑ mǝ tɑɑ wei pɑ kʋ ɩ́lɛ́ nɑ lɑɣɑtɛ.

¹⁶Pɑɑ tɔtǝlɩ mǝ piyɑ nɑ pɑ́ kuu mǝ tɛɛsɩ tɑɑ wontu nɑ pɑ́ kpi mǝ ɑlɑɑ nɑ ɩ́ nyǝnǝɣɩ.

¹⁷Ḿpʋ́ɣʋ́ Tɑcɑɑ yɔɣɔtɑɑ sɩ: Mɑɑ yele nɑ Mɛtɩ nyǝmɑ mʋ-mɛ nɑ pɑ́ɑ́nɑ́. Pɑɑ ɩ́ hɑ-wɛɣɛ liɣitee, yɑɑ wʋlɑ, pɛlɛ pɑ kɑɑ nyǝnnɑ tǝnɑ.

¹⁸Pɑɑ yɑɣɑ mǝ ɩfepiyɑ kɛ nyǝmɑ́, pɑ kɑɑ cɔlɔ ɑhʋlʋmnɑɑ. Pǝyele pɑ kɑɑ wɛɛnɑ piyɑ pǝtɔɔtǝlɛ.

¹⁹Pɑpiloni kɑ wɛ kɛ́ ɩsɩɩ Kɑlǝtee nyǝ́mɑ kɑwulɑsɩ kɑcɔkɑ pʋlʋpʋ. Ɩsɔ kɑ́ wɑkǝlɩ-mɛ, ɩsɩɩ ɩ kɑ lɑpʋ Sɔtɔm nɑ Kɔmɔɔ pǝ nyǝmɑ tɔ.

²⁰Pɩɩ kpiisi Pɑpiloni tɛtʋ kɛ tɑm tɔɔ kɛ́, nɔɣɔlʋ kɑɑ wɛɛ tǝ tɑɑ. Pɑɑ mpɑtɔntɑɑ mɑɣɑmɑɣɑ, pɛlɛ pɑ kɑɑ hɛlɩ, pǝyele tiikilɑɑ nɑ pɑ kɑlǝkǝŋ pɑ kɑɑ sǝŋ tǝnɑ.

²¹Amɑ tɑɑlɛ wontu kɑ́ lɛɛtǝnɑ, nɑ kpiisiŋ nɑɑ sʋʋkɩ mǝ tɛɛsɩ tɑɑ, nɑ tɑɑtɑɑnɑɑ nɑ́ɑ́ pǝsɩ tǝnɑɣɑ pɑ tɛ. Ɩlɛnɑ pǝŋtʋlʋŋ nɑ́ɑ́ ŋmɑɑlǝɣɩ ncɑɑ tɑɑ.

²²Sʋnsʋmǝŋ kɑ́ sʋʋnɑ mǝ ɩcɑtɛ kutuluŋ kʋpɑŋ tɑɑ, nɑ tɑɑlɛ hɑsɩ kɛ mǝ kutuluŋ wei ɩ tɑɑ ɩ́ tɔkɑɣɑ nɑ ɩ́ nyɔɔkɩ tɔ. Pǝ tɛmɑ Pɑpiloni ɩcɑtɛ kʋyɑkʋ sɩɩʋ kɛ́ nɑ kʋ kpɛɣɛtɑɑ.