Ɩsɑyii 15

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

¹Mowɑpʋ nyǝ́mɑ tɔɔ kʋyɔɣɔtʋtʋ ntɔ: Pɑ yɔkɑ Aɑɑ-Mowɑpʋ ɩcɑtɛ nɑ pɑ́ kpiisi-tɛɣɛ ɑhoo kʋlʋmɛɛ. Pɑ yɔkɑ Kii-Mowɑpʋ ɩcɑtɛ nɑ pɑ́ kpiisi-tɛ tɔtɔɣɔ ɑhoo kʋlʋmɛɛ.

²Tipɔŋ nyǝ́mɑ kpɑ tǝfɛɛnlɛ sɩ pɑ wiiki. Mowɑpʋ nyǝ́mɑ tʋlɑ nɔɔsɩ kɛ Nepo pʋɣʋ tɑɑ, nɑ Mɑtepɑ ɩcɑtɛ tɑɑ. Pɑ loolɑ pɑ nyɔɔŋ nɑ pɑ tɑntǝŋ.

³Yǝlɑɑ suu lǝyɑɣɑ wontu, ɩsɩɩ fɔlǝtɔnɑɑ tɑkɑ kɛ hɑpɛɛ tɔɔ. Pɑ lukiɣi ɩsǝlʋm kɛ kutuluŋ pɑtɑnɑɑ tɔɔ nɑ nɔnɔɔsɩ tɛɛ.

⁴Hɛsǝpɔŋ nyǝ́mɑ nɑ Ɩlɑle nyǝ́mɑ pɑ mɑkɩ kɑpusi nɑ Yɑhɑsɩ nyǝ́mɑ nɑ́ɑ́ nɩɩkɩ. Pǝ kpɛnnɑ Mowɑpʋ yoolɑɑ nɑ pɑ ɑpɑlʋtʋ le, nɑ pɑ huɣutiɣi lotu.

⁵Mɑ yɑɑwɑ sɩ pɑ́ wɑɑsɩ Mowɑpʋ nyǝ́mɑ. Pɑ sewɑ hɑlǝnɑ pɑ́ tɑlɑ Sʋwɑɑ nɑ Ɩkǝlɑ-Selisiyɑ. Pɑ kpɑɑkɩ Luhiti tontoŋle nɑ wulɑ. Pɑ cɑsǝɣɩ lɑŋwɑkǝllɛ kɑpusi kɛ Holonɑyim mpɑɑʋ tɑɑ.

⁶Nimlim hite lʋm nyɔɔwɑ. Nyɩɩtʋ lʋm nyǝntʋ wʋlɑ tǝ tǝnɑ. Pʋlʋpʋ ɩɩ tɑsǝɣɩ nyɔʋ.

⁷Pǝ tɔɔ kɛ́ pɑ kuuki pɑ nyǝm mpi pǝ kɑɑsɑ-wɛ tɔ, nɑ pɑ́ pukinɑ hɑtoo tɩɩŋ kɑcǝkɑ wɑɑlɩ.

⁸Mowɑpʋ nyǝ́mɑ kɑpusi nɩɩkɩ pɑɑ timpiɣi pɑ tɛtʋ tɑɑ kɛ́. Hɑlǝnɑ pǝ́ tɑlɑ Ɩkǝlɑyim ɩcɑtɛ nɑ Ɩliim tɛtʋ tɑɑ lɔkɔ.

⁹Timɔŋ ɩcɑtɛ pusi lʋm wɛ kɛ́ ɩsɩɩ cɑlǝm. Pǝ́cɔ́ ɩ kɑ́ tɑsɑ-wɛɣɛ wɑhɑlɑ tʋɣʋ tɔtɔ. Ɩ kɑ́ yele nɑ tɔɣɔlɑɣɑ kʋlɩ Mowɑpʋ yǝlɑɑ kɑkɑɑsɑɣɑ tɔɔ.