Ɩsɑyii 27

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

¹Kʋyɑkʋ ŋkʋɣʋ Tɑcɑɑ Ɩsɔ kɑ́ kpɑɣɑ ɩ lɑɣɑtɛ kpɩɩsǝŋ nyǝntɛ. Tǝ kɛ́ sɔsɔɔlɛ kɛ́ nɑ tǝ wɛnɑ toŋ, nɑ ɩ́ yoonɑ tʋm sɔsɔ wei ɩ kootɑ kootiɣi kootiɣi nɑ ɩ́ fɛɩ kpɑʋ tɔ. Ɩ kɑ́ yoonɑ Lefiyɑtɑŋ. Tʋm selu Lefiyɑtɑŋ wei ɩ kootɑ kootiɣi kootiɣi tɔ. Ɩ kɑ́ kʋ tɔɣɔlʋɣʋ ŋku kʋ cɑkɩ teŋku tɑɑ tɔ.

²Kʋyɑkʋ ŋkʋɣʋ pɑɑ tɔ sɩ: Ɩ́ yoo yontu kɛ lɛsɛŋ tɩɩŋ wei ɩ wɛnɑ pee kʋpɑnɑ tɔ.

³Tɑcɑɑ Ɩsɔ mɑɣɑlɛ tɩɩŋ ɩnɩ ɩ tɑŋlʋ. Mɑ pǝlǝɣɩ-ɩ lʋm kɛ pɑɑ wɑɑtʋ wei. Ahoo nɑ ilim kɛ mɑ tɑŋǝɣɩ-ɩ. Pǝ́ tɑɑ kɔɔ nɑ nɔɣɔlʋ sʋʋ.

⁴Mɑ pɑ́ɑ́nɑ́ hɛɛwɑ. Amɑ ye mɑ mɑɣɑnɑ pǝ tɑɑ kɛ́ sɔwɑ nɑ kɔlɔŋ, mɑɑ yoonɑ-yɛɣɛ nɑ mɑ́ nyɑɣɑsɩ ɑ tǝnɑɣɑ kɔkɔ.

⁵Amɑ ye pɑ nyǝnɑ-m kpʋlʋɣʋ tǝtʋlɛ, nɑ pɑ́ yele nɑ mɑ́ nɑ-wɛ tǝ́ ciiki nɑ tǝ́ wɛɛ leleŋ pǝ pɑɑsi.

⁶Kʋyɛɛŋ wei ɩ kɔŋ tɔ ɩ tɑɑ, Ɩsɛɣɛlɩ nyǝ́mɑ kɑ́ kɑ lilɑ. Yɑkɔpʋ nyǝ́mɑ mɛ ɩ́ kɑ́ nɛɣɛtɩ nɑ ɩ́ tʋ hɛtʋ. Ɩ́ kɑ́ suuli ɑntulinyɑ tǝnɑɣɑ mǝ kʋlʋlʋm.

⁷Tɑcɑɑ n mɑpɑ Ɩsɛɣɛlɩ nyǝ́mɑ ɩsɩɩ n mɑpʋ mpɑ pɑ mɑkɑɣɑ mpɛ tɔ? N kʋ-wɛ ɩsɩɩ n kʋkɑɣɑ mpɑ pɑ kʋ mpɛ tɔ?

⁸Aɑɩ yoo, ɑmɑ ń kɛɛsɑ teu kɛ́ nɑ ń tɑɣɑnɩ pɑ hʋʋnɑʋ, nɑ ń yele nɑ kolontunɑɑ kuu-wɛ. Nyɑ́ heelim tɛɛnɑ-wɛ ɩsɩɩ ilim tǝlɩɩlɛ heelim kʋyɑkʋ.

⁹Sɑlǝkɑ ɩnɩ ɩ kɑ́ hɩɩsǝnɑ Yɑkɔpʋ nyǝ́mɑ ɩsɑɣɑtʋ. Mpi pɑ suulu hʋlʋɣʋ kɑ́ lʋlɩ tɔɣɔlɛ. Tɑcɑɑ kɑ́ yɔkɩ tǝlɑɑlɛnɑɑ pɛɛ, nɑ ɑ pǝsɩ mʋsʋɣʋ. Ɩsɩɩ pɑ́ yɔkʋɣʋ tɛtʋ kʋhʋlʋmtʋ pɛɛ tɔ. Tʋɣʋ Aselɑ tesikɑsɩ nɑ pɛɛ kʋsikee kɑɑ tɑsɑ sǝŋʋɣʋ.

¹⁰Koluŋɑ ɩcɑtɛ wɛ kpɛtɛ. Pɑ lɔwɑ lonte ntɛɣɛ. Pɑ yelɑ-tɛ ɩsɩɩ wʋlɑɣɑ tɛtʋ. Nɑwee kɑ́ tɔkɩ nyɩɩtʋ kɛ tǝnɑ nɑ ɑ́ hɛɛsǝɣɩ. A kɑ kuɣuli tiikɑsɩ piliŋɑsɩ.

¹¹Wɑɑtʋ wei piliŋɑsɩ wʋlǝɣɩ ɩlɛnɑ pɑ pɛlɩ-sɩ, nɑ ɑlɑɑ nɑ́ɑ́ kpɑɣɑ nɑ pɑ́ tʋ kɔkɔ. Mpi tɔ, pɑ kɛ yǝlɑɑ mpɑ pɑ fɛɩnɑ lɑɣɑtʋ tɔɣɔ. Wei ɩ lɑpɑ-wɛ tɔ ɩ kɑɑ hʋlɩ-wɛɣɛ suulu.

¹²Kʋyɑkʋ ŋkʋɣʋ Tɑcɑɑ kɑ nyɑmsɩ tɩɩŋ, kɛ pǝ kpɑɣɑʋ Ɩfǝlɑtɩ pɔɣɔ, nɑ pǝ́ polo Icipiti lɔɔʋ tɔ. Ɩ kɑ́ nyɑmsɩ tɩɩŋ ɩlɛnɑ pɑ́ tɔɔsɩ Ɩsɛɣɛlɩ nyǝ́mɑ-mɛɣɛ kʋlʋm kʋlʋm.

¹³Kʋyɑkʋ ŋkʋɣʋ pɑɑ hʋlɩ ɑkɑntǝlɛ sɔsɔɔlɛ. Yǝlɑɑ mpɑ pɑɑ lepɑ Asilii tɛtʋ tɑɑ tɔ pɑɑ kɔɔ. Nɑ mpɑ pɑɑ yɑwɑ Icipiti tɛtʋ tɑɑ tɔ pɑɑ kɔɔ. Pɑɑ hǝntɩ Tɑcɑɑ kɛ ɑtɛ kɛ pulɑɣɑ nɑŋŋ nyǝŋkɑ tɔɔ kɛ́ Yosɑlɛm.