Ɩsɑyii 38

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

¹Ḿpʋ́ɣʋ́ wʋsɑsɩ kpɑ wulɑʋ Ɩsekiyɑsɩ kɛ wɑɑtʋ ɩnɩ ɩ tɑɑ sɩ ɩ sǝkɩ. Ɩlɛnɑ Ɩsɔ kʋyɔɣɔtʋtʋ tɛlǝsʋlʋ Ɩsɑyii polo ɩ kiŋ nɑ Ɩ́ heeli-ɩ sɩ: Tɑcɑɑ tɔmɑ sɩ, ye nyɑ́ tɑɑ wɛ nti n heeli nyɑ́ tǝyɑɣɑ nyǝ́mɑ. Mpi tɔ, n kɑ́ sɩ kɛ́ n kɑɑ kʋlɩ.

²Ntɛnɑ wulɑʋ kɛɛsɩ ɩsɛ nɑ koluŋɑ tɔɔ nɑ ɩ́ sǝlǝmɩ Tɑcɑɑ kɛ sǝlǝmʋɣʋ kʋnɛ sɩ:

³Hɑɩ, Tɑcɑɑ, mɑ kpɑ nyɑ́ yule. Tɔɔsɩ sɩ mɑ tɔmɑ teu nɑ lotu kʋlʋmtʋ nɑ mɑ́ lɑ́ mpi pǝ wɛ-ŋ teu tɔ. Ɩ tɛmɑ mpʋ ɩlɛnɑ ɩ́ wii tǝkpoo nɑ ɩ́ pǝlɩ ɩsǝlʋm.

⁴Pǝ wɑɑlɩ kɛ́ Tɑcɑɑ heelɑ Ɩsɑyii

⁵sɩ ɩ́ tɛlǝsɩ wulɑʋ Ɩsekiyɑsɩ sɩ: Mɑɣɑ nyɑ́ cɔsɔ Tɑfiiti Ɩsɔ Tɑcɑɑ. Mɑ nɩɩwɑ nyɑ́ kʋsǝlǝmʋtʋ nɑ mɑ́ nɑ́ nyɑ́ ɩsǝlʋm. Ɩlɛ mɑɑ sɔɔsɩ-ŋ weesuɣu pɩɩsɩ kɛ nɑɑnʋwɑ nɑ kɑkpɑsɩ.

⁶Mɑɑ yɑ nyɑ́ nɑ ɩcɑtɛ tǝnɛɣɛ Asilii wulɑʋ niŋ tɑɑ. Mɑɑ kenti tǝ tɔɔ*fɑ*. kʋkɑlʋtʋ 21-22 kɛ kʋkɑlʋtʋ 6 wɑɑlɩ sɩ, pǝ́ wɛɛ ɩsɩɩ pɑ kɛɛsʋɣʋ Awulɑɑ II 20:1-11 tɑɑ tɔ.

⁷Yɑɑsi wei Tɑcɑɑ kɑ hʋlǝnɑ-ŋ sɩ ɩ kɑ́ lɑ ɩsɩɩ ɩ sɩɩʋ tɔɣɔlɛ sɩ,

⁸ɩ kɑ́ yele nɑ ɩsotom wɑɑci mǝlɩ wɑɑlɩ wɑɑlǝɣɩ cɑcɑɑsɩ nɑɑnʋwɑ. Ɩlɛnɑ tɑmpɑnɑ, ɩsotom mǝlɩ wɑɑlɩ wɑɑlǝɣɩ timpi tɔɔ pɩɩ lɩɩnɑɑ tɔɣɔ cɑcɑɑsɩ nɑɑnʋwɑ.

⁹Wɑɑtʋ wei pǝ wɩɩwɑ wulɑʋ Ɩsekiyɑsɩ nɑ pǝ tɛmɩ-ɩ nɑ ɩ́ mɑ́ kɑwǝyɑɣɑ ŋkɑ tɔɣɔlɔ:

¹⁰Mɑ hʋʋkɑɣɑ sɩ pɩɩ kɔɔlɩ-m kɛ́ nɑ toŋ. Mɑ hʋʋkɑɣɑ sɩ mɑɑ sɩ nɑ hǝlǝm nɑ nɔɣɔ. Pǝ wɛɛ sɩ mɑ́ tɛɛ. Mɑɑ tǝŋnɑ sǝm nɔnɔɔsɩ. Pǝ pɛmɑ-m mɑ pɩɩsɩ kʋkɑɑsɑsɩ.

¹¹Mɑ hʋʋkɑɣɑ sɩ mɑ kɑɑ tɑsɑ Tɑcɑɑ kɛ nɑʋ kɛ weesuɣu nyǝ́mɑ tɛtʋ tɑɑ. Mɑ kɑɑ tɑsɑ yʋlʋ nɔɣɔlʋɣʋ nɑʋ kɛ ɑntulinyɑ yǝlɑɑ tɑɑ.

¹²Pǝ lǝsɑ mɑ weesuɣu nɑ pǝ́ ponɑ pooluŋ ɩsɩɩ tiikilu cokǝle. Pǝ tɑmɑ mɑ weesuɣu tomle. Pǝ kpilɑ mɑ weesuɣu kɛ́ ɩsɩɩ pǝlʋʋlʋ sɛtʋɣʋ sɑɣɑtɑ kpoŋkpontu nɑ ɩ́ kpili-ɩ tɔ. Pɩɩ tɑɑnǝɣɩ tɔ, n tɛmɑ mɑ tɔm.

¹³Pɩɩ nyɑɑlǝɣɩ tɔ sǝm kpiisɑ-m. Tɑcɑɑ n yɔkɑ mɑ mʋwɑ kɛ́ ɩsɩɩ tɔɣɔlɑɣɑ. Pɩɩ tɑɑnǝɣɩ tɔ, Tɑcɑɑ n tɛmɑ mɑ tɔm.

¹⁴Mɑ wiikɑɣɑ kɛ́ ɩsɩɩ kɑcɑɣɑlʋfǝyɑɣɑ lɑkʋɣʋ nɑ kɑ́ cɔɔkɩ ɩsɔtɑɑ tɔ. Mɑ mɔlǝɣɩ ɩsɩɩ ɑlukuku, nɑ mɑ́ tekiɣi ɩsɔtɑɑ kɛ́ pǝtɔɔtǝlɛ. Hɑɩ, Tɑcɑɑ, pǝ nɩɩ-m kɛ́, wɑɑsɩ-m.

¹⁵Suweɣe mɑ tɑsǝɣɩ yɔɣɔtʋɣʋ tɔtɔ? Tɑcɑɑ yɔɣɔtǝnɑ-m. Nyɑ́ mɑɣɑmɑɣɑ n lɑkǝnɑ. Mɑɑ tɔnɑ tǝpɑsʋɣʋ kɛ mɑ weesuɣu tǝnɑ tɑɑ kɛ́ mɑ wɑhɑlɑ tɔɔ.

¹⁶Tɑcɑɑ, nyɑ́ kʋpɑntʋnɑɑ tɔɔ kɛ́ yʋlʋ wɛnɑ weesuɣu. Tǝ tɔɔ kɛ́ mɑ feesiɣi tɔtɔ. N kɑ́ mǝlǝnɑ-m ɩsɩɩ mɑ wule tɑɑ, n kɑ́ yele nɑ mɑ́ wɛɛnɑ weesuɣu.

¹⁷Mɑ lɑŋwɑkǝllɛ pǝsǝnɑ ntɛɣɛ hɛɛsʋɣʋ. Nyɑ́ sɔɔlǝnɑ nɑ ń lǝsɩ-m sǝm pʋ́ʋ́ɣʋ́ tɑɑ. Ɩlɛnɑ ń lɔ mɑ ɩsɑɣɑtʋ tǝnɑ nɑ wɑɑlɩ.

¹⁸Mpi tɔ, pǝ tɑɣɑ ɑtɛtǝlɛ tɑɑ nyǝ́mɑ sɑŋnɑ-ŋ. Pǝyele pǝ tɑɣɑ sǝm kɑ́ tɑlǝnɑ-ŋ. Mpɑ pɑ tiiwɑ pǝlɑɑʋ tɑɑ tɔ pɑɑ tɛɛlǝɣɩ nyɑ́ kʋpɑntʋ.

¹⁹Weesuɣu nyǝ́mɑ tike pǝsǝɣǝnɑ nɑ pɑ́ sɑ-ŋ, ɩsɩɩ mɑɣɑ sɑŋɑ ɩsǝntɔ. Cɛcɛ hʋlǝɣǝnɑ ɩ piyɑ kɛ kʋpɑntʋ.

²⁰Tɑcɑɑ yɑpɑ-m kɛ́. Tɩɩ mɑ tɑ́ cǝmǝŋ kɛ nyɑ́ tǝyɑɣɑ tɑɑ nɑ ɩ́ wii teu. Hɑlǝnɑ tɑ́ weesiŋ tǝnɑɣɑ.

²¹Ḿpʋ́ɣʋ́ Ɩsɑyii tɔmɑ sɩ: Ɩ́ nɑŋ tʋɣʋ ŋku pɑ yɑɑ sɩ fiki tɔ kʋ pee nɑ ɩ́ tɑɑ Ɩsekiyɑsɩ hiŋ tɑɑ nɑ pǝ́ wɑɑ-ɩ.

²²Ntɛnɑ Ɩsekiyɑsɩ sɩ: Yɑɑsi wei kɛ́ Tɑcɑɑ n kɑ́ hʋlǝnɑ-m sɩ, mɑɑ kpɑ nyɑ́ tǝyɑɣɑ tɑɑ?