Isaías 24

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Dakmalana, Bab-Jehová napneg-swaana imaksad, bela napneg obelonaid. Bab-Dummad e-dulamar-ononnonaid.

²Bela deyobi we-dulemala gumarmogoed: Dule-irwa-Bab-Dummadse-gormalad, degi, bela dulamar. Mai-e-dummadga-gudimalad, degi, e-maimar. Dummagan-omeganmar, degi, mai-omeganmar. Ibmar-ukedgi-arbamalad, degi, ibmar-bakedgi-arbamalad. Mani-gaar-ukmalad, degi, dulegi-mani-gamalad. Mani-ibegan, degi, dule-wileganamar. Wemala, bela deyob gumarmogoed.

³Napanega bela swaanga naguoed, bela e-ibmarmar sulegoed. Ar Bab-Jehová deyob sogsad.

⁴Napneg ibitosad, napneg bela-bela oitolesad. Dule-gala-ibegan, bela e-gangued bergusad, dule-napneggi-nuga-nikamaladi, bela yogguded.

⁵Napneggi, bela isgued neg-gagasnaid, ar ade, e-dulemar, Bab-Dummad-Igar-Maidba gwen nanassurmalad. Igar-Maidgi annasmalad. Dule bipisaale Bab-Dummad-Ebo-Degisadegu-Igar-Mesisadba gwen nanassurmalad.

⁶A-ulale, napnega ukabsales naid, ar e-dulamar-nukad deyob gusad. Agala, soo napneggi aidesad, unnila dulemar napi-ichee bukusmalad.

⁷Uva-nainumar isgus naid, vino-binid bar daklesulid. Dulemar-yeer-itogedba-namakdidamaladi, emidi, bukib-binsaedba ogormakdimalad.

⁸Damborʼmar-goledi, bergus-nanaed, gar-arpaʼmar-goledi, bergus-nanaed, dulemar-oimakedi, bela bergusad.

⁹Namakbukmalale, bar vino gobsurmalad. Dule-mummuganga inna-gagbid isguded.

¹⁰Neggwebur nue-bergus siid, olloo selenaid. Bela neg-yawagakmar, atiar-atiar bubukwad.

¹¹Galimbabali, dulemar vinoʼbina binnasuli oimakdimalad, wergulegedi bela bergusad, yeer-itolegedi bela yogguded.

¹²Neggwebur bela-bela nue-bergus sigisad, neggwebur-yawagak-dummad bela daas-daas gusad.

¹³Weyob napneggi dulemar-yar-baid-baidgi-bukmalad imaklemaloed. Igi olivo-sapi-san gwallealir, e-san obatega, binnasuli-osiamaklege, deyobi gumaloed. Uva-batisbukwayob gumaloed.

¹⁴Dulemar napi-ichee-besmaladi, weligwaledbali binnasuli oimakdemaloed. Dad-ibeler-argwanedsiki, Bab-Jehová-e-gangued-yeerdakleged weligwaledba oimakmaloed.

¹⁵Degisoggu, nebaganba Bab-Jehová-nug be odummomar. Demar-gakaba, Bab-Jehová-Israel-dulemar-e-Bab-Dummad-nug be ogannomar.

¹⁶Bela napneg-naidgine, anmar namakleged itoged. Weyob soged: “Dule-innikigwad odummolesun.” Ar andi an sogdo, an duledar-wilesye. Bela-bela an nunmak-itogedba, an burgwebied. Dule-yardakmaladi, unnila dule-yardakdimalad. Dule-yardakmaladi, emar-yardakedginbi binsadimalad.

¹⁷Dulemar-napneggi-bukmalad, gwayed-dummad be-edarbebukmalad, be-iduar neg-bulegan naid, yardakleged-igar be-idu naid.

¹⁸Dule gwayed-dummadgi unni-nosale, igar-buleganse galedapoed. Dule igar-bulegangi unni-nosbalile, amba yardakleged-igarse galedapbaloed. Ar ade, dii-dummad wioed. Dii-dummadi napneg-sailagan owawanmakoed.

¹⁹Negabandur-dummadi napneg mamaroed, napa-daas-daas-imakedse saoed, bela napa goa-goa guoed.

²⁰Dule-mummu-banamakdiiyobi, napneg naguoed. Neg-uas-baisursunna-ayaredyobi, napneg ayaridoed. Dulemar-isguedbali napneg bergudoed, napneg gannarse bar guosulid.

²¹A-ibagangine, Bab-Jehová nibagi-negsemamaid sabsur-odurdakoed, napneggi, reymar-yar-semamaid sabsur-odurdakbaloed.

²²Esgaryaba odolemaloed, agine, mellesii gumaloed. Geb sorbali, sabsur-odurdaklemaloed.

²³Bab-Jehová-Bela-Gangued-Nikadi, Sión-yalagi, Jerusalén-neggweburgi, gandikid-yeerdaklegedba yala seoed. Degiidbali, dad-ibeler sichii nadoed, nii sichii nadmogoed. E-girmar-dummagan bela Bab-Dummad-e-gangued dakmaloed.