Ɩsɑyii 39

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

¹Wɑɑtʋ kʋlʋm ɩnɩ ɩ tɑɑ kɛ́ Pɑpiloni wulɑʋ wei pɑ yɑɑ sɩ, Melotɑkɩ-Pɑlɑtɑŋ, nɑ ɩ cɑɑ sɩ Pɑlɑtɑŋ tɔ, ɩ tilinɑ Ɩsekiyɑsɩ kɛ kʋcɔɔʋ nɑ tɑkǝlɑɣɑ. Mpi tɔ, ɩ kɑ nɩɩwɑ ɩ wʋsɑsɩ nɑ ɩ ɑlɑɑfǝyɑ hikuɣu tɔm kɛ́.

²Ḿpʋ́ɣʋ́ Ɩsekiyɑsɩ lɑŋlɛ hʋlʋmɑ sɔsɔm. Ɩlɛnɑ ɩ́ hʋ́lɩ́ Pɑpiloni tillɑɑ mpɛɣɛ ɩ wɛnɑʋ tete. Pɑɑ liɣitee, pɑɑ wʋlɑ, nɑ tulɑɑlʋnɑɑ nɑ nim sɔɔsʋŋ nyǝm. Ɩ hʋlɑ-wɛ tɔtɔɣɔ ɩ yoou wontu tǝnɑ. Nɑ pǝ tǝnɑ mpi pɩɩ wɛ ɩ wɛnɑʋ tǝsɩɩlɛ tɔ. Ɩsekiyɑsɩ tɑ́ ŋmɛsɩ-wɛɣɛ pʋlʋpʋɣʋ ɩ kɑwulɑɣɑ tǝyɑɣɑ tɑɑ.

³Mpʋɣʋlɛ Ɩsɔ kʋyɔɣɔtʋtʋ tɛlǝsʋlʋ Ɩsɑyii polɑ wulɑʋ Ɩsekiyɑsɩ kiŋ kɛ pǝ wɑɑlɩ. Ɩlɛnɑ ɩ́ pɔɔsɩ-ɩ sɩ: Suweɣe yǝlɑɑ mpɛ pɑ heelɑ-ŋ? Leɣe pɑ tɩɩ lɩɩnɑɑ? Ntɛnɑ Ɩsekiyɑsɩ sɩ: Hɑtoo Pɑpiloni tɛtʋ kɛ pɑ lɩɩnɑɑ.

⁴Ɩlɛnɑ Ɩsɑyii tɑsɑ-ɩ pɔɔsʋɣʋ sɩ: Pepeɣe pɑ nɑwɑ nyɑ́ kɑwulɑɣɑ tǝyɑɣɑ tɑɑ? Ɩsekiyɑsɩ sɩ: Mɑ kɑwulɑɣɑ tǝyɑɣɑ tɑɑ nyǝm tǝnɑɣɑ pɑ nɑwɑ. Mɑ tɑ ŋmɛsɩ-wɛɣɛ mɑ kpɑncoou nɑkʋlɩ.

⁵Ntɛnɑ Ɩsɑyii tɔ Ɩsekiyɑsɩ sɩ: Nɩɩ Pǝ tǝnɑ pǝ tʋ Tɑcɑɑ kʋyɔɣɔtʋtʋ.

⁶Nyǝnɩ kʋyɛɛŋ kɔŋ wei ɩ tɑɑ Pɑpiloni nyǝ́mɑ kɑ́ kuu pǝ tǝnɑ mpi nyɑ́ cɑɑnɑɑ kɑɑwɑ nɑ pǝ́ wɛ nyɑ́ kɑwulɑɣɑ tǝyɑɣɑ tɑɑ ɩsǝntɔ tɔ nɑ pɑ́ kpeenɑ. Pǝ kɑɑ kɑɑsɩ pʋlʋ. Tɑcɑɑ yɔɣɔtǝnɑ mpʋ.

⁷Pɑɑ kpɑɣɑ nyɑ́ pǝyɑlɑɑ kʋlʋlɑɑ. Pɑɑ pǝsɩ-wɛɣɛ kɑtɑɑsɩ. Pɑɑ sɩɩ-wɛɣɛ Pɑpiloni kɑwulɑɣɑ tɑɑ.

⁸Mpʋɣʋlɛ Ɩsekiyɑsɩ cɔwɑ Ɩsɑyii sɩ: Tɑcɑɑ tɔm ntɩ tǝ wɛ teu kɛ́. Mpi tɔ, ɩ mɑɣɑsɑɣɑ ɩ tɑɑ kɛ sɩ: Mɑ nɑ mɑ yǝlɑɑ tɩɩ cɑɣɑnɑ hɛɛsʋɣʋ kɛ mɑ pɔɔlɛ tɑɑ.