Ɩsɑyii 42

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

¹Ḿpʋ́ɣʋ́ Tɑcɑɑ tɑsɑɑ sɩ: Mɑ tǝmlɛ tʋ ntɔ, mɑ pɑɑsǝnɑ-ŋ kɛ́. Nyɑɣɑ mɑ lǝsɑɑ nɑ mɑ lǝsɑɣɑ sʋʋwɑ. Mɑ feesuɣu wɛ nyɑ́ tɔɔ kɛ́. Nyɑɑ kpɑɑlǝnɑ piitimnɑɑ kɛ siɣisuɣu tɔm.

²Nyɑ́ nɔɣɔ kɑɑ kʋlɩ, yɑɑ ń mɑ́ kɑpukɑ. N kɑɑ yɔɣɔtɩ nɑtǝlǝɣɩ pɑtǝmɑ tɑɑ.

³N kɑɑ tɛɛsɩ pʋɣʋtʋɣʋ kɛ sǝsǝncɑŋɑ kʋpɛlɑɣɑ. Pǝyele n kɑɑ teesi kɔkɔ ŋkɑ kɑ fiɣinɑɑ tɔ. N kɑ́ tǝŋ tɑmpɑnɑ kɛ́ nɑ ń yɔɣɔtɩ siɣisuɣu tɔm.

⁴Ye n tɑ tɛ siɣisuɣu sɩɩʋ kɛ tɛtʋ tɔɔ n kɑɑ yele. N kɑ́ lɑ ḿpʋ́ɣʋ́ hɑlǝnɑ tɛtʋ nti lʋm cɔɔnɑɑ tɔ, nɑ teŋkunɑɑ nɔɔsɩ ɑcɑlɛɛ nyɩɩlǝɣɩ nyɑ́ kiiŋ.

⁵Ḿpʋ́ɣʋ́ Ɩsɔ Tɑcɑɑ wei ɩ lɑpɑ ɩsɔtɔnʋɣʋ nɑ ɩ́ pɔ, nɑ ɩ́ lɑ tɛtʋ nɑ tǝ tɑɑ kʋlʋlʋm tǝnɑ, nɑ ɩ́ hɑ tǝ tɑɑ nyǝm tǝnɑɣɑ weesiŋ nɑ pǝ́ feesiɣi tɔ, ɩ heelɑ yʋlʋ wei ɩ lǝsɑɑ tɔ sɩ:

⁶Tɑcɑɑ mɑ́ mɑ́ lǝsǝnɑ-ŋ sɩ ń tǝŋ siɣisuɣu. Mɑ tɔkǝɣɩ nyɑ́ niŋ tɑɑ nɑ mɑ pɑɑsǝnɑ-ŋ, nɑ mɑ nɑ-ŋ nɑ yǝlɑɑ tǝ́ pɛɛlɩ nɔɣɔ. Nɑ ń pǝsɩ piitimnɑɑ fǝtǝlɑ.

⁷N kɑ́ kuli piitimnɑɑ ɩsɛ, nɑ ń tʋlɩ sɑlǝkɑ nyǝ́mɑ. Nɑ ń lǝsɩ sǝkpɛtʋɣʋ tɛɛ nyǝ́mɑ kɛ tǝŋmɛllɛ tɑɑ.

⁸Mɑ kɛ́ Tɑcɑɑ kɛ́, hɑlɩ mɑ hǝtɛ ntɛ́. Mɑ kɑɑ cɛlɑ nɔɣɔlʋɣʋ mɑ teeli. Mɑ kɑɑ cɛlɑ mɑ nyʋɣʋ kʋlʋɣʋ kɛ tɩɩŋ kʋlɑlɑɑŋ.

⁹Kɑncɑɑlɑɣɑ nyǝntʋ tɛmɑ yoosuɣu. Mɑ kpɑɑlǝɣɩ-mɛɣɛ kʋfɑtʋ tɔm nɑ pǝ́cɔ́ tǝ́ kɔɔ.

¹⁰Ɩ yoo Tɑcɑɑ kɛ yontu kʋfɑtʋ. Ɩ yoo ɩ sɑmtʋ yontu kɛ tɛtʋ tǝnɑsɩ tɔɔ. Teŋku tɔɔ cɔɔlɑɑ, nɑ ɩ tɑɑ nyǝm tǝnɑ. Tɛtʋnɑɑ mpɑ lʋm cɔɔnɑɑ tɔ tǝ yǝlɑɑ nɑ lʋm nɔɔsɩ ɑcɑlɛɛ nyǝ́mɑ.

¹¹Wʋlɑɣɑ tɛtʋ nɑ tǝ ɑcɑlɛɛ sɔsɔɔnɑ yǝlɑɑ, Ketɑɑ ɑcɑlisi nyǝ́mɑ ɩ́ kʋsɩ mǝ nɔɔsɩ. Mpɑ mɛ ɩ́ wɛ pɔɔŋ nyɔɔŋ tɑɑ tɔ, ɩ́ wilitinɑ lɑŋhʋlʋmlɛ.

¹²Ɩ́ tʋ Tɑcɑɑ kɛ teeli. Ɩ́ kpɑɑlɩ ɩ sɑmtʋ kɛ tɛtʋ nti lʋm cɔɔnɑɑ tɔ tǝ tɑɑ.

¹³Tɑcɑɑ n lɩɩwɑɣɑ ɩsɩɩ ɑkɑ. N tɑɣɑnǝɣɩ nyɑ́ tɩ ɩsɩɩ yoolu. Tɑcɑɑ yɑɣɑ ɑpɑlʋkɑkiisɑɣɑ tǝwɑpɑpɑ. N hʋ́lǝ́ɣɩ́ nyɑ́ kolontunɑɑ kɛ nyɑ́ toŋ.

¹⁴Ḿpʋ́ɣʋ́ Tɑcɑɑ yɔɣɔtɑɑ sɩ: Hɑtoo tɔ, mɑ tɔkɑ mɑ tǝɣɩ nɑ mɑ́ sumɑ. Amɑ pǝnɛntɛ mɑɑ mɑ kɑpukɑ kɛ́, ɩsɩɩ ɑhonto wei ɩ lʋlǝɣɩ tɔ. Mɑ mɔlǝɣɩ kɛ́, nɑ mɑ tisiɣi feesiŋ.

¹⁵Mɑɑ kpiisi pɔɔŋ nɑ pulɑsɩ. Mɑɑ yele nɑ pǝ tɩɩŋ tǝnɑ wʋlɩ. Mɑɑ lɑɣɑsɩ pusi sɔsɔɔnsɩ. Mɑɑ lɑ nɑ pusi sɔsɔɔnsɩ pǝsɩ tɛtʋ nti lʋm cɔɔnɑɑ tɔ. Mɑɑ lɑ nɑ lɩɩnɑ nyɔɔ.

¹⁶Ɩlɛnɑ mɑ́ yele nɑ yʋlʋmɑɑ tɔ mpɑɑʋ ŋku pɑ tɑɑ nyɩ tɔ. Nɑ mɑ́ tǝŋnɑ-wɛɣɛ mpɑɩsi nsi pɑ tɑɑ cɛkǝnɑ tɔ. Mɑɑ pǝsɩ sǝkpɛtʋɣʋ kɛ nyɑɑlǝm, nɑ timpi tɔntɛ wɛ kɑtɛ tɔ pǝ́ hǝntɩ. Mpi mɑɑ lɑ tɔɣɔlɛ, mɑ kɑɑ lɔ-wɛ.

¹⁷Amɑ mpɑ pɑ hɑ pɑ tǝɣɩ tɩɩŋ nɑ pɑ́ heeliɣi lɛɛsǝŋ kʋsɑɑkǝŋ nɑ kʋlupǝŋ sɩ: Mɛɣɛlɛ tɑ́ ɩsɔnɑɑ tɔ. Pɑɑ tuli tɑpǝŋ nɑ fɛɛlɛ.

¹⁸Ḿpʋ́ɣʋ́ Tɑcɑɑ tɔmɑ sɩ: Ntɑmɑɑ ɩ́ nɩɩ. Yʋlʋmɑɑ mɛ, ɩ́ nyǝnɩ nɑ ɩ́ nɑ́.

¹⁹Aweɣelɛ yʋlʋm? Ye pǝ tɑɣɑ mɑ tǝmlɛ tʋ. Aweɣelɛ ntɑm? Ye pǝ tɑɣɑ mɑ tillu wei mɑ tilɑɑ tɔ. Aweɣelɛ yʋlʋm ɩsɩɩ wei ɩ hikɑ hɛɛsʋɣʋ tɔ? Aweɣelɛ ntɑm ɩsɩɩ mɑ tǝmlɛ tʋ?

²⁰N nɑwɑ yɑɑsinɑɑ pɑɣɑlɛ. Amɑ n tɑ lɑ lɑɑkɑlɩ. Pǝyele n kemɑ ŋkpɑŋŋ kɛ teu. Amɑ n tɑ nɩɩ.

²¹Tɑcɑɑ nyɑ́ siɣisuɣu tɔɔ kɛ́ n cɑɑwɑ sɩ, n lɑkɩ kʋsǝsɩɩtʋ kɛ sɔsɔɔntʋ nɑ kʋpɑmpɑntʋ.

²²Pɑɑ nɑ mpʋ, pǝ kpiisɑ yǝlɑɑ mpɛ, pǝ kuu pɑ wontu. Pǝ kpɑ-wɛɣɛ ɩsɩɩ kɑtɔkɑ kɛ kʋkpɑmǝŋ pɔɔŋ tɑɑ. Pɑ kpɑ-wɛɣɛ sɑlǝkɑ kɛ pɑ tǝŋmɛllɛnɑɑ. Pɑ kuuki pɑ wontu nɔɣɔlʋ tɑ wɑɑsɩ-wɛ. Pɑ lɛɛkɑ-wɛɣɛ pɑ nyǝm. Pǝ́cɔ́ nɔɣɔlʋ fɛɩ sɩ ɩ́ tɔ sɩ pɑ́ fɛlɩ-wɛ.

²³Mǝ tɑɑ ɑwe kɑ́ kenɑ ŋkpɑŋʋɣʋ nɑ tɔmnɑɑ mpɛ? Awe kɑ́ sǝŋ tǝkpi sɩ ɩ kɑ́ tɑsɑ-tǝɣɩ nɩɩʋ?

²⁴Awe tʋ Yɑkɔpʋ kpiisilɑɑ, nɑ Ɩsɛɣɛlɩ kɛ wontu kuulɑɑ? Pǝ tɑɣɑ Tɑcɑɑ wei tǝ pǝntǝnɑɑ tɔ? Pɑ tɑ sɔɔlɩ sɩ pɑ́ tǝŋ ɩ mpɑɑŋ tɑɑ. Pǝyele pɑ tɑ nɩɩ ɩ kʋsǝsɩɩtʋ.

²⁵Pǝ tɔɔ kɛ́ ɩ tɑɑ huunɑ Ɩsɛɣɛlɩ kɛ kɑtɑtǝlɑɣɑ. Ɩlɛnɑ yoou tii ɩ tɔɔ nɑ toŋ kɛ pɑɑ pǝnɔɣɔ ŋkɑ. Ɩsɛɣɛlɩ tɑ pɛɛkɩ sɩ ɩ́ cɛkǝnɑ pʋlʋ. Ɩ tɑ yɑɑ tɔm ntǝɣɩ pʋlʋɣʋ ɩ tɑɑ. Ɩlɛnɑ yoou nɑ́ɑ́ kʋ-ɩ.