Ɩsɑyii 33

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

¹Ḿpʋ́ɣʋ́ Tɑcɑɑ tɑsɑɑ sɩ: Nyɑ́ wei n wɑkǝlǝɣɩ lɛlɑɑ nɑ pɑ tɑ wɑkǝlɩ-ŋ tɔ, nyɑ́ tɔm wɛ wɑɩyo kɛ́. N lɩɩkɩ lɛlɑɑ wɑɑlɩ, nɑ pɑ́ tɑ lɩɩtɑ nyɑ́ wɑɑlɩ. N tɛŋ lɛlɑɑ kɛ wɑkǝlʋɣʋ ɩlɛnɑ pǝ́ wɑkǝlɩ nyɑ́. N tɛŋ lɛlɑɑ wɑɑlɩ lɩɩʋ, ɩlɛnɑ pɑ́ lɩɩ nyɑ́ wɑɑlɩ.

²Tɑcɑɑ nyǝnɩ tɑ́ pǝtɔɔtǝlɛ. Nyɑɣɑ tǝ tɛɛlǝɣɩ. Wɛɛ tɑ́ toŋ kɛ pɑɑ tɑnɑŋ ŋku. Wɛɛ tɑ́ nyʋɣʋ yɑ́tʋ́ kɛ lɑŋwɑkǝllɛ wɑɑtʋ.

³Ye yǝlɑɑ nɩɩwɑ nyɑ́ tɑŋ pɑ seeki kɛ́. Ń kʋlɑɑ ɩlɛ piitimnɑɑ yɑ.

⁴Pɑ kuuki mǝ wontu kɛ́ ɩsɩɩ kʋtoloŋ nɑ kʋtɔɣɔʋ. Pɑ huliɣi-tǝɣɩ ɩsɩɩ kʋtoloŋ sɛsɛkʋ.

⁵Tɑcɑɑ kɛ́ sɔsɔ kɛ́. Mpi tɔ, ɩsɔtɑɑ kɛ́ ɩ tǝcɑɣɑlɛ wɛɛ. Ɩ́ suulɑ Siyɔŋ kɛ kʋsiɣisim nɑ tɑmpɑnɑ tǝŋʋɣʋ.

⁶Ɩ yǝlɑɑ kɑ́ cɑɣɑnɑ nɑɑni kɛ́ pɑ kʋyɛɛŋ tǝnɑɣɑ. Lǝmɑɣɑsɛɛ nɑ lɑɣɑtʋ kɛnɑ wɛnɑʋ mpi pǝ yɑkɩ nyʋɣʋ tɔ. Tɑcɑɑ nyɑmnɑʋ ntɛ́ Siyɔŋ kpɑncoou.

⁷Akɑnɑɑ mɑkǝnɑ ntɛɣɛ kɑpusi kɛ ɑwɑlɩ. Hɛɛsʋɣʋ tɔm kɔntɑɑ nɑ́ wiiki ɩsɩɩ pɑ sǝkɩ pɑ sǝkɩ.

⁸Hɑpɛɛ wɛ kpɛtɛ, nɔɣɔlʋ ɩɩ tǝŋǝɣɩ. Nmɑkǝllʋ yɔkɑ nɔɣɔ pɛɛlʋɣʋ. Ɩ lɔwɑ ɑcɑlɛɛ. Ɩɩ tʋɣʋnɑ nɔɣɔlʋ.

⁹Tɛtʋ wɛ lǝyɑɣɑ tɑɑ, tǝ wɑkǝlǝɣɩ. Pǝ liɣitɑ Lipɑŋ tɛtʋ, tǝ nyǝ́mɑ nǝɣǝsǝɣɩ. Sɑlɔŋ tɛtɛkǝlɛ nǝɣǝsǝnɑ wʋlɑɣɑ tɛtʋ. Pɑsɑŋ nɑ Kɑmɛɛlɩ pǝ pɔ́ɔ́ŋ tɩɩŋ nɑ́ tɔɔkɩ.

¹⁰Ḿpʋ́ɣʋ́ Tɑcɑɑ tɔmɑ sɩ: Nɔɔnɔɔ mɑɑ kʋlɩ mɑ nɑɑsɩ tɑɑ. Nɔɔnɔɔ mɑɑ kʋlɩ. Nɔɔnɔɔ mɑɑ hʋlɩ mɑ sɔsɔɔntʋ.

¹¹Kiisi kɛ ɩ́ hɑɣɑɑ, ɩlɛ ɩ́ kɑ́ lʋlɩ nyɩɩtʋ. Mǝ feesiŋ ntɛ́ kɔkɔ, ŋkɛ kɑɑ nyɑɣɑnɑ-mɛ.

¹²Kɔkɔ kɑ́ nyɑɣɑnɑ piitimnɑɑ nɑ pǝ́ yele tɔlʋmɑ. Ɩsɩɩ kɑ nyɑkʋɣʋ sɔwɑ nnɑ pɑ sɛtɑɑ tɔ.

¹³Pooluŋ nyǝ́mɑ mɛ, ɩ́ nɩɩ mpi mɑ lɑpɑ tɔ pǝ tɔm, nɑ pǝcɔlɔ nyǝ́mɑ mɛ, mɩ́ɩ́ nyɩ mɑ toŋ tɔm.

¹⁴Sɔɣɔntʋ kpɑwɑ Siyɔŋ tɑɑ kɑwɑlɑɣɑ nyǝ́mɑ. Mpɑ pɑɑ tʋɣʋnɑ Ɩsɔ tɔ pɑ seliɣi. Pɑ mɑkɩ kɑpusi sɩ: Tɑ tɑɑ ɑwe kɑ́ cɑɣɑnɑ kɔkɔ kʋniisɑɣɑ kɑnɛ kɑ kiŋ? Awe pǝsǝɣɩ nɑ ɩ cɑɣɑ mɑmɑlɑ tɑm tɔɔ nyǝnɑ ɑnɛ ɑ kiŋ?

¹⁵Wei ɩ tɔŋ kʋsiɣisim tɑɑ, nɑ ɩ́ yɔɣɔtǝɣɩ tɑmpɑnɑ tǝŋʋɣʋ tɔm tɔ. Wei ɩ kisiɣi kɑsǝyɑɣɑ ŋkɑ pɑ hikiɣinɑ mʋsʋŋ tɔ, nɑ ɩ́ kisiɣi ɑsilimɑ kʋcɔɔʋ tɔ. Wei ɩ kisiɣi ɩsɑɣɑtʋ tɔm nɩɩʋ tɔ, nɑ ɩ́ wiisiɣi ɩsɛ sɩ ɩ́ tɑɑ nɑ kɑwɑlɑɣɑ tɔ.

¹⁶Yʋlʋ ɩnɩ ɩ tǝcɑɣɑlɛ ntɛ́ tontoŋle tɔɔ. Ɩ tǝcɔɔsǝlɛ ntɛ́ kʋkpɑmǝŋ sɔsɔɔŋ tɛɛ. Ɩ kɑ́ wɛɛnɑ tɔɣɔnɑɣɑ kɛ tɑm kɛ́. Pǝyele ɩ kɑɑ lɑŋ lʋm.

¹⁷Yosɑlɛm nyɑ́ ɩsɛ kɑ́ nɑ́ wulɑʋ kɛ ɩ teeli tǝnɑ tɑɑ. N kɑ́ nɑ tɛtʋ nɑ tǝ tɔɔmǝŋ tǝnɑ.

¹⁸N kɑ́ tɔɔsɩ nyɑ́ sɔɣɔntʋ tɔɔ. Hɑlǝnɑ ń pɔɔsɩ nyɑ́ tɩ sɩ: Tɑkǝlɑsɩ ŋmɑɑlʋ nɑ liɣitee mʋlʋ nɑ tǝtɑŋlɛ kutuluɣu feŋlu pɑ wɛ le?

¹⁹N kɑɑ tɑsɑ kɑlɑmpɑɑnɩ yǝlɑɑ mpɛɣɛ nɑʋ. Nɔɣɔlʋ ɩɩ nɩɩkɩ pɑ tɔm, tǝ wɛ sǝkpɛtʋɣʋ. Pɑ kɛ́ kpɑɩ nyǝ́mɑ kɛ́ nɔɣɔlʋ ɩɩ nɩɩkɩ pɑ tɔm.

²⁰Amɑ n kɑ́ nyǝnɩ Siyɔŋ, tɑ ɑcimɑ ɩcɑtɛ sɔsɔɔlɛ. Nyɑ́ ɩsɛ kɑ́ nɑ́ Yosɑlɛm lonte nte tǝ wɛ tǝpɑmm tɔ. Cokǝle nte pǝ kɑɑ tɑsɑ lonte lɑɣɑsʋɣʋ tɔ. Pɑ kɑɑ kpɛsɩ tǝ kɑŋkɑnɑsɩ kɛ pɑɑ pǝlee. Pǝ́cɔ́ tǝ ŋmɩɩsɩ tɑɑ nɑkǝlɩ kɑɑ hɛtɩ.

²¹Tǝnɑɣɑ Tɑcɑɑ kɑ hʋlɩ-tʋ sɩ ɩ kɛ́ kʋpɑŋ. Pɩɩ wɛɛ pusi sɔsɔɔnsɩ hɔɣɔlʋɣʋ tɑɑ kɛ́. Timpi lɔɔŋ sɔsɔɔŋ wɛɛ tɔ. Amɑ yoou kpɩɩlʋɣʋ sɔsɔɔʋ nɑkʋlɩ kʋ kɑɑ tǝŋnɑ tǝnɑ. Kpɩɩlʋɣʋ kʋpɑŋkʋ kɑɑ tǝŋnɑ tǝnɑ.

²²Tɑcɑɑ nyɑɣɑlɛ tɑ́ hʋʋnlʋ, nyɑ́ tʋɣʋnɑ-tʋɣʋ kiiŋ. Nyɑɣɑlɛ tɑ́ wulɑʋ nyɑ́ yɑkǝnɑ-tʋ.

²³Nyɑ́ ŋmɩɩsɩ cɛpɑ, sɩɩ tɔkǝɣɩ kpɩɩlʋɣʋ tesikɑ sɩ kʋ pɔɔŋ ɩ́ hɛtɩ. Wɑɑtʋ ɩnǝɣɩ pɑɑ kuu wontu nɑ pǝ kpɛŋnɑ mpɑ pɑ tɔŋ tɑlɑ tɔ. Pɑɑ tɑlɑ wontu kʋkukuutu ntɩ nɑ pɑɑ wei ɩ hiki ɩ pɑɑ tete.

²⁴Yosɑlɛm ɩcɑtɛ tʋ nɔɣɔlʋ kɑɑ tɔ sɩ: Pǝ wɩɩkɩ-m. Yǝlɑɑ mpɑ pɑ wɛ Yosɑlɛm tɑɑ tɔ pɑɑ cɛ-wɛɣɛ pɑ ɩsɑɣɑtʋ.