Ɩsɑyii 35

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

¹Wʋlɑɣɑ tɛtʋ lɑŋlɛ ɩ́ hʋlʋmɩ. Kpɑŋkpɑntɛ tɛtʋ ɩ́ yɔɔlɩ. Tɛtʋ nti lʋm tɑ tɑlɑ tɔ tǝ ŋmɑɑlɩ.

²Tǝ tʋ hɛtʋ. Yɑɑyenɑɑ ɩ́ tɔɔlɩ tɛtʋ tɑɑ. Tǝ wiliti lɑŋhʋlʋmlɛ kɑwilitɑsɩ. Pɩɩ mǝlǝnɑ Lipɑŋ tɛtʋ kɛ tǝ teeli. Kɑmɛɛlɩ pʋɣʋ nɑ Sɑlɔŋ tɛtɛkǝlɛ kɑ́ tɑɣɑnɩ sɔsɔɔntʋ kɛ hikuɣu. Pɑɑ nɑ Tɑcɑɑ Ɩsɔ teeli nɑ ɩ sɔsɔɔntʋ.

³Ɩ́ lɑ nɑ mǝ niŋ kʋseliŋ kii. Ɩ́ lɑ nɑ mǝ nɔɔhɛɛ ɑcɑmɑɑ nyɔɔ toŋ.

⁴Mpɑ sɔɣɔntʋ kpɑwɑ tɔ, ɩ́ heeli-wɛ sɩ: Ɩ́ kɑɑsɩ mǝ tɩ. Ɩ́ tɑɑ nyɑ́. Mǝ Ɩsɔ kɔŋ mǝ kolontunɑɑ fɛlʋɣʋ nɑ mǝ nɔɣɔ. Ɩ mɑɣɑmɑɣɑ ɩ kɑ́ kɔnnɑ nɑ ɩ́ wɑɑsɩ-mɛ.

⁵Wɑɑtʋ ɩnǝɣɩ yʋlʋmɑɑ ɩsɛ kɑ́ kuli. Ntɑmɑɑ ŋkpɑŋŋ kɑ́ tʋlɩ.

⁶Kɑɑkɑlɑɣɑ kɑ́ ŋmɑɑ ɩsɩɩ nɑm. Kɑmumukɑ nsǝmlɛ kɑ́ hɛtǝnɑ lɑŋhʋlʋmlɛ. Mpi tɔ, lʋm kɑ́ kpe wʋlɑɣɑ tɛtʋ tɑɑ, Pɩɩ hɛɛ lɔɔŋ kɛ tɛtʋ nti lʋm tɑ tɑlɑ tɔ tǝ tɑɑ.

⁷Timpi yǝlɑɑ loosɑɣɑ nɑ pǝ nǝɣǝsǝnɑ ɩsɩɩ lʋm tɔ pɩɩ pǝsɩ lɩɩnɑ. Lʋm sɛɛlɑɑ kɑ́ tʋlɩ lʋkɔtʋ tɛtʋ tɑɑ. Sǝsǝncɑɑsɩ nɑ mʋlʋɣʋ kɑ nyɑlɑ timpi tɑɑlɛ hɑsɩ cɑkɑɣɑ tɔ.

⁸Tǝnɑɣɑ pɑɑ hɛɛ mpɑɑʋ. Mpɑɑʋ ŋku pɑ yɑɑkɩ nɑŋŋ nyǝŋkʋ tɔ. Kʋpɑmɑ tike kɑ́ tǝŋnɑ-kʋ, ɑsilimɑ tʋ nɔɣɔlʋ kɑɑ siti. Lǝmɑɣɑsɛɛ fɛɩ nyǝ́mɑ kɑ́ tǝŋ-kʋ pɑ kɑɑ le.

⁹Tɔɣɔlɑɣɑ kɑɑ wɛɛ mpɑɑʋ ŋkʋ kʋ tɑɑ. Tɑɑlɛ wontuɣu ɩsɑɣɑʋ nɑkʋlɩ kʋ kɑɑ tǝŋ-kʋ. Pɑ kɑɑ sulinɑ tɑɑlɛ wontuɣu ɩsɑɣɑʋ nɑkʋlǝɣɩ mpɑɑʋ ŋkʋ kʋ tɑɑ. Mpɑ pɑ nyɔɔŋ Tɑcɑɑ yɑpɑ yomle tɑɑ tɔ, mpɛ pɑɑ tǝŋnɑ kʋ tɑɑ.

¹⁰Mpɑ Tɑcɑɑ hɛtɑɑ tɔ mpɛ pɑɑ mǝlǝnɑ. Pɑɑ tɑlɑ Siyɔŋ nɑ ɑkɑɩtʋ yontu. Pɑ lɑŋɑ kɑ́ hʋlʋmɩ tɑm tɔɔ. Ayɔɔlɑ nɑ lɑŋhʋlʋmlɛ kɑ́ kɔɔ. Wʋsɑsɩ nɑ wulɑ kɑ́ polo pooluŋ.