Ɩsɑyii 32

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

¹Wulɑʋ nɔɣɔlʋ kɑ́ tǝŋǝɣɩ siɣisuɣu kɛ ɩ kɑwulɑɣɑ tɔɣɔʋ tɑɑ, nɑ ɑwulumpiyɑ nɑ́ɑ́ tǝŋǝɣɩ tɑmpɑnɑ kɛ pɑ tɛtʋ tɔkʋɣʋ tɑɑ.

²Pɑɑ wei ɩ kɑ wɛɛ kɛ́ ɩsɩɩ tǝcɔɔsǝlɛ kɛ heelim nɑ kpʋlʋɣʋ tǝtʋlɛ kɛ tɛʋ heelim sɔsɔɔm wɑɑtʋ. Yɑɑ ɩsɩɩ lʋm kpeŋuɣu tɔɣɔ wʋlɑɣɑ tɛtʋ tɑɑ. Yɑɑ ɩsɩɩ kʋkpɑmʋɣʋ sɔsɔɔʋ ɩsotom kɛ ilim tɛtʋ tɑɑ.

³Ɩlɛ nɑlɑɑ kɑɑ tɑsɑ yʋlʋmʋɣʋ. Pǝyele nɩɩlɑɑ kɑ́ ke ŋkpɑŋŋ.

⁴Yǝlɑɑ nyɔɔŋ fɛɩnɑɑ, kɑ́ wɛɛnɑ nyɔɔŋ nɑ pɑ́ sʋʋ kpɛlǝmʋɣʋ. Ɩlɛnɑ mɑtǝlɑɑ nsǝmɑ hɛtɩ, nɑ pɑ nsǝmɑ lɛɛsɩ nɑ pɑ́ wɛɛnɑ nɔɔleleŋ.

⁵Pɑ kɑɑ tɑsɑ kpɑŋtʋ kɛ yɑɑʋ sɩ kɑsɑɣɑmpu. Yɑɑ ɑcilɑɣɑtʋ tʋ sɩ sɔsɔ.

⁶Pǝ tɑɣɑ pʋlʋ, kpɑŋʋɣʋ tɔm kɛ kpɑŋtʋ yɔɣɔtǝɣɩ. Kpɑŋtʋ tʋɣɩ ɩ lotu tɑɑ kɛ́ ɩsɑɣɑtʋ lɑpʋ tɔm. Ɩ lɑkɩ ɑsilimɑ nɑ ɩ́ yɔɣɔtǝɣɩ kɑloolɑɣɑ tɔm kɛ Tɑcɑɑ tɔɔ. Ɩ yeki nyɔɣɔtʋ nɑ ɩ nyɔɣɔsɩ. Ɩ pɛŋ kʋnyɔnyɔɔm kɛ wei ɩ sǝkɩ lʋkɔtʋ tɔ.

⁷Acilɑɣɑtʋ tʋ kʋyɔɣɔtʋtʋ kʋɣɩ kɛ́. Ɩ mɑɣɑsǝɣɩ ɩ tɑɑ kɛ́ tɑsǝkǝlɛ tɔm, nɑ ɩ́ tʋsǝɣɩ wɑhɑlɑ tʋ nɑ kɑloolɑɣɑ. Pɑɑ wɑɑtʋ wei kʋnyɔntʋ wɛnɑ ɩ tɑmpɑnɑ tɔ.

⁸Amɑ kɑsɑɣɑmpu nɑ́ lɑkɩ mpi pǝ tewɑ tɔɣɔ, nɑ ɩ́ sɛɛsǝɣɩ ɩsǝlɛ kɛ pǝ tɑɑ.

⁹Alɑɑ mpɑ mɛ ɩ́ kǝlɑ pɑmm tɔ, ɩ́ kʋlɩ nɑ ɩ́ nɩɩ mɑ nɔɣɔ. Pɛɛlɑɑ mpɑ mɛ mɩɩ nǝɣǝsǝɣɩ pʋlʋ tɔ, ɩ́ ke ŋkpɑŋʋɣʋ nɑ ɩ́ nɩɩ mɑ tɔm.

¹⁰Pǝ kɑɑsɑ pǝnɑɣɑ nɑ kʋyɛɛŋ kɛ pǝcɔ. Alɑɑ mpɑ mɛ mǝ pɑɑ fɛɩ tɔ, ɩ́ kɑ sele. Mpi tɔ, lɛsɛŋ kooluɣu kɑɑ lɑ, pǝyele kʋmtʋ kɑɑ wɛɛ.

¹¹Mpɑ mɛ mǝ kǝlɑ pɑmm tɔ, sɔɣɔntʋ ɩ́ kpɑ-mɛ. Mpɑ mɛ mɩɩ nǝɣǝsǝɣɩ pʋlʋ tɔ ɩ́ sele. Ɩ́ wɔɣɔsɩ mǝ wontu nɑ pǝ́ yele-mɛɣɛ kpɛtɛ. Ɩ suu lǝyɑɣɑ wontu.

¹²Ɩ́ kpɑ mǝ lɑŋɑ nɑ ɩ wii mǝ tɑwɑ, nnɑ ɑ kɑ wɛ teu tɔ ɑ tɔɔ. Ɩ wii mǝ lɛsɛŋnɑɑ mpɑ pɑ lʋlɑɣɑ tɔ pɑ tɔɔ.

¹³Amɑ pǝnɛntɛ sɔwɑ nɑ kɔlɔŋ pǝ nyɔɔkɩ mɑ yǝlɑɑ tɛtʋ tɑɑ kɛ́. Nɑ pǝ kpɛŋnɑ mǝ ɩcɑtɛ nte tǝ sɔɔlɑ ɑliɣilɑ tɔ tǝ lɑŋhʋlʋmlɛ tɛɛsɩ tɑɑ.

¹⁴Ɩ́ lɔwɑ kɑwulɑɣɑ tǝyɑɣɑ. Ɩ́ yelɑ lɑŋhʋlʋmlɛ ɩcɑtɛ. Pulɑɣɑ nɑ tǝtɑŋlɛ kutuluɣu kɑ́ pǝsɩ tɑɑlɛ kpɑŋɑsɩ nɑ kɑlǝkǝŋ tǝtɔɣɔlɛ.

¹⁵Kʋyɑkʋ nɑkʋlɩ Feesuɣu kɑ́ lɩɩnɑ ɩsɔtɑɑ nɑ kʋ tii tɑ́ tɔɔ. Wʋlɑɣɑ tɛtʋ kɑ́ pǝsɩ tɩɩŋ tɑɑlɛ, nɑ tɩɩŋ tɑɑlɛ nɑ́ɑ́ pǝsɩ hɔtʋɣʋ.

¹⁶Ɩlɛnɑ tɑmpɑnɑ tǝŋʋɣʋ wɛɛ wʋlɑɣɑ tɛtʋ tɑɑ, nɑ siɣisuɣu tǝŋʋɣʋ kɛ tɩɩŋ tɑɑlɛ tɑɑ.

¹⁷Siɣisuɣu tǝmlɛ ntɛ́ hɛɛsʋɣʋ. Hɛɛsʋɣʋ kʋlʋlʋm ntɛ́ yʋlʋ ɩɩ nyɑŋnɑ pʋlʋ, nɑ nɑɑni kɛ tɑm tɔɔ.

¹⁸Mɑ yǝlɑɑ kɑ cɑɣɑ hɛɛsʋɣʋ lonte tɑɑ. Ɩ́ kɑ́ cɑɣɑ tǝcɑɣɑlɛ nɑɑni nyǝntɛ tɑɑ kɛ́ tɛɛsɩ nsi sɩ wɛ tǝpɑmm tɔ sɩ tɑɑ.

¹⁹Amɑ tɛʋ tɔmpɛɛ kɑ́ pɛtɩ hɔtʋɣʋ. Pɩɩ tisi ɩcɑtɛ tǝfɛ.

²⁰Nyʋleleŋ nyǝ́mɑ ntɛ́ mɛ. Ɩ kɑ́ tuuki pɑɑ timpi nɑ ɩ tǝŋǝɣɩ lʋm sɔsɔɔm. Ɩ́ kɑ́ yele mǝ nɑɑŋ nɑ mǝ kpɑŋɑsɩ nɑ sɩ́ yɛlǝɣǝnɑ sɩ tɩ.