Isaiah 24

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Ven! Pakai in leisetasuhmang ding kon ahitai, chulehgamonglentah asoding ahi. Leiset chung asumang in, amite athethang soh tai.

²Thempu ho leh milham ho, sohho leh vaihom ho, sohnu holeh inneinu ho, sum hom pa leh sum laho, acho holeh ajoh ho, sum bat sah hole sum pa laho, khat cha soh cha lou ding ahiuve.

³Leiset chung kihin sutheng sel ding chuleh kichom ngimsel ding ahi tin Pakai in aseitai.

⁴Leiset in pul adou in, a golha gamtai, chulehlousohhoa kisumangin, a nang gamtai. Leiset chunga milen tah hojeng jong amah thah gam tai.

⁵Amite chonset jeh in, leiset in a thoh gimin ahi. Ajehchu Pathen thuhilho a pei chavai un, a danthu ho a sukeh un, tonsot a dinga akitepna asuseh taovin ahi.

⁶Hijeh chun, gaosap nan leiset asumang in ahi. Amiten amite chonset jeh a genthei hahsat na ato diu ahi. Meija akisumang un, mi themkhat bou ahingin akidalhan ahi.

⁷Lengpi gui ho jong mohseh inakisumang in, ju athah jong a kimujou tapoi. Kipa thanop bol jousejong akhoisa un, alung hem uve.

⁸Kipa thanop na khong gin athipheltai; golnop a kipa aw thong akija tapoi. Selangdah a awngeitah ala kisa athip heltai.

⁹Ju leh la a kipa thanop na jouse ache mang tan; judu ho judon hojong akam uva akha tan ahi.

¹⁰Khopi kinchuh chuh in achehchaoin; insungjousemohponghung lut ho jeh in akikam sohin ahi.

¹¹Mipi lamlen ho a akikhomun, ju asam sam jenguve. Kipana chulungjin asoh tan ahi. Kipana chuhiche gama kon chun nomang inaumtai.

¹²Khopi chu mang thai in akidalhan, a kot hojong akivo lha gamtan ahi.

¹³Leiset chung jouse a hiche thusimhi akibange- amoh bou akidalhan, theiphung chunga theichang khatpampet a kidalha tobang, lengpithei themkhat akikhop tup jouvaagui a kidalha tobang hiding ahi.

¹⁴Ahin dalhah a um jousen kipanajeh in a eu vun, la asaove. Lhumlama umhon Pakai loupina chu avahchoi uve

¹⁵Solam gamkaija umhon Pakailoupina apeuve. Twikhanglen gallangpeh a umhon Israel Pathen, Pakai minchu avahchoi un ahi.

¹⁶Leiset kolning lang peh a koninvahchoila kisa kajaovin, chonpha Pa loupina kipe la ahi! Ahin kalungsung hi lung genthei nan adim e. Nei kapiu vin, ajehchu agolhapaiding kahi tai. Jouva kibolna achenalaije, chuleh leptholna hi muntinaa um nalaije.

¹⁷Leiset aum miten, kichat tijatna, kokhuhchulehthangtamtahnakimai topi diu ahi.

¹⁸Tijat na a jamhon kokhuh sunga lhalut untin, kokhuh sunga kona sohcha hon, thang nga hung oh diu ahi. Manthah na hi vanna konna go julha banga hung julha ding ahi; leiset bulpi ho hung kihot ding ahije.

¹⁹Leiset hi akisu keh tai. Nasatah a chimlha ahitai; Nasatah in akihot in ahi.

²⁰Leiset hi jukham bangin alon dong dong in ahi. Hui lego in ponbuh asem bangin leiset akithingin, lhu intin thoudoh lou ding ahitai. Ajeh chu dougal asatnao gitlouna chu sangval a ahitai.

²¹Hiche nikho teng chuleh Pakai in vanmun hoa um van miho gotna apeh ding chuleh leiset namtin chunga kiletsah tah a vaihom ho gotna apeh ding ahi.

²²Amaho chu ki umkhum a, songkul’akikoitupdiuahi. Songkul’a kikam tup chet diu, chule achaina leh gotna sangtah kipe diu ahi.

²³Chuteng lha loupina chu hung mang suh cheh intin, nisa vah jong hung nol lha ding ahi, ajehchu vanmi janel Pakai chun Zion lhanga vai ahin hom ding ahi.