Ɩsɑyii 8

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

¹Ḿpʋ́ɣʋ́ Tɑcɑɑ tɔmɑ Ɩsɑyii mɑ sɩ: Kpɑɣɑ kpɑɑtɑ, nɑ ń ŋmɑɑ ɩ tɔɔ kɛ́ ŋmɑɑtʋ kʋyɑsǝlǝtʋ nɑ pǝ́ nɑɑkɩ teu sɩ: Pɑ́ ŋmili kolontu wontu wɑɑlɩ, pɑ́ kuu wontu kɛ lɔŋ.

²Ɩlɛnɑ mɑ́ hʋlɩ kpɑɑtɑ ɩnǝɣɩ ɑseetɑ nyǝ́mɑ nɑɑlɛ mpɑ mɑ wɛnɑ nɑɑni tɔ. Mpɛɣɛlɛ Kɔtʋlʋ Wuliyɑ nɑ Yepelekiyɑ pǝyɑlʋ Sɑkɑlɩ.

³Ḿpʋ́ɣʋ́ mɑ nyǝmɑ́ mɑ ɑlʋ. Ɩ kɛ́ Ɩsɔ kʋyɔɣɔtʋtʋ tɛlǝsʋlʋ kɛ́. Ɩ lɑpɑ teu ɩlɛnɑ ɩ́ lʋlɩ ɑpɑlʋpǝyɑɣɑ, nɑ Tɑcɑɑ tɔ́ sɩ, mɑ́ yɑɑ-kɛ sɩ: Mɑsɛɛ Sɑkɑlɩ-Hɑsɩ-Pɑɑsɩ*fɑ*. kolontu wɑɑlɩ, pɑ́ kuu wontu kɛ lɔŋ.

⁴Pǝ tɑɣɑ pʋlʋ tɔɔ, mpi sɩ pǝyɑɣɑ kɑ́ nyǝŋ yɔɣɔtʋɣʋ sɩ, pɑɑpɑ nɑ nnɑɑ tɔ, pɑ kuu Tɑmɑsɩ nɑ Sɑmɑlii pɑ wɛnɑʋ nɑ pɑ́ ponɑ Asilii wulɑʋ.

⁵Ḿpʋ́ɣʋ́ Tɑcɑɑ tɑsɑ Ɩsɑyii mɑɣɑ heeluɣu tɔtɔ sɩ:

⁶Mpi pǝ tɔɔ yǝlɑɑ pɑnɛ pɑ kisɑ Silowee lɔɔʋ lʋm mpi pǝ kpeŋ tǝpɑmm, nɑ pɑ́ lɔ ɑpɑlʋtʋ kɛ ɑwulɑɑ Lesɛŋ nɑ Pekɑ pɑ tɔm tɑɑ tɔ.

⁷Pǝ tɔɔ kɛ́ mɑɑ kpɑɑsɩ Asilii wulɑʋ nɑ ɩ yoolɑɑ pɑ toŋ. Ɩsɩɩ Ɩfǝlɑtɩ pɔɣɔ sɔsɑɣɑ lʋm nɑ kɑ holɑ sɔɔsʋɣʋ, nɑ pǝ́ wɑtɩ kʋtemiŋ tɔ.

⁸Asilii nyǝ́mɑ kɑ́ wɑtɩ ɩsɩɩ lʋm nɑ ɩ́ li Yutɑ nyǝ́mɑ, nɑ pǝ́ sɩɩnɑ pɑ luɣu tɛɛ. Pɑɑ wɑlǝsɩ pɑ kʋtemiŋ kɛ pɑ tɛtʋ ɩwɑlɑʋ tɔɔ. Ɩsɔ wɛ tɑ́ kiŋ.

⁹Piitimnɑɑ mɛ, ɩ́ kiisi yoou kɑkiisɑsɩ, sɔɣɔntʋ sɔsɔɔntʋ tɑŋɑ-mɛɣɛ. Mpɑ mɛ mǝ wɛ tɛtʋ pooluŋ tɔ mɩɩ ke ŋkpɑŋŋ. Ɩ́ tɑɣɑnɩ mǝ tǝɣɩ yoou tɔɔ, sɔɣɔntʋ tɑŋɑ-mɛɣɛ.

¹⁰Ɩ́ hɔkɔ nɑ ɩ́ sɩɩ, pɩɩ sɑɑlɩ yem kɛ́, pǝ́cɔ́ pɑɑ ntiɣi ɩ́ kɑ́ yɔɣɔtɩ, tǝ kɑɑ lɑ. Mpi tɔ, Ɩsɔ wɛ tɑ́ kiŋ.

¹¹Ḿpʋ́ɣʋ́ Tɑcɑɑ kpɑ Ɩsɑyii mɑ́, nɑ ɩ́ kpɑɑlɩ-m sɩ mɑ́ tɑɑ kɛɛnɑ yǝlɑɑ mpɛ pɑ yɑɑsi. Nti ɩ yɔɣɔtɑɑ tɔɣɔlɛ sɩ:

¹²Ɩ́ tɑɑ nyǝnɩ wɑɑlɩ lɩɩʋ kɛ mpi mpɛ pɑ nyǝnǝɣɩ wɑɑlɩ lɩɩʋ tɔ. Ɩ́ tɑɑ nyɑnɑ mpi pɑ nyɑŋnɑ tɔ, sɔɣɔntʋ ɩ́ tɑɑ kpɑ-mɛ.

¹³Pǝ tǝnɑ pǝ tʋ Tɑcɑɑ tike kɛ ɩ́ kɑ́ nyǝnɩ kɑtɛ pʋlʋ, nɑ ɩ́ nyɑnɑ-ɩ nɑ ɩ́ se-ɩ.

¹⁴Ɩ́ kɛ́ Ɩsɔ tǝsɛɛlɛ kɛ́. Amɑ ɩ kɑ́ pǝsɩ tɔtɔɣɔ kʋkpɑmʋɣʋ ŋku kɩɩ co Yutɑ nyǝ́mɑ nɑ Ɩsɛɣɛlɩ nyǝ́mɑ tɔ. Kʋlʋm ɩnɩ tɔtɔɣɔlɛ puluɣu nɑ kɑtɔkɑ kɛ Yosɑlɛm nyǝ́mɑ.

¹⁵Pɩɩ co pɑ pɑɣɑlɛ nɑ pɑ́ hoti nɑ pǝ́ wɑkǝlɩ-wɛ. Kɑtɔkɑ kɑ́ puu-wɛ nɑ pɑ́ kpɑ-wɛ.

¹⁶Ḿpʋ́ɣʋ́ Ɩsɑyii tɔmɑ sɩ: Mɑ tʋɣɩ tɔm tǝnɛɣɛ pʋlʋpʋ tɑɑ kɛ́. Mɑɑ kɑlǝsɩ mɑ kʋsɛɣɛsǝtʋ nti mɑ cɑɑkɩ sɛɣɛsʋɣʋ tɔ tǝ tɔɔ. Mɑ tǝŋlɑɑ tike kɛ mɑɑ heeli-tɩ.

¹⁷Tɑcɑɑ hɑ Yɑkɔpʋ lʋlʋɣʋ nyǝ́mɑ kɛ siɣile kɛ lɑɑsɑɣɑ tɔɔ kɛ́. Ɩlɛ Tɑcɑɑ kɛ mɑ tɛɛlǝɣɩ nɑ mɑ tʋɣɩ-ɩ nɑɑni.

¹⁸Mɑ nɑ piyɑ mpɑ Tɑcɑɑ hɑ-m tɔɣɔlɔ. Tǝ wɛ kɛ́ ɩsɩɩ Ɩsɔ kʋhʋlʋm mpi pǝ hʋ́lǝ́ɣɩ́ Ɩsɛɣɛlɩ tɑɑ sɩ Pǝ tǝnɑ pǝ tʋ Tɑcɑɑ wɛ Siyɔŋ pʋɣʋ tɑɑ tɔ.

¹⁹Ye pɑ tɔmɑ-mɛ sɩ: Ɩ́ pɔɔsɩ mpɑ pɑ sʋsǝɣɩ nɑ pɑ́ yɑɑkɩ ɑtɛtʋnɑɑ, nɑ pɑ heeliɣi cele tɔm tɔ. Pɑ wɛlǝtǝɣɩ pɑ luuŋ tɛɛ kɛ́ nɑ pɑ́ mʋtǝɣɩ yem. Ɩlɛ ɩ́ cɔ-wɛ sɩ: Pǝ wɛ teu sɩ tǝ́ pɔɔsɩ sǝtɑɑ kɛ weesiŋ nyǝ́mɑ tɔm nɑ? Ɩsɔ kɛ́ tɩɩ pɔɔsɩ yɑɑ sǝtɑɑ?

²⁰Ɩlɛ ɩ́ kɑ́ cɔ-wɛ sɩ: Tɑcɑɑ tɔm nɑ ɩ sɛɣɛsʋɣʋ tɑɑ kɛ́ tɩɩ mǝlɩ. Ye wei ɩ kisɑ mpʋ pʋntʋ kɑɑ fe tɛʋ.

²¹Pɑɑ cɔɔ tɛtʋ tɑɑ kɛ́, nɑ ɩkɑɑlɛ kpɑ-wɛ nɑ nyɔɣɔsɩ pɩɩ-wɛ, hɑlǝnɑ pɑ́ tʋʋ pɑ wulɑʋ nɑ pɑ Ɩsɔ. Ɩlɛnɑ pɑ́ kpɑɑsɩ pɑ ɩsɛ nɑ ɩsɔtɑɑ.

²²Ɩlɛnɑ pɑ́ tisi-yɛ nɑ ɑtɛ, nɑ pɑ́ nɑ́ lɑŋwɑkǝllɛ nɑ sǝkpɛtʋɣʋ nɑ nǝɣǝsɛɛ sɔsɔɔnɑ. Ɩlɛnɑ pɑ́ ponɑ-wɛɣɛ sǝkpɛtʋɣʋ ɑnɑɑm tɑɑ.

²³Wei ɩ wɛ sǝkpɛtʋɣʋ kʋnɛ kʋ tɑɑ tɔ, ɩɩ pǝsǝɣɩ nɑ ɩ́ fiti. Hɑtoo lɔŋ tɑɑ ɩlɛ, Sɑpulɔŋ nɑ Nɛfǝtɑli pǝ hɔɣɔlǝŋ nyǝ́mɑ kɑ wɛ fɛɛlɛ tɑɑ kɛ́. Amɑ pɑɑ tɛ nɑ pɑ kʋsɩ nyɔɔŋ. Pǝ kpɑɣɑʋ teŋku wei ɩ wɛ ilim tǝlɩɩlɛ tɔ, hɑlǝnɑ Yɑɑtɑnɩ pɔɣɔ wɑɑlɩ. Pɑɑ nɑ Kɑlilee timpiwɛ mʋʋlɑɑ wɛɛ tɔ, pɑɑ kʋsɩ nyɔɔŋ kɛ tǝnɑ.