Unggutinga (Stat) 24:52-63

⁵²Ebraham lipuxim oxatam lungu haruangadinga saing turu ba sabu na Urana.

⁵³Kimuya xap yauyaunga silba gol xaung imang xai sibundi saing sinadi na Rebeka. Sina yahanga maxangmaxana na Rebeka sabanganoa xaung bauna.

⁵⁴Hangixayangua sup baing Ebraham lipuxing oxatama daxang xaung dinung saing dikinu. Baing buraraging sibuna dimesa saing Ebraham lipuxing oxatama harua ba, “Ngabo ngagoxoya muli rangua lipuxigu sabanga.”

⁵⁵Ne Rebeka bauna xaung sabanga daharua ba, “Ayunga Rebeka wa ranguam sanga xaidapdi 10 disup to, kimuya ina mala.”

⁵⁶Baing Ebraham lipuxing oxatama harua ba, “Ang sanga abili nga te, Urana libu oxatagua sok xai lo. Alungu ngabo ngagoxoya mala rangua lipuxigu sabangua.”

⁵⁷Baing daharua ba, “Tawagi haing nanuna bu taxusunga murunganoa.”

⁵⁸Baing duwagi Rebeka ma, saing duxusunga ba, “Ubo ula rangua lipua baguli?” Baing harua ba, “Awa, ne ngabo ngala.”

⁵⁹Baing disoxi hainga wasa mana Rebeka ba tang digabu Ebraham lipuxing oxatama bu dila xaunga.

⁶⁰Saing disina guxama na Rebeka bila li, “Hamungamam, ung bagula usok haing gara xumanam. Binabu bakbagimdi ditatua bixuadingdi, bu daxap titidinga.”

⁶¹Baing haing oxatama Rebeka tang dirung kameldi ubudingia saing disu mana Ebraham lipuxing oxatama. Mana kubolua baguba lipu oxatama xap Rebeka mala.

⁶²Mana bungina laba Aisak yunga longa titi lang banggumgam duxu ba, Lang banggumgam Urana inia lulianam bu bagu nga. Baing ila wa mana longa Negep.

⁶³Xaidap tela bungbung ila haxa mana long tela tatubang raxapdi saing bagu kameldi dima.