GENESE 24:52-63

⁵²Abraham ena hesiai tauna una hereva e kamonai, bena tano ai e goru diho, Iehova e imodaia.

⁵³Bena ia ese herahera ḡaudia, gold ḡaudia bona silver gaudia bona dabua e hulala, Rebeka e henia; taihuna bona sinana danu herahia ḡaudia namo-hereadia e henidia.

⁵⁴Bena ia mai bamona ida e aniani, e inuinu, bena e mahuta. Daba ai e tore isi, eto, Mani a kahugu nege, biagugu baina lou henia.

⁵⁵A hane-ulato taihuna bona sinana eto, Hane-ulato na mani dekemai ai baine noho pura ta eiava dina gwauta, bena bainela.

⁵⁶A ia eto, Asio rugu: Iehova ese egu laolao anina vada e havaraia; mani a kahugu nege, biagugu baina lou henia.

⁵⁷Bena idia eto, Hane-ulato aita boiria, ia baine hereva.

⁵⁸Taunabunai, idia ese Rebeka e boiria, bena e nanadaia, eto, Lalomu vada eme heḡereḡere a, ina tau ida ba raka? Ia eto, Vada e heḡereḡere.

⁵⁹Taunabunai taihudia Rebeka, mai ena hesiai hahinena ida e kahudia nege, Abraham ena hesiai tauna mai bamona ida danu.

⁶⁰Idia ese Rebeka e hanamoa, eto, Taihumai e, daha daha oiemu amo bae vara: oi garamu ese inaidia do bae hadareredia.

⁶¹Bena Rebeka bona ena hesiai hahinedia e tore isi, kamelo ai e gui, hesiai tauna ida ela. Hari hesiai tauna ese Rebeka e hakaua lao.

⁶²Una negana ai Isaak na diho kahana ai e nohova; bena tano gagaena ai eha laolao, ranu gurina ta, ladana Bere-lahai-roi, ela.

⁶³Adorahi ta taora ai eha loaloa, dina kerekerena ai, bena e roha isi, kamelo e maiva e itadia.