NAANAA 24:52-63

⁵²Kũ Ibrahĩ zĩkɛrii pì ń yã mà, à wùtɛ zĩtɛ Dikirinɛ.

⁵³Akũ à nↄmanablebↄ kũ ò kɛ̀ kũ andurufuuo kũ wuraao kũ pↄ́kasanↄ bↄ̀tɛ à kpà Rɛbɛkaa. À a vĩ̀ni kũ a daoo gbà pↄ́ ↄgↄdenↄ dↄ.

⁵⁴Akũ àpii kũ gbɛ̃ kũ ò kú kãaonↄ pↄ́ blè ò í mì, akũ ò ì gwe. Kũ ò fùtɛ kↄnkↄ à pì: À ma gbarɛ mà tá ma dikiri kĩnaa.

⁵⁵Nↄ vĩ̀ni kũ a dao pì: Ǹ tó nɛ́ pì gↄ̃ kũoo bee gↄrↄ kuri, á gbasa à tá.

⁵⁶Akũ gↄ̃gbɛ̃ pìi pìńnɛ: Lákũ Dikiri ma tá kɛ̀ nna nà lán dí bà, àsun ma dãdã doro. À ma gbarɛ mà tá ma dikiri kĩnaa.

⁵⁷Akũ ò pì: Ò nɛ́ pì sísi ò a la.

⁵⁸Akũ ò Rɛbɛka sìsi ò a là ò pì: Ĩni tá kũ gbɛ̃ pìio yá? Akũ Rɛbɛka pì: Mani tá kãao.

⁵⁹Akũ ò Rɛbɛka gbàrɛ kũ a gwàri kũ à a gwà zaa a fítinna zĩo, òtɛn tá kũ Ibrahĩ zĩkɛriio kũ a gbɛ̃nↄ.

⁶⁰Ò sa mana ò Rɛbɛkanɛ ò pì: Nɛ́, Luda tó ǹ gↄ̃ gbɛ̃ dasinↄ dai ũ, n burinↄ gↄ̃ gbãna vĩ ń zãngurinↄa.

⁶¹Akũ Rɛbɛka fùtɛ kũ a nↄgbɛ̃ zĩkɛrinↄ, ò dì lakuminↄ kpɛ ò tɛ́ gↄ̃gbɛ̃ pìii, akũ à tà kũńwo.

⁶²A sù à lè Isaaku sù kũ lↄ̀gↄ kũ òdi pi Ludabɛ̃nɛkũadima'eo à vùtɛ Nɛgɛvi bùsun.

⁶³À bò à gɛ̀ɛ à laasun lɛ́ sɛ̃̀n ↄkↄsi, akũ kũ à wɛ́ sɛ̀, à è lakuminↄ tɛn su.