Sɑmiyɛɛlɩ I 3

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

¹Pǝyɑɣɑ Sɑmiyɛɛlɩ kɑ wɛ kɔtʋɣʋ tǝmlɛ tɑɑ kɛ́ Ilii kiŋ kɛ́. Wɑɑtʋ ɩnɩ Tɑcɑɑ tɑɑ yɔɣɔtǝɣǝnɑ yǝlɑɑ kɛ teitei. Pǝyele ɩ tɑɑ hʋ́lǝ́ɣɩ́ yǝlɑɑ kɛ mpi pɩɩ tɛ nɑ pǝ́ lɑ́ tɔɣɔ kotokoto.

²Wɑɑtʋ ɩnɩ tɔ, Ilii ɩsɛ cɑɑkɑɣɑ yʋlʋmʋɣʋ ntɛ́, ɩɩ nɑɑkɩ teitei. Ḿpʋ́ɣʋ́ ɩ hǝntɑ ɩ tǝhǝntǝlɛ kɛ ɑhoo nɑɑlɩ.

³Nɑ Sɑmiyɛɛlɩ hǝntɑ Ɩsɔ ɑtɑkɑɑ cɔlɔ, nɑ pɑ́ tɑ teesitɑ fǝtǝlɑnɑɑ kɛ tefemle.

⁴Ḿpʋ́ɣʋ́ Tɑcɑɑ yɑɑwɑ sɩ: Sɑmiyɛɛlɩ, nɑ Sɑmiyɛɛlɩ cɔ sɩ: Mɑɣɑlɔ.

⁵Ɩlɛnɑ ɩ́ kpɑɣɑ ɑsewɑ nɑ ɩ́ polo Ilii kiŋ, nɑ ɩ́ tɔ sɩ: N yɑɑ-m tɔ mɑɣɑlɔ. Ntɛnɑ Ilii sɩ: Mɑ tɑ yɑɑ-ŋ se. Polo ń hǝntɩ. Ɩlɛnɑ Sɑmiyɛɛlɩ mǝlɩ nɑ ɩ́ hǝntɩ.

⁶Ḿpʋ́ɣʋ́ Tɑcɑɑ tɑsɑ-ɩ yɑɑʋ sɩ: Sɑmiyɛɛlɩ. Ɩlɛnɑ ɩ́ polo Ilii kiŋ nɑ ɩ́ tɔ sɩ: N yɑɑ-m tɔ, mɑɣɑlɔ. Ntɛnɑ Ilii sɩ: Mɑ tɑ yɑɑ-ŋ se. Mɑ pǝyɑlʋ, polo ń hǝntɩ.

⁷Sɑmiyɛɛlɩ tɑ nyɩ sɩ Tɑcɑɑ yɑɑkǝnɑ-ɩ. Mpi tɔ, ɩ́lɛ́ ɩ tɑ yɔɣɔtǝtɑnɑ-ɩ.

⁸Ḿpʋ́ɣʋ́ Tɑcɑɑ tɑsɑ Sɑmiyɛɛlɩ kɛ yɑɑʋ kɛ tɔm tooso nyǝm. Ɩlɛnɑ Sɑmiyɛɛlɩ polo Ilii kiŋ sɩ: N yɑɑ-m tɔ mɑɣɑlɔ. Tǝnɑɣɑlɛ Ilii cɛkǝnɑɑ sɩ Tɑcɑɑ yɑɑkǝnɑ pǝyɑɣɑ.

⁹Ɩlɛnɑ ɩ́ heeli-ɩ sɩ: Polo nɑ n hǝntɩ. Ye pǝ tɑsɑ-ŋ yɑɑʋ, ɩlɛ n tɔ sɩ: Tɑcɑɑ, yɔɣɔtɩ, nyɑ́ pǝyɑɣɑ mɑ́, mɑ nɩɩkɩ. Ɩlɛnɑ Sɑmiyɛɛlɩ mǝlɩ nɑ ɩ́ hǝntɩ.

¹⁰Mpʋɣʋlɛ Tɑcɑɑ polɑɑ nɑ ɩ́ yɑɑ-ɩ ɩsɩɩ ɩ tɩɩ yɑɑkɩ tɔ sɩ: Sɑmiyɛɛlɩ, kɛlɛnɑ ɩ́ cɔ sɩ: Tɑcɑɑ, yɔɣɔtɩ, nyɑ́ pǝyɑɣɑ mɑ́, mɑ nɩɩkɩ.

¹¹Ɩlɛnɑ Tɑcɑɑ tɔ sɩ: Mɑɑ kɔnɑ wɑkǝlʋɣʋ nɑkʋlǝɣɩ Ɩsɛɣɛlɩ nyǝ́mɑ, nɑ pɑɑ wei ɩ́ nɩɩ-tɩ pɩɩ sʋsɩ-ɩ wɑtʋ.

¹²Kʋyɑŋkuɣu mɑɑ cɑɑlɩ Ilii tǝyɑɣɑ nyǝ́mɑ ɩsɛ kɛ nyǝŋsʋɣʋ. Hɑlǝnɑ mɑ́ tʋ́ nyʋɣʋ kɛ teitei ɩsɩɩ mɑɑ yɔɣɔtʋɣʋ tɔ.

¹³Mɑ heelɑ-ɩ tǝfoo sɩ mɑɑ tʋ ɩ tǝyɑɣɑ kɛ tɑm tɔɔ sɑlǝkɑ, kɛ timpi ɩ piyɑ wɑkǝlɑ mɑ hǝtɛ, nɑ ɩ́ nyǝ́mɑ pǝ tɔɔ nɑ ɩ́ tɑ́ kisinɑ-wɛ tɔ.

¹⁴Pǝ tɔɔ kɛ́ mɑ yɔɣɔtǝɣǝnɑ tuunɑʋ sɩ, pɑɑ pɑ lɑpɑ kɔtɑsɩ nɑ pɑ́ hɑ kʋcɔɔŋ, mɑ kɑɑ hɩɩsɩ pɑ tǝyɑɣɑ ɩsɑɣɑtʋ.

¹⁵Ɩlɛnɑ Sɑmiyɛɛlɩ hǝntɩ nɑ pǝ́ nyɑɑlɩ, nɑ ɩ́ tʋlɩ Tɑcɑɑ tǝyɑɣɑ nɔnɔɔsɩ. Amɑ ɩ nyɑŋɑɣɑnɑ mpi ɩ nɑwɑ mpʋ tɔ pǝ tɔm heeluɣu kɛ Ilii.

¹⁶Ḿpʋ́ɣʋ́ Ilii yɑɑ-ɩ sɩ: Mɑ pu Sɑmiyɛɛlɩ. Nɑ ɩ́ cɔ sɩ: Mɑɣɑlɔ.

¹⁷Ɩlɛnɑ ɩ́ pɔɔsɩ sɩ: Tɔm ntiɣi Tɑcɑɑ heelɑ-ŋ? Ye n ŋmɛsɑ-m tǝ tɑɑ nɑtǝlɩ, Tɑcɑɑ ɩ́ lɑ-ŋ nɑ ń tɔɣɔ nɑ ń hɑɣɑ.

¹⁸Ntɛnɑ Sɑmiyɛɛlɩ kɛɛsɩ-ɩ tǝ tǝnɑ, ɩ tɑ ŋmɛsɩ-ɩ nɑtǝlɩ. Kɛlɛnɑ Ilii sɩ: Tɑcɑɑ kɛ́, ɩ́ lɑ ɩsǝnɑ pǝ mɑɣɑ-ɩ tɔ.

¹⁹Sɑmiyɛɛlɩ tɔŋnɑ pɩɩʋ nɑ Tɑcɑɑ wɛ ɩ wɑɑlɩ, ɩ tɑ yele nɑ ɩ tɔm nɑtǝlɩ tǝ́ tii ɑtɛɣɛ yem.

²⁰Ɩsɛɣɛlɩ nyǝ́mɑ tǝnɑ mpɑ pɑɑ wɛ pǝ kpɑɣɑʋ Tɑŋ nɑ pǝ́ polo Pɛɛsepɑ tɔ, pɑ nyǝ́mɑ sɩ Tɑcɑɑ kpɑ Sɑmiyɛɛlɩ kɛ Ɩsɔ kʋyɔɣɔtʋtʋ tɛlǝsǝlʋ.

²¹Ɩ lɩɩkɑɣɑ Sɑmiyɛɛlɩ tɔɔ kɛ́ Silo kɛ́, nɑ ɩ́ heeliɣi-ɩ tɔmnɑɑ.