Atuwɑ 18:16-23

¹⁶Kʋcɔɔʋ hɑʋ hʋləɣɩ yʋlʋ kɛ mpɑɑŋ pɑɣɑlɛ kɛ́, nɑ pə́ yeki nɑ ɩ́ nyəŋ sɔsɑɑ.

¹⁷Sumɑɣɑ lɛŋkɑ ɩ́ fɛɩ lɛŋkɑ kələɣɩ wulɑ kɛ́.

¹⁸Pɑ mɑɣɑsəɣɩ pile kɛ́ nɑ pɑ́ hɛɛsɩ yoou, nɑ pɑ́ fɑɣɑsɩ toŋtʋnɑɑ.

¹⁹Ye n pəntənɑ nyɑ́ tɑɑpɑlʋ, ɩ kpətənɑʋ kəlɑ kɑtɛ kɛ koluŋɑ toŋ nyəŋkɑ tusuɣu. Nɑ ye ɩ́ yoowɑ, mə kpɛntʋɣʋ kəlɑ kɑtɛ kɛ kutuluɣu ŋku pɑ kɑləsənɑ mɔŋkuuli toŋ nyəŋ tɔ kʋ tɑɑ sʋʋʋ.

²⁰Yʋlʋ nɔɣɔ kʋlʋlʋm kɛ ɩ hɑkɩ ɩ hiluɣu tɑɑ.

²¹Səm nɑ weesuɣu pə wɛ nsəmlɛ niŋ tɑɑ kɛ́. Ye wei ɩ́ sɔɔlɑ yɔɣɔtɑɣɑ ɩ kɑ tɔɣɔ kɑ kʋlʋlʋm.

²²Wei ɩ́ hikɑ ɑlʋ, pʋntʋ lɑŋlɛ hʋlʋmɑɑ kɛ́. Pɛɛlɛɛ kɛ Tɑcɑɑ lɑpɑ-ɩ.

²³Kʋnyɔntʋ nɑ yɔɣɔtəɣənɑ niŋ tɛkʋɣʋ kɛ́. Ɩlɛnɑ toŋ tʋ nɑ́ɑ́ yɔɣɔtənɑ tomɑ.