Leemiso Maxaafaa 18:16-23

¹⁶Immiyoobi immiyaagau ogiyaa dooyees; gita asaarakka erissees.

¹⁷Kasetidi daannan mootiya uri baarigaarai yiidi a oichchana gakkanaashin, ubbatonkka he urai xillo milatees.

¹⁸Saamaa yeggiyoogee palamaa teqqees; naa77u wolqqaama baarigaaratakka shaakkees.

¹⁹Naaqettida ishaara giiganaagee gimbbettida katamaa omooddanaagaappekka aadhdhi waayissees; penggiyaa gorddiyo birata hiraquwaadan, palamai dabbota shaakkees.

²⁰Ba doonan haasayidobaappe asi ba ganjjiyaa kunttees: ba inxxarssaappe kiyidaban kallees.

²¹Neeni haasayidoogee nena wottees woikko worees; hegaa gishshau, neeni ne haasayaa gaasuwan yiyaabaa ekkanau de7aasa.

²²Machcho demmida asi lo77obaa demmiis; he urai GODANKKA nashettees.

²³Hiyyeesa asi auddashidi haasayees; shin duree phenqqeshidi zaarees.