Ioanej 12:15-40

¹⁵Der majak nain Jion jeripein! Kilan om Nanmarki kotido, kaipokedi pon nain ejel amen.

¹⁶A japwilim a tounpadak kan jota madan weweki mepukat. A Iejuj lao linanlar, irail ap tamanda mepukat, me indinidier duen i, o me ir wiai on i mepukat.

¹⁷A pokon o, me ian i ni a kotin molipei Lajaruj jan nan joujou o, ni a kotin kamauredar i jan ren me melar akan, kadede i!

¹⁸Iei me aramaj kokiieilan i, pwe irail ronadar, me a kotin wiadar kilel wet.

¹⁹Parijär oko ap indada nan pun ar: Komail kilan, me komail jota kak wia meakot. Kilan, toun jap akan idauenla i.

²⁰Akai men Krik ian irail, me koda don kamadip o, pwen kaudok.

²¹Mepukat ko don Pilipuj, men Petjaida en Kaliläa, poeki re a indada: Main, je men udial Iejuj.

²²Pilipuj ap kodo kaireki Andreaj, a Andreaj o Pilipuj kaireki Iejuj.

²³A Iejuj kotin japen irail majani: Anjau leler, me Nain aramaj pan kalinanla.

²⁴Melel, melel I indai on komail, ma wan korn jo moredi on nan pwel o mela, a pan kelepata, a ma a pan mela, a pan kaparapar wa toto.

²⁵Me pokepoke maur i, pan jalonala; a me tounmeteki maur i pali pa, pan diarada maur joutuk.

²⁶Meamen papa ia, i en idauen ia! A waja I mi ia, i waja me papa ia, pan pil mi ia. Ma meamen papa ia, i me Jam o pan kajapwilada.

²⁷I ap lol olar, a da me I en inda? Jam kamaio wei jan ia anjau wet, ari jo, i me I koki don anjau wet.

²⁸Jam, kalinanada mar omui! Nil eu ap peidido jan nanlan indada: I kalinanadaer, o I pan pil kalinanada.

²⁹A aramaj akan me u jili me ronadar, indada: A nanjapwe. A akai indada: Tounlan amen me kajoia on i.

³⁰Iejuj kotin japen majani: Kaidik pweki nai, me nil wet wiauikier a pweki komail.

³¹Met anjau en kadeik en jappa wet. Met kaun en jappa et pan lokidokila.

³²A nai lao lanada jan jappa, I pan kainona don ia karoj.

³³I me a kotin kokop kidar duen a pan kamatala.

³⁴Aramaj akan japen i: Je ronadar jan nan kapun o, me Krijtuj pan potopoteta, a iaduen, kom kajoiada, me Nain aramaj en kakauda. Ij Nain aramaj men et?

³⁵Iejuj ap kotin majani on irail: Marain mi re omail anjau kij. Weweid, ni anjau marain mi re omail, pwe rotorot ender kono komail edi. Pwe me kin weweid nan rotorot, kin jaja waja, me a ko on ia.

³⁶Pojon marain, ni a mimi re omail, pwe komail en jeri en marainla. Iejuj kotin majani mepukat, ap kotila karukila pein i jan irail.

³⁷A i me kotin wiadar kilel toto mo ’rail, ari jo, irail jota pojon i,

³⁸Pwe kokop en jaukop Iejaia en pwaida, me a majani: Kaun o, ij me pojon at kajoi? O ij me lim en Kaun kajanjal on?

³⁹Irail ari jota kak pojon, pwe Iejaia pil katitiki:

⁴⁰A kotin karotonala maj arail o kakekaluakala monion arail, pwe ren jo kilanki maj arail, o ajaki monion arail, o wukila, o I en kakel ir ada.