Atuwɑ 12:19-28

¹⁹Tɑmpɑnɑ yɔɣɔtʋɣʋ ɩɩ tɛŋ. Amɑ kɑloolɑɣɑ nɑɑ lɑɑkɩ tɛm.

²⁰Mpɑ pɑ tʋ pɑ tɑɑ kɛ́ ɩsɑɣɑtʋ lɑpʋ tɔ pɑ lotu tɑɑ suwɑ pɔpɔtʋ kɛ́. Amɑ mpɑ pɑ sɛɣɛsəɣɩ hɛɛsʋɣʋ tɔm tɔ, pɑ lɑŋɑ hʋləməɣɩ.

²¹Mpusi nɔɣɔlʋ ɩɩ mɑkənɑ siɣisilu. Amɑ wɑhɑlɑnɑɑ nɑ́ nɩɩkɩ ɑsɑɣɑɑ.

²²Tɑcɑɑ luɣu fɛɩ loollɑɑ. Tɑmpɑnɑ lɑtɑɑ kɛ ɩ sɑŋ.

²³Nyʋɣʋ tɑɑ mɑɣɑsəm tʋ nɑ́ ŋmɛsəɣɩ ɩ nyəm tɔm kɛ́. Amɑ kʋmɛlɛŋ nɑ́ yɑsəɣɩ kʋ kʋmɛlɛntʋ.

²⁴Təmlɛ lɑtʋ tɔkənɑ kɑwulɑɣɑ. Ɩlɛnɑ ŋkpɑlɑsɩ kpɛkəlʋ nɑ́ɑ́ teki lɛlɑɑ.

²⁵Nəɣəsɛɛ nɩɩkɩ yʋlʋ kɛ́. Ɩlɛnɑ tɔm kʋpɑntʋ hɛɛsɩ ɩ lɑŋlɛ.

²⁶Siɣisilu hʋləɣɩ ɩ tɔɣɔntəlɛ kɛ mpɑɑʋ kʋpɑŋkʋ kɛ́. Ɩlɛnɑ ɑsɑɣɑɑ mpɑɑʋ nɑ́ɑ́ tolisi-wɛ.

²⁷Tɔtɔlʋ felentú ɩɩ wʋsəɣɩ ɩ nɑntʋ. Amɑ yʋlʋ wɛnɑʋ kʋpɑm ntɛ́ təmlɛ lɑpʋ.

²⁸Siɣisuɣu mpɑɑʋ tɑɑ kɛ́ weesuɣu wɛɛ, səm fɛɩ kʋ tɑɑ.