1Iawe God wadiase, “Ewana, apana ema ipa ne nolana dewalala, ne me muka wanedina, ne me sonabena ita ne nuana eudidalen me mampe. Ne aleuna mampe me nopesana, ita me apana uduudu mampo kotuwa dodomana dewasampa ita mo banlamopio God mukawa atowentopu.
2Me mai bola bedewainta apana mampo aiawa badowa ba mukama gagalolepi, dia.
3Me auni asiwa tewapia baiwaleidia mai ampipundepi, ita siwa keraudida idia mai supibolepi, dia. Me kotuwa dodomana dewasapi apana uduudu mampo.
4Me mai nuawa oaoaralepio nolawa epi, me nolalempo ideita tawo osowe apana uduudu dewa dodomana dewasampaa dewawa winepidewalepi. Apana nowa dauwo wanwanlala me waeuwa etapua onioniawantoie waimoi.
6Ne Iawe God neba dodomanana bedewe apaena, ne e witaa wadape ita muka enepe oniadewasaepa, ne e dewaepo saua badowa rua segaita apana mampo, ita e bedeawoe mo ne sauna euda wadapu ita e ipa sapa uwa daitada apanawa baibu.
7E apana emau potawa wadaubaitawo sala ewapu, ita diburalala dibura bedewe wadaubamoa, ita mo mida diburantone dubawa bedewe waimoia wadaubamowo inantopu!”
