Isaiah 42

2

5

6

7

9

11

35

40

42

49

50

52

53

54

55

56

58

61

64

¹Bada i riwa, “Wei au taunola, a vinei, a vovaivirewapani ma a vinuaiaiei. Aruau au orana a terei ma tauna lawana aiaina, ma kaua jijimanii ina neiai dobu au anatapuna.

²Tauna eḡa ina garara bo ponana ina rata au deba.

³Rava me gonu barabarana eḡa ina gai, bo rava me wiki tupona eḡa ina boi. Wate lawana aiaina ma kaua jijimanii ina neiai dobu anatapui awarii da ai lawana.

⁴Eḡa orana ina peu bo ina vokokokara, lawana jijimanina ina terei au dobu; bonabona ravai aueia nanare, e vivipaipai.”

⁶“Tau Bada jijimaniu, a vinem ma ana vovaivirewapanim da lawana aiaina ma neiai; ma ana raunimavoaim ma ana gagaloem. Tamei, parivainuaḡana bagibagina rava anatapui au dobu maiteni ana kauei, ma vilalalaina jentail awari.

⁷Ma mata-potapotai matai ma vikalai; ma ravai au panipani numana; nai taui gimtona maemaei ma tereopunei.”