IOBU 10

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Egu mauri na inai heniamu, egu maumau herevadia baina gwaurai hedinarai; mai laumagu iditana ida baina hereva.

²Dirava baina hereva henia, bainato, Basio revagu mase; ba hadibagu, dahaka dainai o tuari henigumu.

³Oi na o laloamu daḡedaḡe be namo a? Imamu ese e kara ḡaudia na o dadaraidiamu bona kara dika taudia edia ura na o abi daemu a?

⁴Oi matamu na hidio a? Taunimanima ese e itamu heḡereḡerena o itamu a?

⁵Emu dina na taunimanima edia dina, bona emu laḡani na taunimanima edia laḡani heḡereḡeredia a?

⁶Una dainai reana egu kara havara o tahuamu, egu kara dika o tahua malaka-malakamu;

⁷ḡau tamona oi dibamu lau na asi egu kerere; bona dibamu, ta ese oi imamu ai basine harohogu mauri diba.

⁸Oi imamu ese e karagu, bona oromagu e henigu; a harihari lalomu o halouamu bona o alagumu.

⁹A laloa tao, oi ese raro amo o karagu; ḡahu ai ma ba halaogu a?

¹⁰O seigu, rata ranuka-ranuka na heto, ma o hahetarigu, rata hetarina na heto, ani?

¹¹Kopi bona hidio amo o ḡovagu; bona turia bona varovaro amo tau-anigu o ha-aukaia.

¹²Mauri vada o henigu, vada o lalokau henigu danu; emu hereḡu ese laumagu vada e balaia heni.

¹³Ḡau tamona, ini ḡau na lalomu ai o huni; lau dibagu emu lalo-hadai na iniheto.

¹⁴Bama kara dika, oi ese nahuagu boma tohoa, bona egu kara dika amo basioma ruhagu nege.

¹⁵Bama kara havara, madi ihabaigu! Bama kara namo, basinama igo isi diba; badina be hemarai ese e hahonugumu, bona egu hisihisi na haeroamu.

¹⁶Sibogu bama heabi isi, oi ese boma havagu, leona na heto, bona hoa karadia ma boma kara, lau ihadikagu;

¹⁷ihabadelaigu taudia boma haginidia lou, lau ihadikagu; emu badu na latagu ai ma boma habadaia, bona tuari oreadia matamatadia boma mailaidia, lau ihadikagu totona.

¹⁸Dahaka dainai sinagu bogana amo o abigu lasi? Mata ta do se itagu negana ai bama mase vada namo.

¹⁹Mauri mamina basinama abia, a boga amo maoromaoro guri bema laohaigu, hari vada namo.

²⁰Egu mauri dinadia na dia hoho ani? Basio haraivagu, tauhalo taina baina davaria,

²¹basina rakatania diba gabuna do basina lao henia negana ai; ia na tano vabura-vaburana, dibura masemase gabuna;

²²ia na tano vabura-vaburana, asi oromana, ena diari na dibura na heto.