Ayuba 10

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹«N ma duniɲɛigiri bara raɲaaxu n nii ma. Na kui n xa n gbe fala. Xɔnɛ naxan na n furi kui, n xa na makɛnɛn.

²N bara a fala Ala bɛ, I naxa n suxu. I xa n nakolon i n suxuxi fe naxan ma.

³N tɔɔrɔfe rafan i ma, n tan naxan findixi i xa daalise ra? Tinxintare waxɔnfe rafan i ma?

⁴I fe to ki mu makuya adamadi fe to ki ra?

⁵I xa simaya maniya adamadi gbe ra?

⁶I n tɔɔrɔfe munfe ra? I na n ma yunubie fenfe munfe ra?

⁷I ɲan n ma tinxinyi kolon, i ɲan a kolon mixi yo mu n natangama i bɛlɛxɛ i.

⁸I tan nan n daaxi, i tan nan n sɔntɔma.

⁹I xa ratu a ma a i n daaxi bɛndɛ nan na. I man wama n nagbilenfe mɛnni nɛ?

¹⁰I bara n yailan alɔ mixi naxan xiɲɛ yailanma donse fanyi ra.

¹¹I bara n fate birin yailan, kiri, sube, xɔri, nun fasɛ.

¹²I bara n ma simaya xɔn kuya, i bara hinnɛ n na, i bara i ɲɛngi sa n nii xɔn ma.»

¹³«Kɔnɔ yakɔsi n bara a kolon naxan nu na i xaxili ma n ma fe ra.

¹⁴I bara wa n ma yunubi tofe, alako i xa tondi diɲɛde n ma.

¹⁵Xa yunubi na n ma, ɲaxankatɛ na n bɛ. Xa yunubi mu na n ma, n na yaagi kui, n mu nɔma n xunyi yati rakelide.

¹⁶Xa n sa n xunyi rakeli, i n bɔnbɔma i sɛnbɛ magaaxuxi ra, alɔ yɛtɛ sɛnbɛma a rabama ki naxɛ.

¹⁷I xa xɔnɛ na xun masafe n ma fe ra, i xa ɲaxankatɛ bara gbo yɛ.

¹⁸I n naminixi n nga tɛɛgɛ i munfe ra? Xa n sa faxa naa nɛ nu, mixi yo mu nu n toma,

¹⁹n mu baloma nu, n nu tongoma nɛ n nga tɛɛgɛ, n nagoro gaburi kui keren na.

²⁰Naxan luxi n ma simaya ra, a mu gbo sɔnɔn. Yandi, i xa gbilen n fɔxɔ ra fa, sɛɛwɛ dondoronti xa lu n bɛ

²¹beenu n xa siga aligiyama, dimi na dɛnnaxɛ. N mu gbilenma duniɲa ma sɔnɔn.

²²Dimi xungbe na aligiyama. Adama xaxili ifuma naa. Mɛnni naiyalanyi yati nan findima dimi ra.»