Hiop 10

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹“Üa anioputa püsin manauei. Iei mine üpwe fokun pwärawu ai siö, üpwe kapas fän riaföün letipei.

²Üpwe üreni Kot: Kosap atipisiei. Kopwe asile ngeniei popun om apwüngüei.

³Ifa usun, a mürina ngonuk pwe kopwe ariaföüüei? Ifa usun, a öch om kopwe aücheangaua förien poum, nge ka pwapwaiti mine ekewe aramasangau ra ekiekietä?

⁴Ifa usun, mesom a usun mesen aramas? Ifa usun, ka küna usun eman aramas a küna?

⁵Ifa usun, ränin manauom a mochomoch usun chök ränin manauen aramas? Ifa usun, ierum ra usun chök ierin aramas,

⁶pwe kopwe kütta ai kewe föför mi ngau o chosani ai kewe tipis?

⁷Ka silei pwe üsap tipis, esap pwal wor eman a tongeni angasaei senuk.

⁸Poum kana ra auluuluei o föriei. Nge iei ka kunnula seniei o afeiengauaei.

⁹Kopwe chechemeni pwe ka föriei seni pwül. Ifa usun, kopwe pwal aliwinisefäliei ngeni pwül?

¹⁰Ka apöchöküla semei pwe epwe nöüniei, ka amärieitä lon letipen inei.

¹¹Ka achufengeni inisi ren chü me säl o pwölüei ren fituk me ünüch.

¹²Ka fang ngeniei manau me om tong ellet, nge ren om tümwünüei üa manau.

¹³Nge ei ekiek ka aopala lon lelukom, üa silei pwe a fen nom lon om ekiek:

¹⁴Are üa tipis, en ka nenengeniei, nge kosap amusala ai föför mi ngau.

¹⁵Feiengauei are üa föföringau. Nge are üa pwüng, üsap pwal tongeni chimwetä, pun üa uren itengau o mefi ai kewe riaföü.

¹⁶Nge are üpwe chimwetä, en kopwe tapweriei usun eman laion a tapweri liapan, ka pwal pwärisefäli om kewe manaman pwe üpwe feiengau rer.

¹⁷Ka awora chon pwärätä mi fö pwe repwe ü ngeniei, ka alapala om song ngeniei o awarasefälieto noum mwichen sounfiu pwe repwe fiufochofoch ngeniei.

¹⁸Pwota ka atoeiwu seni letipen inei? Amwo üpwe mäla me mwen än aramas repwe künaei.

¹⁹Mürin üpwe wewe ngeni eman esap manau, üpwe towu seni letipen inei o tolong lon peias.

²⁰Ifa usun, ränin manauei esap kan ngeni an epwe müchüla? Kopwe mwüt ngeniei pwe üpwe emanüla, pwe üpwe ekis pwapwa

²¹mwen ai üpwe feila ngeni ewe leni üsap chüen liwinsefäl seni, ngeni ewe fanü mi rochopwak o fokun rochokich,

²²ewe fanü mi rochopwak o fitikoko, ia saram a usun chök rochopwak ie.”