25Pɑ lʋlɑ-m kɛ́ nɑ pə́cɔ́ pɑ́ lɑ pɔɔŋ nɑ pə́cɔ́ pulɑsɩ wɛɛkɩ.
26Pəyele Tɑcɑɑ tɑɑ tɩɩ lɑtɑ tɛtʋ yɑɑ kɑteŋɑsɩ, yɑɑ ɑntulinyɑ ciɣilisi nsi sɩɩ nɑɑkɩ tɔ sɩ kɑncɑɑlɑɣɑ nyəŋkɑ.
27Mɑ wɛɛ nɑ pə́cɔ́ Tɑcɑɑ sɩɩ ɩsɔtɔnʋɣʋ, nɑ ɩ́ pɩɩ kʋ tənɑɣɑ kɛ kʋnɑ teŋku sɔsɔ pɑ təsulle.
28Nɑ ɩ́ tʋ ɩsɔŋmʋntʋ kɛ ɩsɔtɑɑ nɑ teŋku sɛɛlɑɑ lʋm tʋlɩ nɑ pə́ lɩɩnɑ tomɑ.
29Wɑɑtʋ ɩnəɣɩ Tɑcɑɑ sɩɩ teŋku kɛ tənɑsɩ sɩ lʋm ɩ́ tɑɑ ŋmɑɑ nɑ ɩ́ pɩɩ tɛtʋ kite.
30Mɑ lɑkɑɣɑ ɩ kiŋ kɛ təmlɛ kɛ́, nɑ mɑ́ hɛɛsəɣɩ ɩ lɑŋlɛ kɛ pɑɑ kʋyɑkʋ ŋku. Nɑ mɑ́ liɣiliɣi tɑm nɑ ɩ́ nɑɑkɩ.
31Nɑ mɑ́ liɣiliɣi ɩ tɛtʋ tɔɔ nɑ mɑ lɑŋlɛ hɛɛkənɑ yəlɑɑ.
Atuwɑ 8
Atuwɑ 8:25-31