Isaiah 35

2

5

6

7

9

11

35

40

42

49

50

52

53

54

55

56

58

61

64

¹Mutulua ma dobu poipoina ina vinuaiai, dobu dariḡaḡa ina vinuaiai ma ina talai!

²Berana ina numoi, ma ina vinuaiai ma ina logologoi! Inanana i vinualaulauna me Lebanon olai ma ana maura me Carmel olana ma Sharon wapuna. Kampa Bada ana boruma rava ina viatataiemi, Bada ana vigulau ina inanai.

³Ura vogarigarii ona vovaibagi, ae tutu gwaḡagwaḡana ona vovaibagi;

⁴Rava rovorovoi ona riwei, “Eḡa ona rovo! Ona virewapana! Ona inana! God ana mejina e nenei; da ami ḡavia ina vipupui.”

⁵Ma mata potapotai ina inana ma taniḡa potapotai ina nonora

⁶Gwaḡagwaḡai ina viauauepa me deer, ma gumgum ana morelanai ina vigaragararei. Waira au dobu dariḡaḡa ina wanaiwaḡi, ma vuvura ina raupaipairei.

⁷Doa paipairana ina vitopa vuvura ina raupaipairei au dobu dariḡaḡa, modu ma gonu ina gogo labalababa auou moduei ana au animae.

⁸Ma kampa etanai ḡaeḡaena e ḡoreḡorei Etanai vivivireina, ina mae. Etanaina lamna taui God ana babara e nenaeni, taui ava aubaii, Rava orai miramirai eḡa ina babarani. Bubuai weka eḡa ina babara dadana.

⁹Eḡa lion bo raviuru kampa ina babara. Eḡa ḡamoḡamo ḡaiḡaiawai kampa ina mae Bada rava i vivilawania, taui ava kampa ina babara.

¹⁰Bada aiavoi i gimara-melei wenanare ina nememei ana welawelai ina rui au Zion Nuaiai maemaena ina vikunuteiei, nuaiai ma morelana ḡaeḡaena ina peu au tepai, nuabola ma iniviara ina amoa.