Aisaya 35

1

2

5

6

7

8

9

11

28

30

31

32

33

35

40

41

42

43

44

45

46

49

50

52

53

54

55

58

60

61

63

64

65

66

¹Yuu bange anda nange muiyane doko rae wakasa maira. Yuu dopale dokona kalya pingi isa dupwa jingi lyuo rao karara.

²Yuu bange anda nange doko yuu kyau Lepanone au piyamuli pyuo rae maipala kenane poraiyuo pyara. Yuu Kamele amenge pinginyili pyuo yuu muiyane doko seramopa wambu peparaeme Anatunya porai rengepe neta rengepe yulu wakasape doko angi kandarami.

³Kingi kondelyamo dupwape dee kimbu walu lenge dupwape porainyi pyambuo karalapape.

⁴Wambu yamarangyuo yaki nyelana pilyaminyi dupwa dopa lamaiyuo, Anatumi nakamana yanda pimwai dupwa isingi moŋo maiyakala epana pilyamo dokona paka nana, lamai.

⁵Lenge koo dupwa lenge rao kando kalepoe dupwa pii soo pirami.

⁶Papae rambungi dupwa sipurapala malya pyao pii laa nange dupwa rae maiyuo kyakale lao pirami. Yuu muiyane yando dokona ipwa lyuo para.

⁷Yuu kee netame kana ingyuo rao alyingi dokona ipwa pete sera. Yuu oo lasi dupwana ipwa renge palyuo guu lara. Yuu koo yana suwa kararope palyuo kareyaminyi dokona maimbupaka pulyuo pyuo karara.

⁸Yuu dokona aewae kata ingyuo wasaramopa kingi Poo Pyasi Kata laraminyipa koo pingi dupwa kata dokona papya narami ingyara. Kopyali minyingi dupwame kata dokona paa narami ingyara.

⁹Mena nalana pingi dee mena laenepe dupwa kata dokona papya naraminyipa Anatumi kiiramo nyisi wambu dupwa iki anda kata dokona parami.

¹⁰Nakama rae maiyuo Jerusaleme kando nyuo dokopa kenane poraiyuo pyao rae maiyuo parami. Saka rengepe mona randange rengepe dupwa nakama keta epa naramopa rae maiyuo karalu kararami.