1Hafoga:i soge da hahawane ba:mu. Ifa lubi da falegale, wadela:i soge ganodini alemu.
2Fedege agoane, hafoga:i soge da hahawaneba:le, gesami hea:mu amola wele sia:mu. Hafoga:i soge da ida:iwane Lebanone Goumi defele ba:mu, amola amo soge ea nasegagi da Gamele amola Sia:lane ifabi ela nasegagi defele ba:mu. Dunu huluanedafa da Hina Gode Ea gasa bagade hou amola Ea baligili Hadigi ba:mu.
3Dilia! Nowa ea lobo da helebe, amola nowa da gasa hameba:le ea emo muguni da yagugusa, amoma gasa ima.
4Nowa da da:i dioi galea, ilima amane sia:ma, “Gasa lama! Mae beda:ma! Gode da dili gaga:musa:, amola dilia ha lai ilima se imunusa: misunu.”
5Si dofoi dunu da bu ba:mu. Ge ga:i dunu da bu nabimu.
6Emo gasuga:igi dunu da soagala:le gosa:mu. Amola sia: hamedei dunu da hahawaneba:le, wele sia:mu. Hafoga:i sogega, hano noga:i ahoanebe ba:mu.
7Hafoga:i soge amo ganodini, sa:iboso soge da afadenene, hano wayabo agoane hamomu. Amola hafoga:i sogebi amo ganodini, gu hano bagohame ba:mu. Sogebi amo ganodini sigua wa:me da esalu, amoga fafugisi amola saga: ba:mu.
8Amo soge ganodini, logo ea dio amo “Hadigi Logo” dialebe ba:mu. Amoga ahoanebe, dilia da wadela:i hamosu dunu hame ba:mu. Amola gagaoui dunu da amoga ahoabe dunu ilima ogogomu hamedei agoane ba:mu.
9Laione wa:me amogai esalebe hame ba:mu, amola nimi bagade ohe fi hame ba:mu. Be nowa dunu amo Hina Gode da gaga:i dagoi, amo dunu da ilia diasudafa amoga doaga:ma:ne, amo logoga ahoanebe ba:mu.
10Ilia hahawaneba:le, gesami hea:lala amola wele sia:nana, Yelusalemega doaga:mu. Ilia da da:i dioi amola se nabasu bu hame ba:mu. Be ilia da eso huluane hahawane fifi ahoanumu.
