Isaías 32

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Be dakmar. Rey-wargwen innikigwadba yar-seoed, degi, dummagan-neggwebur-semaladi, napiragwadba negsemaloed.

²Dummagan-neggwebur-semaladi, burwa-irwa dulemar-odukueyobi, dulemarga gumaloed. Burwa-dummagan-noed-irwa dulemar-odukueyobi, ega gumaloed. Neg-dinnagwadba dian-maidaeyobi, ega gumaloed. Nega-dulesulidganba akwa-dummad-negsichi-imaksidaeyobi, ega gumaloed.

³Bela-belad nue-nakuledii gumaloed, nue-bogimakar dulemar-sunmaked-itodii gumaloed.

⁴Nue-itoakwaa ibmar-imake gumaloed. Nuekwa-sunmake, magar-nue-neg-itoge gumaloed.

⁵Dulemala, dule-binsaedsulidaed dule-nuga-nikadye bar biosurmalad. Gadi-dule-yamogedi, sae-dakledoed.

⁶Ar dule-binsaedsulidaedi, binsaedsuli sunmaked, yogasaar sunmaked. Igar-isganaginbi binsadidaed, igar-isganabi imakdidaed. Bab-Jehováʼgi gakansaar sunmakdidaed. Dule-masgunbigudiid ogunbidasulid, dule-ukudmaada-itodiid ogobbidasulid.

⁷Gadi-dule-yamogedi, dule-yamogedgi alamakdidaed, igar-isgana-imakedgi alamakdidaed, e-gakansaedgi dule-wilemalad-wiodidaed. Dule-gakansaedi, dule-ibmarbina-sogdiid ega igar-naboye-gordidamaladga, gakansadidaed.

⁸Ar dule-nuga-nikaddi, degisulid. Igar-nueganbi imakdidaed, e-igar-nuegan-imakedba e-nug dunguoed.

⁹Omegan-gwen-bai-itosurmalad, ¡be nue an-itomar! Bunamala-gwen-bai-binsadisurmalad, an bemarga-ibmar-sogoedi nue bogimakar be an-itomalo.

¹⁰Emide, bemar bela nueganbi-bukwa daklemalad, birgagwensega bemar, dobedba-wawanmakdemaloed. Ar ade, uva-sanmar bar welegosulid, ibmar-gwagmar bar welegosulid.

¹¹Omegan-gwen-bai-itosurmalad, ¡be nue dobee itomarsun! Bemar-baisur-itodimalad, ¡dobedba be wawanmakmarsun! We-mor be yoimalad esumarsun, wile-itoged-mor be yomarsun.

¹²Nainu-yeerdaklege-naidga, degi, uva-nainu-nuegan-naidga, be bukib-itogedba binasgar be bibyomarsun.

¹³Degine, an-dulamar-e-yar ikomar-yaisulidga gudoed, gagan-ikobimalad-yaisulidga gudoed. Deginbali, bela neg-yagi weligwar-gudimaladga, neggweburgi ibabi-dakdimaladga be wile-itomarsun.

¹⁴Ar reynegmar olloo melledoed, dulemar-neggwebur bela olloo sigoed. Reyneg, degi, neg-gandikmalad, akwa-dummagan-ollogan-bukwayobi degisadegu bukuoed. Sapur-moli-uayasuid-obunnoged-negga guoed, sibadmar-mas-maed-negga guoed.

¹⁵Geb Bab-Dummad-Burba anmargi aidenonikoed, nega-dulesulidi, napa-nuedga gudoed, napa-nuedi, nainu-nued-daklege nadoed.

¹⁶Degisoggu, bela neggweburmar-ilibali, igar-napiramalad, degi, igar-innikimalad oyolemai guoed.

¹⁷Igar-napiragwadi, bega gwage-bogidikid ukoed. Baisur-itoge be-imakoed, degisadegu dobsuli-nanadii be-imakoed.

¹⁸An-dulamar neg-bogidikidgi-gudii gumaloed, nega-nuedgi-mamai gumaloed, neg-boo-itolegedgi-obunnomamai gumaloed.

¹⁹Ar amba sapurdi egi dii-gwamakaled babatidoed-inigwele, bela neggwebur ibitogoed-inigwele, bemargindi nued binsalemarsun.

²⁰Bemar, dii-gakanaba-ibmar-digmaladi, moli-bebe-nikad-alugwasualed-esikar-imakdimaladi, degi, moli-uayasuid-esikar-imakdimaladi, bemargindi nued binsalemarsun.