1“Ipi lunghem nan nangahitam, Ariel, David khopi. Kumseh le golnop anneh namang jingin.
2Hijong leh nachunga manthahna kahin lhut ding, chuleh hichea chu lunghem naleh kana sangtah umding ahi. Ajehchu Jerusalem hi Ariel min kisah akoudoh chu hung hiding ahi-maicham thisan in atom khum.
3Keima hi nagal mi kahiding, Jerusalem kakol khum’a nabang hou kaphut ding ahi. Kul sangtah a kasah a, ka suhmang ding ahi.
4Chuteng, leiset thuhtah noija kon’a nahin seiding; leivui noi langa patna nathu hungding ahi. Tol a kon’a na awgin chu thilha lhannoi akon’a olcha a awgin tobang hiding ahi.
5Ahin hetman lou in, lungsetnaneilou nagal mite chu leivui hoitahbanga ki suchip dingu ahi. Nahinsat hou chu huilah a changvaibanga delmanga umdiu ahi. Photlotlouvin, apet pet nin.
6Keima, van janel Pakai innadinga thil kahin bol ding ahi; vangin, lingki hot leh husa sangtah, chimpei, hui le go kitho leh mihalvam jeng thei meikonga kahungvilding nahi.
7Chitin namtin Jerusalem douna a galsat ho jouse mang banga manghel diu ahi! A kulpiu nokhumho jouse jan mang banga mangheldiu ahi.
8Gilkel thohpan nehding amangmat in, ahin ahung khah teng lehana gilkel thou thou ve. Dang chahpan donding a mang mat in, ahinjingkah ahung hiteng leh dang chahin alhachom in ahi. Hitobanga chuna melma teu hung hiding, Zionlhang nokhum ho jong hidiu ahi.”
9Na lungdonga natahsan lel ham? Na tahsan lou ham? Hichu ahilehche masan lang khomu lou inumtan. Na ngolbeh buh in ahin juakon ahipoi! Na lundong donginahi, ahin ju akon ahipoi!
10Ajehchu Pakai in imut lhuh nalhagao nachunga ahin sun lhahahitai. Na themgao ho leh gaochang ho mit chu a sing tup tan ahi.
11Ahung lhung ding thilsoh dingjouse gaova kimu hi amaho adinga lekhabu Mohor kinam khumtobang ahi. Asim thei ding honapeh teng leh, hitia hi aseidinguahi. “Mohor a kinam khum jeh inkasim theipouve” atidiu ahi.
12Asimthei louho napeh teng leh, hitia hi aseidiu ahi, “Iti simdihamkahepou ve,” atidiu ahi.
13Hijeh chun Pakai in aseije, “Hiche mite hin amaho hi keija ahitin aseijuve. Akam un ei jabol un, ahin alungu keija konin agam lanahi. Eihou u jong hi ima ahipoi, ahin mihem semthu danthu holehmohchin chin thu a bou ahi.
14Hiche jeh ahi, keiman avel’a mipha lhem ho paomo leova hatah a adatmo na diuva kakoi ding ahi. Miching chihna chu hung mangintin, chihna nei hetna ho hungbeiding ahitai.”
15Ipi lung genthei nan a nga u ahitadem, Pakai kom’a kon athilgonhou selmang guhon, muthim noi’athilse bolhon! “Pakai in eimu theipouvin, ipi ibol’u jong ahepoi,” tin asei juve.
16Ichan gei’a hung ngol ding nahitam? Amachu beldengpa ahin, amachu tahbeh in nang leingansanga lenjo ahi! “Aman eisemahipoi,” tia thilsem in asempakom’a aseiding ham? “Eisem pabeldengpa hi mingol ahi, “tia bel inaseikhah mong ding ham?
17Mangang tah’a-geisang behsehtalou ding- Lebanon gammang lahho chu loupha lai hung soh in tin, lousoh tampi asosah ding ahi.
18Hiche niteng chuleh lekhabuathuchengkisim, nangonginajahding, chule mitchon lungjinnaleh muthim amu ding ahi.
19Mi kineosah hon Pakai akon’akipana thahbeh amudim sohdiu ahi. Migenthei ho chu Israel Mitheng Paa kipah thanom diu ahi.
20Mi ija seplou ho umtalou diu, mi kithupi sah ho mangthah diu, chuleh thilpha lou bolgoho kithat diu ahi.
21Mona neilou themmo chansahho mangthah diu ahi. Thutan dihlamhilouva hei mangho leh monaneiloi suhmang nadinga jou sei honakibang chet gotna kipe chu chang diu ahi.
22Hijeh achu Pakai, Abraham huhdohpan, Israelmitehenga aseijin, “Kamite jachatna a hung um talou diu, kichat jeh a dang kehkoh talou diu ahi.
23Ajehchu achateu tamtah ahin mu tengu leh, phatthei na jouse achateu kaboh amu tengu leh Israel Mitheng Pa thenselna chu ahin hetdoh diu ahi. Jacob Pathen mai’a kichatah a ding diu ahi.
24Ngol thit thet hon hettheina hin nei untin, phun sehon kihilna asandiu ahi.
