Job 17

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Wal Job bin tok adbalawei langa God, “Ai nomo garram eni tjens, en ai garra gibap na. Main taim im gulijap binij na en det greib im redibala blanga mi.

²Ai gin luk oni detlot wailwan pipul hu oldei meigim fan langa mi.

³YAWEI det trubala God, if yu nomo album mi, wal hu garra pei mani blanga meigim mi fri?

⁴Dumaji yubin meigim main fren olabat jadimap olabat irriwol na. Wal yu na garra shoum olabat dei nomo rait.

⁵Olabat bin wandi bleim langa mi jis blanga album olabat ronselp. Wal yu meigim olabat bigininimob jidan blainwan du.

⁶“God, yu na bin meigim olabat mokimbat langa mi en dei oldei spitbat langa mi.

⁷Mi fil rili soribala en tharran meigim mi gulijap jidan blainwan en blanga main bodi brabli bouniwan.

⁸“Sambala pipul oldei jidan brabli gudbala, en olabat jidan wail langa main nogudbala fren.

⁹Olabat gin dum gudbala ting, en olabat oldei jidan brabli strongbala,

¹⁰bat main fren olabat nomo sabi enijing.

¹¹“Blanga main laif im gulijap binji na. Aibin trai weidabat blanga det gudbala taim, bat nomo enijing bin hepin. Najing.

¹²Bat ol main fren olabat trai blanga dalim mi blanga weidabat blanga det gudbala ting, bat najing. Olabat nomo sabi.

¹³Ai garra dalim det graun blanga meigim main sweig redibala na.

¹⁴En ai garra sei gudei langa det greibyad jis laik mi tok langa main dedi. En detlot wem olabat main mami en sistamob, en ai garra sei gudei langa olabat.

¹⁵“Wotfo ai garra weidabat oni blanga tharran?

¹⁶Hu garra go langa det greibyad garram mi? Nobodi.” Lagijat na Job bin tok.